Daði Freyr talar í beinni frá Berlín í Núllstillingunni

02.04.2020 - 13:33

Helga Margrét Höskuldsdóttir

dagskrárgerðarmaður

Núllstilling, nýr spjallþáttur úr smiðju RÚV núll, er á dagskrá í beinni útsendingu frá 14 til 16 á RÚV 2 og í spilaranum í dag. Þátturinn er á dagskrá alla virka daga á meðan samkomubanni stendur og er sendur út frá sviði Eldborgar í Hörpu.

Meðal gesta í dag er enginn annar en Daði Freyr sem talar í beinni frá Berlín þar sem hann býr. Daði og lagið hans, Think about things, hefur vakið gífurlega athygli upp á síðkastið þrátt fyrir að það fái ekki að vera fulltrúi Íslands í Eurovision sem mun ekki fara fram í Rotterdam í ár.

Atli Már Steinarsson og Snærós Sindradóttir sjá um þáttinn í dag en ásamt Daða Frey eru þetta gestir dagsins:

View this post on Instagram

Rosalegur þáttur í dag einn Jökull, tvær Indiönur og einn tveggja metra Daði! Daði Freyr, okkar eini sanni verður í þráðbeinni beint frá Berlín Indíana Rós er hafsjór af þekkingu um kynlíf og dregur eitthvað sjóðandi umræðuefni upp úr pokahorninu. Jökull Sólberg segir að nú sé rétti tíminn til að læra loksins forritun, tungumál framtíðarinnar Indíana Jóhanns mætir með réttu tökin við teygjurnar eftir heimaleikfimina

A post shared by RÚV núll (@ruvnull) on Apr 2, 2020 at 5:10am PDT

Hægt er að hafa samband við þáttastjórnendur í gegnum netfangið [email protected], hjá @ruvnull á Instagram og á Facebook-síðu RÚV núll. Hikið ekki við að senda okkur efni og ábendingar.