Í Konsert í kvöld Ætlum við að fara á tónleika með Sting og halda þannig upp á afmælið hans en hann varð sjötugur núna 2. október sl.
Hann sjálfur heldur upp á afmælið með því að senda frá sér plötu, fjórtándu sólóplötuna og hún heitir The Brigde, eða Brúin. Með nafninu er hann að vísa til þess að við þurfum brú til að komast yfir vandamál heimsins, pólitísk deilumál, samfélagsleg vandamál og tilvistarkreppu heimsins. Platan sem varð til í Covid-standinu kemur út núna í nóvember.
Sting spilaði í fyrsta sinn opinberlega í 2 ár á Reeperbahn Festival í þýskalandi núna í september.
Hann heitir Gordon Matthew Thomas Sumner, verkamannssonur frá Newcastle. Hann var byrjaður að starfa sem ensku og tónlistar-kennari heima í Newcastle þegar hann hitti trommarann Stewart Copeland árið 1976 og saman stofnuðu þeir hljómsveitina The Police í London ári síðar. Þeir fengu til liðs við sig frábæran gítarleikara sem þegar var búinn að geta sér nafn, Andy Summers, sem er 8 árum eldri en Sting.
Í júlí 2012 spilaði hann á Paleo festival í Swiss og RTS - Ríkisútvarpið í Sviss, tók tónleikana upp. Við ætlum að hlusta á þá í konsert vikunnar.
Sting ? söngur, bassi
Dominic Miller ? gítar
David Sancious ? hljómborð
Peter Tickell ? fiðla, mandolín
Vinnie Colaiuta ? trommur
Jo Lawry - bakraddir
