Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Bursti elskar dýr og vélar! Í þessari seríu af Bursta fylgjumst við með honum heimsækja sveitina, þar sem kanínur, hænur, geitur, kýr og risastór dráttarvél verða á vegi hans.

Ný sería um fjólubláa fílinn Fílsa sem lærir ýmislegt um allskonar mismunandi vélar.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Stærðfræðiofurhetjurnar Millý, Geó og Bói hjálpa krökkum að læra tölur, form og mynstur.

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Róbert og hressu hvolparnir í Hvolpasveitinni eru komin aftur og takast á við ný verkefni og nýja þorpara eins og þeim einum er lagið.

Huggulegir þættir þar sem snjómaðurinn les úr sínum uppáhaldsbókum fyrir litlu mýsnar í bókabúðinni.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Teiknimyndaþættir um moldríku öndina Jóakim aðalönd, seinheppna frænda hans, Andrés önd, og félaga þeirra í Andabæ.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Jasmín og Jómbi eru góðir vinir sem elska tónlist og njóta tónanna sem óma um Hljómbæ.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Hjalti Stefánsson, Benedikt Nikulás Anes Ketilsson, Björgvin Kolbeinsson og Adelina Antal.

Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.

Heimildarþættir frá 2023 um sögu raftónlistar á Norðurlöndunum. Norræn raftónlist hefur notið vinsælda víðs vegar um heiminn síðan á níunda áratug síðustu aldar og hún hefur átt stóran þátt í að móta senuna. Fjallað er um tónlistarfólk eins og Björk, Röyksopp, Kygo, Aqua og E-Type.

Veiðiþættir í umsjá bræðranna Gunnars og Ásmundar Helgasona. Í þáttunum fara þeir á ýmsa veiðistaði, fá aðstoð sérfræðinga og heimafólks og veiða meðal annars ísaldarrurriða á flugu, þorsk af kajak, lax á Vesturlandi, silung á fjöllum og hákarl úr fjöru. Þeir elda allt sem þeir veiða, þó við misjafnar aðstæður og með misjöfnum árangri. Dagskrárgerð: Eiríkur Ingi Böðvarsson.

Í öðrum þætti Veiðikofans vill Gunni gefa Ása færi á að veiða loksins stærri fisk en hann og fara þeir því á háfaveiðar í Þykkvabæjarfjöru. Bráðin verður elduð af landsliðskokki svo ekkert ætti að fara úrskeiðis með eldamennskuna. Hvernig smakkast háfur? Slær Ási metið hans Gunna?

Minningarþáttur um Davíð Oddsson, fyrrverandi forsætisráðherra, sem lést 1. mars, 78 ára að aldri. Með honum hverfur rödd sem mótaði íslensk stjórnmál um áratugaskeið. Dregin er upp mynd af manninum og leiðtoganum í gegnum sögur þeirra sem þekktu hann á ýmsum tímum. Dagskrárgerð: Jóhanna Vigdís Hjaltadóttir og Ragnheiður Thorsteinsson.

Helstu fréttir dagsins af innlendum og erlendum vettvangi. Alla daga, árið um kring.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.

Helga var brautryðjandi í semballeik á Íslandi. Hún lauk einleikaraprófi í píanóleik frá Tónlistarskólanum í Reykjavík 1963 og einleikaraprófi í semballeik við Tónlistarskólann í München. Aðalstarfsvettvangur Helgu varð í Skálholti en þar stofnaði hún til Sumartónleika í Skálholtskirkju 1975 og var listrænn stjórnandi þeirra í þrjá áratugi.

Heimildarmynd um baráttu íslenskra námsmanna á sjöunda áratugnum. Árið 1970 var pólitískt andóf fyrirferðamikið í íslensku samfélagi. Tveir atburðir stóðu upp úr: sendirráðstakan í Stokkhólmi í apríl og sprenging stíiflu við Laxá. Leikstjórn: Hjálmtýr Heiðdal og Sigurður Skúlason. Handritshöfundar: Anna K. Kristjánsdóttir, Hjálmtýr Heiðdal og Sigurður Skúlason.

Félagarnir og fyrrum Hraðfréttamennirnir Benni og Fannar réðu sig sem háseta á frystitogarann Hrafn Sveinbjarnarson frá Grindavík. Í þáttunum fáum við að fylgjast með strákunum í ævintýralegum 30 daga túr. Dagskrárgerð: Benedikt Valsson og Fannar Sveinsson. Framleiðsla: Skot.

