Sjónvarp - Spilari RÚV

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Rætt um innleiðingu bókunar 35 við EES samninginn og þann ágreining sem uppi er um inntak hennar og áhrif. Rætt við aðstoðarframkvæmdastjóra Matvælaáætlunar Sameinuðu þjóðanna - World Food Program - um fjárskort stofnunarinnar. Fjallað um sjónvarpsþættina Dagbók lögreglu og rætt við aðstandendur.

Aðgengilegt til: Rennur ekki út

Lengd: 25 mín.

Dagskrárliðurinn er textaður
Endursýnt

14:05

Silfrið

Samtal við forsetann

Sigríður Hagalín Björnsdóttir og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Halla Tómasdóttir, forseti Íslands, er gestur Silfursins. Um helgina stóð hún fyrir viðburðinum Tölum saman, þar sem ungt fólk ræddi hvernig samfélag það sér fyrir sér og hvernig við nýtum gervigreind til góðs. Þá átti hún fund með alþjóðlegum leiðtogum í Höfða í gær, í tilefni af því að 40 ár voru liðin frá Höfðafundinum.

Í síðari hluta þáttar erum við á vettvangi dagsins með þeim Hallgrími Helgasyni, rithöfundi, Ásthildi Sturludóttur, fyrrverandi bæjarstjóra, og Höllu Hrund Logadóttur, alþingismanni.

Aðgengilegt til: Rennur ekki út

Lengd: 46 mín.

Dagskrárliðurinn er textaður sjálfvirkt
Endursýnt

14:50

Gettu betur 1998

FSu - BH

Spurningakeppni framhaldsskólanna frá 1998. Spyrill: Davíð Þór Jónsson. Dómari og spurningahöfundur: Gunnsteinn Ólafsson. Stigavörður: Katrín Jakobsdóttir. Dagskrárgerð: Andrés Indriðason.

Í þessum þætti mætast lið Fjölbrautaskóla Suðurlands og Bændaskólans á Hvanneyri. Lið Fjölbrautaskólans á Suðurlandi skipa Pétur Runólfsson, Herdís Sigurgrímsdóttir og Eyjólfur Þorkelsson. Lið Bændaskólans á Hvanneyri skipa Guðni Ragnarsson, Sigurður Erlingsson og Torfi H. Björnsson.

Aðgengilegt til: Rennur ekki út

Lengd: 58 mín.

Endursýnt

16:00

Kaupmannahöfn - höfuðborg Íslands

Guðjón Friðriksson og Egill Helgason leiða áhorfendur um söguslóðir í Kaupmannahöfn. Borgin við Sundið var um aldaraðir hin eiginlega höfuðborg Íslands. Þangað leituðu Íslendingar til náms, starfa og fræðiiðkana, en Kaupmannahöfn var líka miðstöð verslunar Íslendinga. Við kynnumst Íslandskaupmönnum, stúdentum, sérvitringum, skáldum og stjórnmálamönnum, en líka fólki sem fór til Hafnar að afla sér iðnmenntunar eða einfaldlega til að freista gæfunnar. Víða í borginni leynast sögur af Íslendingum. Dagskrárgerð: Ragnheiður Thorsteinsson.

Farið er á slóðir Íslandskaupmanna í Kristjánshöfn og við Norðurbryggju. Sumir þeirra voru vellauðugir og valdamiklir menn, aðrir eiga ættboga á Íslandi. Egill og Guðjón rifja upp siglingar Gullfoss til Kaupmannahafnar og skoða byggingar sem tengjast dönskum óvinum Jóns Arasonar.

Aðgengilegt til: Rennur ekki út

Lengd: 22 mín.

Dagskrárliðurinn er textaður
Endursýnt

16:25

Húsið okkar á Sikiley: Innkaupaferðin (6 af 6)

Husdrömmar Sicilien - Vintageresan

16:55

Á gamans aldri II (6 af 6)

Guðrún Fjeldsted

Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.

Guðrún Fjeldsted hefur keppt í hestaíþróttum í yfir 60 ár. Hún er frumkvöðull í reiðþjálfun fatlaðra hér á landi og rekur reiðskóla á Ölvaldsstöðum í Borgarfirði. Þess á milli smalar hún sauðfé og veiðir á flugu enda ættuð frá bænum Ferjukoti við Hvítá sem hefur sögulegt gildi í íslenskri laxveiðisögu. Líf Guðrúnar hefur alla tíð verið samofið íslenskri náttúru en hún unir sér best í sveitinni innan um íslenska hestinn á sögusviði Íslendingasagnanna.

Aðgengilegt til: Rennur ekki út

Lengd: 32 mín.