Nágrannakærleikurinn er aldrei mikilvægari en á jólunum og jólaboð Fatímu tekur óvænta stefnu, en hvar er snjórinn?

Randalín og Mundi finna ráð við fýlunni af kæstri skötu og átta sig á að þegar vináttan verður flókin er best að ræða

Jólaballið í skólanum tekur óvænta stefnu þegar Aníta og Stefán vilja gera hreint fyrir sínum dyrum og skólafélagarnir átta sig á hvers þau eru megnug ef þau leggjast á eitt.

Óvinir Randalínar og Munda elta þau á felustað Fatímu og það hefur örlagaríkar afleiðingar.

Randalín og Mundi stela veitingum og stinga af úr jólalegu ljóðaboði á hlýlegan og dulrænan felustað.

Þótt rómantíkin svífi yfir vötnum hjá fullorðna fólkinu á Árbæjarsafni magnast ótti krakkanna um að Fatíma og Nína séu í vanda og þau reyna sitt besta til þess að hjálpa.

Það sem virðist í fyrstu vera sakleysisleg bekkjarferð á Árbæjarsafn reynist leiða til örlagaríks upplýsingaleka í boði Anítu og Stefáns.

Loksins fá krakkarnir svör við mikilvægum spurningum sem reynast snerta fleiri en nágrannana og eru stærri en þau óraði fyrir.

Foreldrar Munda verða æ skrýtnari, pendúllinn virðist hættur að virka og krakkarnir komast að leyndarmáli.

Gréta Hansen gefur mikilvæg ráð en Ketill slær persónulegt met í leiðindum. Randalín og Mundi velta fyrir sér hvort grunsamleg hegðun nágrannanna eigi sér eðlilegar skýringar.

Samviskan er farin að naga örþreytta krakka eftir svefnlausa nótt og Mundi vill játa yfirsjónir sínar fyrir Anítu og Stefáni en Randalín er efins.

Krakkarnir geta ekki sofið fyrir endalausum heilabrotum um jólagjafir og grunsamlega hegðun fullorðna fólksins og hætta sér í spennuþrunginn rannsóknaleiðangur að næturlagi.

Óvænt heimsókn lögreglunnar í leit að Fatímu og Nínu styrkir krakkana í þeirri trú að Ketill hafi eitthvað að fela.

Öll spjót beinast að Randalín og Munda sem nauðverjast í erfiðri stöðu.

Þegar Randalín verður ljóst að þau Mundi eiga eftir að tapa fyrir Anítu og Stefáni í piparkökuhúsakeppninni reynist henni erfitt að hafa stjórn á sér.

Randalín og Mundi fara til Grétu Hansen í leit að upplýsingum um myrkraverk Ketils og neyðast til að setja á svið kaffiboð til þess að fá fleiri vísbendingar.

Rafmagnið fer skyndilega af blokkinni og Randalín og Mundi leggja í hættulegan leiðangur niður í myrkan kjallarann.

Fatíma, nýja vinkona krakkanna, hverfur skyndilega af jólatónleikunum ásamt dóttur sinni og hinn fjandsamlegi Ketill verður æ grunsamlegri.

Ógnvænleg öskur heyrast frá íbúð Ketils og skringilegur gjörningur hans á jólatónleikum Vox Happiness vekur áleitnar spurningar hjá krökkunum.

Randalín og Mundi eignast nýja vini í nágranna sínum Jakobi og kulvísa snáknum hans og líka manni sem segist vera sjálfur Stekkjastaur.

Heima hjá Grétu Hansen borða Randalín og Mundi yfir sig af gömlu nammi og komast að því að framundan eru dularfull verkefni sem þeim ber að leysa með hjálp enn dularfyllri verkfæra.

Randalín og Mundi leita til dávalds til að bjarga Randalín frá stórhættulegum ávana og kynnast hinni mögnuðu Grétu Hansen.

Randalín byrjar í nýjum skóla og gerir eitraða og örvæntingarfulla tilraun til að ná athygli Munda og verða vinkona hans.