Keppnin Sterkasti maður á Íslandi var um sjómannadagshelgina við Hafnarfjarðarhöfn. Sterkustu menn landsins tókust á í átta keppnisgreinum.

Breskir gamanþættir frá 2022 um hina óviðjafnanlegu Jessop-fjölskyldu. Daglegt líf þeirra er heldur óreiðukennt og yngsti sonurinn Sam festir það allt á filmu. Aðalhlutverk: Katherine Parkinson, Jim Howick og Freya Parks. Handritshöfundur: Tom Basden.

Menningarþættir fyrir ungt fólk frá 2002-2003. Í þáttunum er m.a. fjallað um tónlist og mannlíf, kynntar ýmsar starfsgreinar og fastir liðir eins og dót og vefsíða vikunnar verða á sínum stað.

Umsjón: Sigrún Ósk Kristjánsdóttir og Vilhelm Anton Jónsson.

Dagskrárgerð: Helgi Jóhannesson og Hjördís Unnur Másdóttir.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.

Hópurinn klífur upp að Galdrahellinum og lendir í óvæntri hættu. Kisi finnur skoffínahjörð og Ormhildi tekst að róa árásargjörn naut. Hallgrímur, sem veit ekki að þau eru í nánd, heldur áfram í átt að hellinum. Kisi sameinast hópnum á ný og Ormhildur fer með þau yfir stórbrotið landslag.

Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Sænskir þættir frá 2021. Fjölskyldur prófa alls kyns afþreyingu í von um að finna áhugamál sem öll fjölskyldan getur stundað saman.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Skemmtiatriði og tónlistarflutningur úr skemmtiþættinum Góðir Íslendingar þar sem Hildur Vala Baldursdóttir tekur á móti góðum gestum. Tónlistarstjóri: Magnús Jóhann Ragnarsson. Leikstjórn: Allan Sigurðsson, Hannes Þór Arason og Hannes Þór Halldórsson. Framleiðsla: Atlavík. Stjórn útsendingar: Vilhjálmur Siggeirsson.

Bein útsending frá skemmtilegustu verðlaunahátíð landsins í Borgarleikhúsinu, þar sem við verðlaunum það sem vel var gert í barnamenningu á Íslandi á söguárinu sem er að líða. Kynnar hátíðarinnar eru Hólmfríður Hafliðadóttir og Mímir Bjarki Pálmason.

Skemmtiatriði og tónlistarflutningur úr skemmtiþættinum Góðir Íslendingar þar sem Hildur Vala Baldursdóttir tekur á móti góðum gestum. Tónlistarstjóri: Magnús Jóhann Ragnarsson. Leikstjórn: Allan Sigurðsson, Hannes Þór Arason og Hannes Þór Halldórsson. Framleiðsla: Atlavík. Stjórn útsendingar: Vilhjálmur Siggeirsson.

Breskar spennumyndir fyrir alla fjölskylduna um ævintýri fjögurra krakka og hundsins þeirra. Myndirnar eru lauslega byggðar á Fimm-bókunum eftir rithöfundinn Enid Blyton. Aðalhlutverk: Diaana Babnicova, Kit Rakusen, Flora Jacoby Richardson og Elliott Rose.

Georg og frændsystkini hennar hitta töframann úr sirkus og í kjölfarið dragast þau inn í leit að dularfullum grip sem má ekki lenda í röngum höndum. Leikstjóri: Bill Eagles.

Bandarísk spennumynd frá 2021 í leikstjórn Phillips Noyce. Amy Carr er á skokki í afskekktum skógi þegar hún fær fréttir af því að byssumaður hafi ráðist inn í skóla sonar hennar. Við það hefst örvæntingafullt kapp hennar við tímann þar sem hún reynir að finna leið að skólanum í von um að bjarga syni sínum. Aðalhlutverk: Naomi Watts, Colton Gobbo og Andrew Chown. Myndin er ekki við hæfi barna yngri en 12 ára.

Breskur sakamálaþáttur um hinn slungna séra Brown sem er ekki bara kaþólskur prestur heldur leysir glæpsamleg mál á milli kirkjuathafna. Aðalhlutverk: Mark Williams.