Gleymdar gleðistundir

2. þáttur: "Hvað vitið þér fegurra en Vínarljóð?"

Eftir að Leikfélag Reykjavíkur hafði sett upp fyrstu óperettusýninguna á Íslandi var komið að Tónlistarfélaginu, með Ragnar í Smára í fararbroddi, að setja Meyjaskemmuna á svið. Engu var til sparað, hvorki við uppfærsluna sjálfa né í kynningar- og markaðsmálum, og árangurinn lét ekki á sér standa. En sama formúlan virkar ekki alltaf. Það fengu Ragnar og félagar hans í Tónlistarfélaginu að reyna þegar kom að næstu uppfærslu.

Viðmælendur í þættinum eru Árni Heimir Ingólfsson, tónlistarfræðingur, Jón Karl Helgason, bókmenntafræðingur, Ólöf Kolbrún Harðardóttir, söngkona, Páll Baldvin Baldvinsson og Þórhildur Þorleifsdóttir, leikstjóri.

Lesarar í þættinum eru Anna Marsibil Clausen, Gunnar Hansson, Jóhannes Ólafsson, Pétur Grétarsson og Stefán Jónsson.

Birt

6. sept. 2026

Aðgengilegt til

Rennur ekki út

Óperur og óperettur rötuðu ekki á íslenskt leiksvið fyrr en á fjórða áratug síðustu aldar.

Margar af fyrstu uppfærslunum urðu geysivinsælar en eru flestum gleymdar í dag. Á meðan kreppan lagðist þungt á íslenskt samfélag skemmti fólk sér við að syngja og tralla með persónum úr evrópskum hástéttarævintýrum. Á sviðinu ríkti glaumur og gleði en bak við tjöldin var tekist á.

Umsjón og dagskrárgerð: Bjarni Thor Kristinsson