Sjónvarp - Spilari RÚV

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Hvernig er hægt að koma í veg fyrir að allt fari í bál og brand á vinnumarkaði? Þær Ásta Fjeldsted forstjóri Festi og Halla Gunnarsdóttir formaður VR glímdu við þessa spurningu í Kastljósi í kvöld. Einnig var rætt við Elizu Reid, fyrrverandi forsetafrú, um samband Kanada og Bandaríkjanna í skugga tollastríðs. Þá litum við í heimsókn til karla í skúrum í Hafnarfirði.

Aðgengilegt til: Rennur ekki út.

Lengd: 27 mín.

Dagskrárliðurinn er textaður
Endursýnt

14:05

Gettu betur 1996

MR - FÁ

Spurningakeppni framhaldsskólanna frá 1996. Spyrill: Davíð Þór Jónsson. Dómari: Helgi Ólafsson. Stigavörður: Sólveig Samúelsdóttir. Dagskrárgerð: Andrés Indriðason.

Í þessum þætti mætast lið Menntaskólans í Reykjavík og Fjölbrautaskólans við Ármúla. Lið Menntaskólans í Reykjavík skipa Arnór Hauksson, Guðmundur Ragnar Björnsson, Kjartan Bjarni Björgvinsson. Lið Fjölbrautaskólans við Ármúla skipa Valur Freyr Steinarsson, Örn Arnarson og Hjalti Vignisson.

Aðgengilegt til: Rennur ekki út.

Lengd: 54 mín.

Endursýnt

Í garðinum með Gurrý III

Þáttaröð í umsjón Guðríðar Helgadóttur garðyrkjufræðings þar sem hún sýnir áhorfendum réttu handtökin við garðyrkjustörfin. Dagskrárgerð: Björn Emilsson.

Í þessum þætti kíkir Gurrý í matjurtagarðinn þar sem hún setti niður kartöflur og grænmeti fyrr í vor, fær Björgvin Örn Eggertsson skógfræðing til að hjálpa sér við að fella ösp og sýnir hvernig best er að fara að þegar baunum er sáð í pott. Hún heimsækir einnig Jón Þóri Guðmundsson garðyrkjufræðing og Katrínu Eddu Snjólaugsdóttur sem eiga fjölbreytilegan garð á Akranesi. Að lokum sýnir hún hvernig kryddjurtir geta verið fyrirtaks pottaplöntur.

Aðgengilegt til: Rennur ekki út.

Lengd: 28 mín.

Dagskrárliðurinn er textaður
Endursýnt

Heimildarþáttaröð í sex þáttum þar sem íslensk ljósmyndun er skoðuð út frá sjónarhorni lista, landslags, samtímans, skrásetningar, fréttaflutnings, fortíðar og framtíðar. Umsjón: Anna Gyða Sigurgísladóttir og Katrín Ásmundsdóttir. Stjórn upptöku og framleiðsla: Hrafnhildur Gunnarsdóttir.

Í þættinum er fjallað um mannamyndir og upphafsár ljósmyndunar á Íslandi. Við skoðum feril íslensku frumkvöðlanna, Sigfúsar Eymundssonar, Nicoline Weywadt og Önnu Schiöth. Það kemur á óvart að á Austfjörðum lagði fjöldi kvenna stund á ljósmyndun. Á Akureyri merkti Anna Schiöth ljósmyndir sínar eiginmanni sínum Henrik. Mannamyndir á nýrri öld gefa okkur innsýn inn í hvernig arfleifð mannamynda hefur viðhaldist og þróast.

Aðgengilegt til: Rennur ekki út.

Lengd: 29 mín.

Dagskrárliðurinn er textaður
Endursýnt

Fjórða serían af Hönnunarstirnunum. Nico og Andrés eru mættir einu sinni enn með ný og skemmtileg verkefni og nýja keppendur.

Er aðgengilegt til 25. október 2026.

Lengd: 18 mín.

Endursýnt

Þrjár leiknar stuttmyndir, skrifaðar af ungum höfundum á aldrinum 9-12 ára. Handrit að myndunum voru valin í handritasamkeppni Sagna. Leikstjórn og framleiðsla: Anna Karín Lárusdóttir.

Týnda mjólkin fjallar um Alla, sem rekst á sérkennilega eldri konu sem dregur hann í furðulega leit að týndri mjólk. Handrit eftir Karítas Magnúsdóttur.

Aðgengilegt til: Rennur ekki út.

Lengd: 5 mín.