Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.
Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.
Hópurinn fær skjól hjá Hildi heilara. Ormhildur fer að leita jurta og lendir þá næstum í klóm Rauðs. Alberti tekst að flýja úr hafarnarhreiðrinu. Þrjár ástsjúkar skessur handsama hann, þvinga hann til að vinna og krefjast þess að hann giftist þeirri elstu. Álfur fellur í hendur Rauðs.
Talsett Disney-teiknimynd frá 1999 um leikföng sem lifna við þegar eigandi þeirra, Addi, hverfur úr sjónmáli. Bósi Ljósár og vinir leggja í ævintýralegan björgunarleiðangur þegar leikfangasafnari rænir Vidda.
Íslenskir heimildarþættir. Viktoría Hermannsdóttir kynnist æskuslóðum viðmælenda sinna í ýmsum bæjum og hverfum. Umsjón: Viktoría Hermannsdóttir. Framleiðsla: Pera.
Á Grenivík búa tæplega 400 manns og þar ólst handritshöfundurinn Karen Björg Eyfjörð Þorsteinsdóttir upp. Viktoría Hermannsdóttir röltir með Karen um æskuslóðir hennar á Grenivík.
Heimildarþættir um unglingamenningu á Íslandi í gegnum tíðina. Hver þáttur spannar einn áratug og eru unglingsárin krufin í gegnum viðtöl við þjóðþekkta Íslendinga. Leikstjórn: Björn B. Björnsson. Framleiðsla: Reykjavík Films.
Í þessum þætti er fjallað um árin 1950-1960 og unglingamenning áratugarins krufin í gegnum viðtöl við þau Ásdísi Kvaran, Birgi Sigurðsson, Edvard Skúlason og Iðunni Steinsdóttur.
Þáttaröð í tíu hlutum um íslenskar kvikmyndir allt frá fyrri hluta 20. aldar til samtímans. Í hverjum þætti er ákveðið tímabil tekið fyrir, fjallað um kvikmyndir þess tímabils og sýndir valdir hlutar úr þeim. Rætt er við á annað hundrað kvikmyndagerðarmenn, leikara og kvikmyndasérfræðinga um verkin og margvíslega fleti íslenskrar kvikmyndagerðar. Leikstjóri: Ásgrímur Sverrisson.
Tímamót verða í sögu íslenskra kvikmynda þegar Börn náttúrunnar er tilnefnd til Óskarsverðlauna. Á þessum tíma koma fram nýiir leikstjórar sem beina sjónum sínum að borgarumhverfinu og höfða til unga fólksins. Gluggað er í myndirnar Börn náttúrunnar, Sódóma Reykjavík, Veggfóður, Svo á jörðu sem á himni, Benjamín dúfa, Tár úr steini og Ingaló.
Þáttaröð frá árinu 2006 um íslenska einleikara sem allir hafa staðið framarlega í íslensku tónlistarlífi um lengri eða skemmri tíma. Umsjón: Jónas Sen. Dagskrárgerð: Jón Egill Bergþórsson.
Jónas Sen ræðir við Bryndísi Höllu Gylfadóttur sellóleikara.
30 ára ferill Spaugstofunnar og þeirra sem stóðu á bak við hana rakinn í upprifjun á gömlu sjónvarpsefni, viðtölum við mennina á bak við þættina og fjölmarga aðra sem tengdust þeim, birtust í þeim eða voru fórnarlömb þeirra. Umsjón: Gísli Marteinn Baldursson. Dagskrárgerð: Eiríkur Ingi Böðvarsson.
Gleðiverkfæri Gleðiskruddunnar eru þættir sem byggjast á hugmyndafræði jákvæðrar sálfræði. Í hverjum þætti er eitt gleðiverkfæri kynnt sem hefur þann tilgang að efla sjálfsþekkingu, jákvæðar tilfinningar, auka vellíðan, bjartsýni og von og um leið aðstoða börn og ungmenni að takast á við verkefni og áskoranir daglegs lífs. Verkefni tengd þættinum má finna á glediskruddan.is
Umsjón: Marit Davíðsdóttir og Yrja Kristinsdóttir.
Hvað eru tilfinningar og af hverju eru þær gagnlegar? Í þessum þætti lærum við um ólíkar tilfinningar og hvernig við getum sett nafn á þær.
Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?
Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson. Dagskrárgerð: Eva Rún Þorgeirsdóttir og Elvar Egilsson
Arnór og Kristín eru búin að flækjast inn í njósnaleik Addúar, sem er sannfærð um að sögukennarinn sinn sé galdrakarl. Þegar Addú klifrar inn um gluggann á íbúð kennarans, elta Arnór og Kristín hana, og þar inni er heldur betur drungalegt um að litast.
Sigyn Blöndal fær fluggáfaða krakka til að hjálpa sér að leysa ráðgátur um land allt.
Sagan segir að um árið 900 hafi Eiríkur rauði og kona hans Þjóðhildur knarrabringa sest að í Haukadal og búið þar í einhvern tíma. En getum við fundið sannanir þess að þau hafi í alvörunni búið þarna?
Baldur Valbergsson og Ívar Örn Haraldsson fara í leiðangur og leit að Eiríki rauða og fjölskyldunni hans.
Bolli og Bjalla lýsa hörkuspennandi íþróttakeppni þar sem krakkar keppast við að klára allskonar íþróttaþrautir.
Í íþróttatíma útbúa álfarnir Bolli og Bjalla æsispennandi keppni á milli tveggja liða sem mætast í þrem þrautum: Svampasundi, Buxnaflækju og Kúlustigakasti.
Liðin keppast við að safna stigum og annað liðið stendur upp úr sem sigurvegari.
Í þessum þætti mætast liðin TM og Tvibbarnir
Keppendur eru:
Tinni Snær Aðalsteinsson
Mónika Mekkín Svavarsdóttir
Lóa Lind Karlsdóttir
Fanney Fjóla Karlsdóttir
Sextánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Dagskrárgerð: Elín Sveinsdóttir.
Í þessum þætti tökum við viðtal við Magnús Geir Þórðarson þjóðleikhússtjóra. Við fáum að smakka á því besta af borðum kokkalandsliðs Íslands og spókum okkur í einum elsta kirkjugarði landsins. Við sýnum frá opnun sýningar fatlaðra listamanna á Samúelssafni í Selárdal á Vestfjörðum og tökum sporin með djassballettskóla Báru.
Íþróttafréttir.
Veðurfréttir.
Sigríður Hagalín Björnsdóttir og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Meirihluti kjósenda hafnaði í gær að hefja á ný aðildarviðræður við Evrópusambandið. Formenn stjórnmálaflokka á Alþingi gera þjóðaratkvæðagreiðsluna upp í Silfrinu.
Í safni sjónvarpsins er að finna efni allt frá stofnun þess en sjónvarpið hefur fylgt þjóðinni í sextíu ár. Helga Lára Þorsteinsdóttir og Viktoría Hermannsdóttir demba sér á kaf í safnkostinn og sýna þjóðinni valda gullmola. Áhugaverð, forvitnileg og óvenjuleg brot úr sjónvarpssögunni sem sum hafa nýlega verið gerð aðgengileg. Dagskrárgerð: Ragnheiður Thorsteinsson.
Margt sem þótti sjálfsagt á árum áður er horfið í dag. Helga Lára Þorsteinsdóttir og Viktoría Hermannsdóttir skoða ýmis myndbrot úr safni sjónvarpsins sem tengjast hlutum eða heimi sem er horfinn.
Belgískir spennuþættir frá 2025. Árið er 1936 og hópur súrrealista, þar á meðal ungur Salvador Dalí og René Magritte, kemur saman á ensku sveitasetri. Þegar morð er framið liggja allir undir grun. Aðalhlutverk: Pierre Gervais, Stephen Tompkinson og Donna Banya. Þættirnir eru ekki við hæfi barna yngri en 12 ára.
Finnsk kvikmynd frá 2003 í leikstjórn Hönnu Maylett. Minna er 16 ára og orðin þreytt á að fylgja reglum samfélagsins. Besta vinkona hennar, Emma, fær hana með sér í puttaferðalag út í óvissuna til að sýna henni að hún geti verið uppreisnargjörn. Ferðalagið reynist örlagaríkara en Minnu óraði fyrir og veitir henni nýja sýn á lífið. Aðalhlutverk: Hennariikka Laaksola, Saila Laakkonen og Lauri Kontula. Myndin er ekki við hæfi barna yngri en 16 ára.
Margverðlaunuð norsk heimildarmynd frá 2020. Tveimur stórum málverkum eftir tékknesku myndlistarkonuna Barboru Kysilkovu er stolið af myndlistarsýningu. Hún hefur uppi á þjófnum og á milli þeirra myndast óvænt vinátta. Leikstjóri: Benjamin Ree.
