Miðnæturfréttir.

Útvarpsfréttir.

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Morgunútvarpið hefur fjallað um ástandið í Minnesota undanfarið eftir að ICE-liðar skutu Alex Jeffrey Pretti og Renee Good til bana. Mótmælt er í Minneapolis og víðar í ríkinu og nú er andspyrnan farin að teygja sig til fleiri borga í Bandaríkjunum. Við settum okkur í samband við Dröfn Ösp Snorradóttur Rozas, íbúa í Los Angeles þar sem framgangi ICE-liða hefur verið mótmælt, og fræddumst nánar um stöðuna í Bandaríkjunum.

Fjöldi kynferðisbrotamála gegn börnum hafa komið upp undanfarið og hafa málin verið áberandi í fjölmiðlum. Kolbrún Hrund Sigurgeirsdóttir, verkefnisstýra ofbeldisvarna og kynheilbrigðismála hjá Barnaheillum, kom til okkar og fór yfir hversu mikilvægt það er að vera vakandi fyrir rauðu ljósunum og með hvaða hætti má nálgast samtal við ung börn um málefnið. Barnaheill ætla að bjíða foreldrum upp á opið fræðsluerindi um kynferðisofbeldi gegn börnum fimmtudaginn 29. janúar klukkan 14 – 15.30. Fundurinn verður rafrænn og aðgangur er ókeypis.

Bandaríski klifurkappinn Alex Honnold klifraði án öryggisbúnaðar upp háhýsið Taipei 101,sem er 508 metra há bygging í Taiwan. Þetta vakti heimsathygli enda í beinni útsendingu á Netflix og við í Morgunútvarpinu veltum fyrir okkur hvað fær mann til að gera slíkt? Við fengum til okkar parið Þorgerði Þórólfsdóttur klifrara og stjórnarkonu í Klifurfélagi Reykjavíkur og Guðmund Frey Arnarson klifrara sem keppt hefur í klifri en situr í stjórn Klifursambands Íslands.

Ísland mætir Sviss á EM í handbolta klukkan 14.30 í dag. Strákarnir mæta eflaust spangólandi til leiks eftir frækinn sigur á Svíum á sunnudag. Við heyrðum í handboltasérfræðingnum Arnari Daða Arnarssyni úr Handkastinu og hann fór yfir leikinn framundan með okkur

07:30

Útvarpsfréttir.

08:30

Létt spjall og lögin við vinnuna.

Yfirlit hádegisfrétta kl. 12 virka daga.

Útvarpsfréttir.

Á Sportrásinni fylgist Doddi með því sem er að gerast í íþróttalífinu hér heima og erlendis. Helstu íþróttafréttir vikunnar og hvað er framundan með góðri aðstoð íþróttadeildar RUV. Ásamt gæða sunnudags tónlist.

Sportrásin, ekki bara fyrir þá sem hafa gaman af sportinu!

Bein útsending frá leikjum Íslands á EM karla í handbolta 2026.

Bein útsending frá leik Sviss og Íslands í milliriðli á EM karla í handbolta.

Lýsandi er Þorkell Gunnar Sigurbjörnsson.

Þau Hrafnhildur Halldórsdóttir, Rúnar Róbertsson og Margrét Marteinsdóttir halda landanum vel upplýstum um menn og málefni á leið úr vinnu. Þau fylgjast með fréttum og dægurmálum og spila nóg af góðri tónlist.

Fréttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Í Undiröldinni heyrir þú nýja íslenska tónlist úr ýmsum áttum sem gæti mögulega slegið í gegn á næstu vikum. Þetta gæti verið popp, raftónlist, rapp, kántrí, þungarokk eða djass - en eina sem er 100% hægt að lofa - er að lögin sem eru spiluð eru ný og íslensk .

Umsjón: Þorsteinn Hreggviðsson.

Fréttastofa RÚV.

Á Kvöldvaktinni heyrir þú nýjustu slagarana og útgáfurnar frá upprennandi og uppáhalds tónlistarfólki þínu í fjölbreyttum kokteil af tónlist, tungum, straumum og stefnum sem þykja endurspegla tíðaranda dagsins í dag. Umsjónarmenn: Þorsteinn Hreggviðsson og Daníel Jón Baróns Jónsson.

Rokkland er músík-magasín í útvarpi! Þar er fjallað um tónlist líðandi stundar, sögur sagðar af hljómsveitum og tónlistarmönnum og spjallað við óþekkta sem heimsþekkta tónlistarmenn. Þátturinn er aldursforseti Rásar 2 og hefur verið í loftinu í áratugi.

Umsjónarmaður er Ólafur Páll Gunnarsson

ROKK GEGN HER voru tónleikar eða listahátíð sem ungt fólk stóð fyrir í Laugardalshöll í september fyrir 45 árum síðan.

Unga fólkið sem stóð fyrr þessu var úr röðum herstöðvarandstæðinga – friðarsinna sem vildu losna við bandaríska herinn af keflavíkurflugvelli í nafni friðar – sögðu að herstöðin í Keflavík virkaði hreinlega eins og segull fyrir kjarnorkusprengjur – á marga vegu.

Þeir Sveinn Rúnar Hauksson og Tolli Morthens sem voru í fararbroddi fyrir þessa tónleika koma í heimsókn og rifja þá upp.

En Árný Margrét sem er að fara að halda sín lengstu sóló-tónleika á Íslandi kemur líka í heimsókn. Hún er líka að fara að gefa út nýja útgáfu af plötunni sinni I miss you – I do - og þar að auki er hún að fara í tónleikaferð um Bandaríkin með Of Monsters And men. Byrjar í október og verður allan nóvember.