Fljótsdalshérað

Hoppukastalar, kandífloss, biðraðir, sápukúlur, skemmtiatriði og tónlist. Allt þetta var í boði í dag á þjóðhátíðardaginn, mismikið þó eftir sveitarfélögum.  Langar biðraðir mynduðust við leiktæki í blíðunni í Kópavogi en sum sveitarfélög slepptu næstum alveg hátíðahöldum. 

Engin smit kórónuveiru hafa greinst á Austurlandi síðustu tvo daga. Sex staðfest smit eru á Austurlandi, öll á Fljótsdalshéraði. Enginn telst alvarlega veikur. Beðið er eftir niðurstöðum úr sýnum sem enn hefur ekki náðst að greina. Þetta kemur fram á Facebook-síðu Lögreglunnar á Austurlandi.

Langbylgjuútsendingar duttu út á Austurlandi í gær. Talið er að útsendingin hafi legið niðri í um þrjár klukkustundir. Samkvæmt upplýsingum frá tæknideild RÚV varð bilun í búnaði í langbylgjustöðinni á Eiðum. Ekki hafi tekið langan tíma að koma því í samt lag.

Samgönguráðherra vill hrinda í framkvæmd tillögum um að flugfargjöld íbúa á landsbyggðinni verði niðurgreidd um helming. Þetta er meðal tillagna starfshóps sem skilaði samgönguráðherra skýrslu í dag.

Framsóknarflokkur og Sjálfstæðisflokkur og óháðir, mynda nýjan meirihluta í Fljótsdalshéraði á komandi kjörtímabili. Er það niðurstaðna viðræðna fulltrúa flokkanna undanfarna daga, segir í fréttatilkynningu. Stefán Bogi Sveinsson, oddviti Framsóknarflokks, verður forseti bæjarstjórnar og Anna Alexandersdóttir, oddviti Sjálfstæðisflokks og óháðra, verður formaður bæjarráðs.

Fulltrúar Héraðslistans og Sjálfstæðismanna á Fljótsdalshéraði eru nálægt því að hefja formlegar meirihlutaviðræður. Steinar Ingi Þorsteinsson, oddviti Héraðslistans, segir að fulltrúar flokkanna hafi kastað á milli sín drögum að málamiðlun í fráveitumálum en þeir voru ekki sammála um hver væri besta framtíðarlausnin fyrir kosningar. Hann telur meiri líkur en minni á að lending náist í dag og segir að samhljómur sé í öðrum málum.

Stærstu tíðindin á Austurlandi í sveitarstjórnarkosningunum í gær eru þau að meirihluti Sjálfstæðisflokks og Framsóknar í Fjarðabyggð féll á einu atkvæði að því er virðist, Seyðisfjarðarlistinn náði hreinum meirihluta á Seyðisfirði og Framsóknarflokkur felldi meirihluta Sjálfstæðisflokks og 3. framboðsins og náði hreinum meirihluta á Hornafirði.

Frambjóðendur flokkanna sem bjóða fram í Fljótsdalshéraði sátu fyrir svörum á Rás 2. Að þessu sinnu eru fimm flokkar sem bjóða fram, Héraðslistinn, samtök félagshyggjufólks,Sjálfstæðisflokkur og óháðir, Framsókn á Fljótsdalshéraði og Miðflokkurinn

Aðalfundur Héraðslistans á Fljótsdalshéraði felldi á laugardag tillögu stjórnar um að listinn myndi ekki bjóða fram í kosningunum í næsta mánuði. Stjórnin lagði til að listinn drægi sig í hlé þar sem ekki hafði tekist að manna efstu sæti, en Héraðslistinn á tvo fulltrúa í bæjarstjórn. Aðalfundurinn ákvað hins vegar að í stað þess að gefast upp á leitinni skyldi skipuð uppstillingarnefnd sem ynni að því að manna listann.

Stefán Bogi Sveinsson, lögfræðingur og bæjarfulltrúi, leiðir lista Framsóknarflokksins á Fljótsdalshéraði fyrir komandi sveitarstjórnarkosningarnar. Gunnhildur Ingvarsdóttir, fjármálastjóri og bæjarfulltrúi, skipar annað sætið á eftir honum. Stefán Bogi og Gunnhildur skipuðu einnig efstu tvö sætin í kosningunum fyrir fjórum árum.

Snjór hefur komið í veg fyrir að fulltrúar Minjastofnunar geti skoðað svæði við Urriðavatn í Fljótsdalshéraði þar sem til stendur að gera ylströnd. Umsögn Minjastofnunar er hins vegar skilyrði fyrir því að heimilt sé að hefja framkvæmdir á svæðinu.

„Ég hef alltaf haft mikla jafnréttiskennd þannig að þetta starf hugsa ég bara að sé tilvalið fyrir mig,“ segir Aron Steinn Halldórsson, formaður ungmennaráðs Fljótsdalshéraðs. Ásta Evlalía Hrafnkelsdóttir, sem einnig situr í ráðinu, tekur í sama streng og segir mikilvægt að sveitarfélög séu með ungmennaráð. „Við unga fólkið erum það sem kemur til með að taka við þjóðfélaginu seinna meir svo það er gríðarlega mikilvægt að við fáum vettvang til þess að tjá okkur og koma okkar skoðunum á framfæri.“