Bæn og hugleiðing að morgni dags.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Árni Þór Sigurðsson sendiherra leiðir formennsku Íslands í Eystrasaltsráðinu næsta árið. Hann kom á Morgunvaktina og sagði frá starfinu framundan og áherslunum.

Arthúr Björgvin Bollason sagði okkur tíðindi frá Þýskalandi. Þar hefur verið ólga í stjórnmálunum í sumar og líka í veðurfarinu, með ýmiss konar afleiðingum. Arthúr Björgvin talaði einnig um Johann Winckelmann, sem hafði gríðarleg áhrif á viðhorf Evrópubúa til forngrískrar menningar.

Sigríður Kristjánsdóttir, formaður Stjörnuskoðunarfélags Seltjarnarness, var síðasti gestur þáttarins og talaði um almyrkvann á morgun og mikilvægi þess að undrast, ekki síst yfir náttúrunni og náttúrufyrirbrigðum.

Tónlist:

Marína Ósk - In the wee small hours of the morning.

Katrine Madsen - Close to you.

Antonio Sanchez, Bela Fleck, Edmar Castaneda - Walnut and Western.

Katrine Jansson - August moon.

07:30

Útvarpsfréttir.

08:30

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Þórdís Lóa starfaði í borgarstjórn í átta ár, en var að hætta.

Morgunleikfimi með Halldóru Björnsdóttur.

Veðurstofa Íslands.

Umsjón: Kristján Kristjánsson.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Við ræðum hvimleiðan og óboðinn gest sem dúkkar upp á sumum heimilum, oft um þetta leyti árs, og gengur undir nöfnum á borð við ediksgerla, bananafluga og ávaxtafluga. Jón Már Halldórsson, líffræðingur, kemur til okkar í spjall og við ræðum þessa uppáþrengjandi en merkilegu flugu, matarsmekk hennar, vísindalegt gildi og mögulegar leiðir til þess að losna við hana.

Í Bæjarperlum vikunnar er brugðið örlítið út af vananum en nú er heill fjörður tekinn fyrir og leiðin liggur um Önundarfjörð. Á Kirkjubóli í Valþjófsdal er rætt við Sigríði Magnúsdóttur, sem tók á móti kúnni Sæunni eftir að hún hafði synt rúma tvo kílómetra yfir fjörðinn árið 1987. Sigríður rifjar upp þennan merkilega dag og segir sögu Sæunnar.

Minning hennar lifir áfram í Sæunnarsundinu sem fer fram í lok mánaðar og í Sæunnarhaug, þar sem hún var heygð við sjávarkambinn á staðnum þar sem hún kom að landi.

Tónlist:

Campbell, Glen - Grow old with me.

Brimkló - Þjóðvegurinn.

Fjallabræður - Hæ vinur minn.

Stefán Hilmarsson - Svanir flugu suður.

Dánarfregnir.

Yfirlit hádegisfrétta kl. 12 virka daga.

Þularkynnt tónlist

Íslenskt lag eða tónverk.

Útvarpsfréttir.

Daglegur þáttur um stór og lítil fréttamál í umsjón Inga Freys Vilhjámssonar og Ingvars Þórs Björnssonar.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Kristján Martinsson féll snemma fyrir tónlist og tilraunamennsku og var bráðungur í rappsveitinni Diplomatics, en sneri sér svo að ýmsum tilbrigðum af jazztónlist. Framan af ævinni átti hann erfitt með að gera upp á milli þverflautunnar og píanósins, en smám saman náði píanóið yfirhöndinni. Að því sögðu þá er hann enn að leita og vinnur nú að orgelplötu.

Reginfirra - Partý

Reginfirra (K Tríó) - Ons

Meatball Evening - Strokkur

Vindstig - Stormur

Stökk - Sýkill

Átta spunaverk - Impromtu Op.1 No.2

Átta spunaverk - Impromtu Op.1 No.7

1035 - Adagio ma non tanto

Óútgefið - II. Allegro - Live @ Orgelpark í Amsterdam

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Þriðji þáttur úr endurminningum Jónu Sigríðar Jónsdóttur, Ein á hesti, þar sem hún segir frá ævi sinni. Í þessum þætti er Jóna Sigríður komin um þrítugt og hefur fengist við margvísleg störf um ævina, en hún tekur nú að gerast mikil hestakona og kaupir og selur hross og fer í ýmsar svaðilfarir milli landshluta með hesta sína.

Útvarpsfréttir.

Í Tengivagninum er fjallað um það helsta sem er að gerast í menningu í sumar.

Fréttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Nokkur vel valin lög

frá Veðurstofu Íslands

Dánarfregnir.

Frá jazztónleikum á Jómfrúnni við Lækjargötu í Reykjavík. Í 30 ár hefur veitingastaðurinn staðið fyrir jazztónleikum á Jómfrúartorginu á hverjum laugardegi yfir sumartímann. Á meðal listamanna sem fram koma eru Tómas R. Einarsson, Silva Þórðardóttir, Anna Gréta Sigurðardóttir, Selma Björnsdóttir og Jóhanna Vigdís Arnardóttir. Umsjón: Felix Bergsson. Stjórn útsendingar: Helgi Jóhannesson.

Samantekt fyrir útvarp frá þremur sumartónleikum á Jómfrúnni.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Skáldsaga eftir norska höfundinn Tarjei Vesaas.

Heimir Pálsson þýddi, en lesari er Ingrid Jónsdóttir.

Sagan er samin um 1930. Hún segir frá fólki á býlinu Framnesi. Þar býr Ambos, rekur stóran hestabúgarð og ekur með ferðamenn um héraðið. Svörtu hestarnir hans eru honum kærari en flest annað. Ambros var ekkjumaður og á uppkomin börn, en hefur fyrir skömmu kvænst í annað sinn, ungri konu, Lísu. Þau eiga tvö ung börn, en Lísa er annarar gerðar en Ambros og samlagast ekki lífinu á bænum, yfir hjónabandinu hvílir skuggi sem markar allt fólkið á Framnesi.

Tarjei Vesaas var einn af helstu höfundum Norðmanna á tuttugustu öld. Hann fékk bókmenntaverðlaun Norðurlandaráðs fyrir Klakahöllina, sem einnig hefur komið út í íslenskri þýðingu.

Sagan er 18 lestrar.

frá Veðurstofu Íslands

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Við ræðum hvimleiðan og óboðinn gest sem dúkkar upp á sumum heimilum, oft um þetta leyti árs, og gengur undir nöfnum á borð við ediksgerla, bananafluga og ávaxtafluga. Jón Már Halldórsson, líffræðingur, kemur til okkar í spjall og við ræðum þessa uppáþrengjandi en merkilegu flugu, matarsmekk hennar, vísindalegt gildi og mögulegar leiðir til þess að losna við hana.

Í Bæjarperlum vikunnar er brugðið örlítið út af vananum en nú er heill fjörður tekinn fyrir og leiðin liggur um Önundarfjörð. Á Kirkjubóli í Valþjófsdal er rætt við Sigríði Magnúsdóttur, sem tók á móti kúnni Sæunni eftir að hún hafði synt rúma tvo kílómetra yfir fjörðinn árið 1987. Sigríður rifjar upp þennan merkilega dag og segir sögu Sæunnar.

Minning hennar lifir áfram í Sæunnarsundinu sem fer fram í lok mánaðar og í Sæunnarhaug, þar sem hún var heygð við sjávarkambinn á staðnum þar sem hún kom að landi.

Tónlist:

Campbell, Glen - Grow old with me.

Brimkló - Þjóðvegurinn.

Fjallabræður - Hæ vinur minn.

Stefán Hilmarsson - Svanir flugu suður.

Í Tengivagninum er fjallað um það helsta sem er að gerast í menningu í sumar.

Baldvin Þór Bergsson og Patrekur Jaime tækla ESB umræðuna, hvor með sínum hætti.

Í hverri viku fá þeir til sinn sama viðmælandann, í sitt hvort viðtalið í von um að ólíkar nálganir þeirra geti hjálpað hlustendum að svara stóru spurningunni: Á að hefja á ný viðræður um aðild Íslands að Evrópusambandinu?

Umsjón: Baldvin Þór Bergsson og Patrekur Jaime Plaza

Stjórn upptöku og samsetning: Helgi Jóhannesson

Ritstjórn: Anna Marsibil Clausen og Baldvin Þór Bergsson

Grafík: Kolbrún Þóra Löve

Ljósmyndun: Ragnar Visage

ATH: Hægt er að horfa á alla þættina í sjónvarpshluta spilarans

Þórður Snær Júlíusson, framkvæmdastjóri þingflokks Samfylkingarinnar og Stefanía Kolbrún Ásbjörnsdóttir, framkvæmdastjóri þingflokks Sjálfstæðisflokksins eru ósammála um hvort hefja eigi á ný aðildarviðræður við ESB. Í þættinum er einkum rætt um efnahagsmálin, vexti, verðbólgu og kosti og galla þess að vera með krónu eða evru.