Bein útsending frá spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir.
Spurningahöfundar: Ævar Örn Jósepsson og Auður Tinna Aðalbjarnardóttir. Dómari: Sveinn Guðmarsson.
Stjórn útsendingar: Helgi Jóhannesson.
Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.
Í þessum þætti segir Guðrún Ósk Maríasdóttir sögu sína. Þrátt fyrir að eiga fjölfatlað barn og glíma við afleiðingar alvarlegs höfuðhöggs frá handboltaárunum horfir hún björtum augum til framtíðar.
Í þáttaröðinni ræðir Eva María Jónsdóttir við konur sem hafa rutt brautina í einhverjum skilningi. Konurnar hafa bæði fengist við störf sem teljast hefðbundin karlastörf, fetað hina hálu braut stjórnmálaframa og komið fram með nýjungar á markaði eða í listum. Þær lýsa á mjög fjölbreyttan hátt glímu sinni við starfið, almenningsálitið og löngun til að stækka eigin hugmyndaheim. Dagskrárgerð: Eiríkur Ingi Böðvarsson.
Ragnhildur Helgadóttir var með fyrstu konum á Íslandi til að ljúka námi í lögfræði. Hún var eina konan á Alþingi Íslendinga árið 1956, þá 26 ára. Hún reyndist öflug og úthaldsgóð og ruddi ýmsar brautir fyrir kynsystur sínar á vettvangi stjórnmála.
Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.
Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.
Helstu fréttir settar fram á einfaldan og aðgengilegan hátt.
Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.
1. Ísland lenti í fjórða sæti á EM karla í handbolta 2. Perlað af Krafti. Endum svo þáttinn á leikskólanum Hlíðarenda.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Halldórsdóttir, Urður Örlygsdóttir og Viktoría Hermannsdóttir.
Hart hefur verið tekist á um drög atvinnuvegaráðherra um lagareldi, sem kynnt voru í samráðsgátt fyrir skemmstu. Samtök fyrirtækja í sjávarútvegi telja frumvarpið vel ígrundað og hafa möguleika á að búa til grundvöll að sjálfbærri verðmætasköpun - en gera þó ýmsar athugasemdir. Landssamband veiðifélaga telja það mikla afturför frá frumvarpi síðustu ríkisstjórnar og ávísun á útdauða villta laxastofnsins. Jón Helgi Björnsson, formaður Landssambands veiðifélaga, og Heiðrún Lind Marteinsdóttir, framkvæmdastjóri SFS, voru gestir Kastljóss.
Benedikta Eik Eiríksdóttir, sem leitaði blóðföðurs síns í 20 ár, segir mun algengara en margir halda að fólk sé rangfeðrað. Eftir að fjölmargir í svipaðri stöðu og hún höfðu samband við hana stofnaði Benedikta samtök fyrir rangfeðrað fólk.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Kristrún Frostadóttir forsætisráðherra ræðir verðbólguskot og blikur á lofti í efnahagsmálum.
Síðari hluti þáttarins er helgaður umræðu um aðildarviðræður Íslands við Evrópusambandið. Ríkisstjórnin ætlar að leggja fram þingsályktunartillögu um þjóðaratkvæðagreiðslu um framhald viðræðnanna, en hlé var gert á þeim árið 2013. Ragnhildur Helgadóttir lögfræðingur og rektor HR, sem átti sæti í samninganefnd Íslands, og Sigurður Kári Kristjánsson, lögfræðingur og fyrrverandi alþingismaður, rifja upp gang viðræðnanna og spá í spilin um framhaldið.
Umsjón hefur Sigríður Hagalín Björnsdóttir, útsendingu stjórnar Þórunn Guðjónsdóttir.
Leiknir norskir þættir byggðir á sönnum atburðum. Vinirnir Benjamin og Elias eru 15 ára og horfa spenntir til framtíðar. Einn örlagaríkan janúardag árið 2001 breytir skelfilegur atburður öllu. Aðalhlutverk: Sam Ashraf, Emil Stenseth, Torbjørn Aamodt og Lee Boardman. Þættirnir eru ekki við hæfi barna yngri en 12 ára.
Breskir sakamálaþættir byggðir á sönnum atburðum. Þættirnir lýsa atburðarás sem hófst með kynnum háskólakennarans Peter Farquhar og nemandans Ben Field og leiddi til tveggja dauðsfalla, flókinnar lögreglurannsóknar og réttarhalda. Aðalhlutverk: Éanna Hardwicke, Conor MacNeill, Adrian Rawlins og Amanda Root. Þættirnir eru ekki við hæfi barna yngri en 12 ára.
Norsk heimildarmynd frá 2023 þar sem norska leikstjóranum og leikaranum Stein Winge og dóttur hans, Victoriu, er fylgt eftir í kjölfar fráfalls eiginkonu Steins og móður Victoriu, Kari Onstad. Feðginin reyna að styðja hvort annað í gegnum sorgina og fóta sig í nýjum veruleika. Leikstjóri: Terje Lind Bjørsvik.
