Danskir þættir um móðurhlutverkið. Í þáttunum er fjallað um þær miklu breytingar sem fylgja því að verða móðir, kröfurnar sem mæður gera til sjálfra sín og hvernig gengur að samræma móðurhlutverk, fjölskyldulíf og vinnu.
Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.
Í þessum þætti þætti segir Már Gunnarsson sögu sína. Hann tapaði sjóninni ungur að aldri en jákvæðnin hefur fært honum ótal sigra í íþróttum og tónlist.
Heimildarþættir um 40 ára sögu spurningakeppni framhaldsskólanna, Gettu betur, sem hóf göngu sína árið 1986. Rætt er við fyrrverandi keppendur, spyrla og spurningahöfunda um sögu þáttanna og þróun tíðarandans og eftirminnileg augnablik eru rifjuð upp. Dagskrárgerð: Sturla Holm Skúlason.
Matreiðsluþættir með Kristni Guðmundssyni. Eftir að Kristinn varð pabbi fór hann að elda ofnrétti oftar. Þar sem hann er vanur að fara ótroðnar slóðir eldar hann alla réttina í eldofni sem hann byggði með vinum sínum í Norður-Frakklandi. Dagskrárgerð og framleiðsla: Kristinn Guðmundsson.
Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.
Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.
Stutt innslög frá þeim Jasmín og Jómba þar sem þau tala um tónlist og tónfræði.
Helstu fréttir settar fram á einfaldan og aðgengilegan hátt.
Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.
Tvær ólíkar fréttir í dag. 1. Tollar Trumps dæmdir ólöglegir 2. Söngleikurinn Barbí í Verzlunarskóla Íslands
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Margrét Löf, var í lok síðasta árs dæmd í 16 ára fangelsi fyrir að bana föður sínum og ráðast á móður sína. Þóra Tómasdóttir, blaðamaður, hefur undanfarin misseri unnið að útvarpsþáttunum Vítahringur Margrétar Löf, þar sem fjallað er um Margréti og aðdraganda þess að hún varð föður sínum að bana. Þóra kom í Kastjós og sagði frá þáttunum.
Einnig rætt við grænlensku listakonuna Ivínguak Stork Høegh, sem sýnir verk sín í Norræna húsinu þessi dægrin.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Þróun gervigreindar verður sífellt hraðari og áhrif hennar á samfélagið og vinnumarkaðinn að verða greinilegri. Vitum við hvert stefnir og erum við tilbúin?
Gestir:
Andri Snær Magnason rithöfundur
Anna Sigríður Islind, prófessor í tölvunarfræði við HR
Lilja Dögg Jónsdóttir, framkvæmdastjóri Almannaróms.
Logi Einarsson, menningar-, nýsköpunar- og háskólaráðherra
Nýir heimildarþættir um þróun íslensks táknmáls frá fyrri tíð til dagsins í dag. Skoðað er hvaða samfélagslegu, menningarlegu og málfræðilegu áhrif móta íslenskt táknmál nútímans, hvað felst í vönduðu íslensku táknmáli og hvernig málið stendur í samanburði við önnur táknmál. Hjördís Anna Haraldsdóttir ræðir við fræðimenn og sérfræðinga í íslensku táknmáli auk notenda málsins í leit að ólíkum sjónarhornum og svörum um stöðu og framtíð málsins.
Ferðast er aftur í tímann til að sjá hvernig íslenskt táknmál hefur þróast. Anna Jóna, Ingibjörg og Rúdólf rifja upp táknin eins og þau voru áður fyrr. Hjördís Anna ræðir við fræðimenn og ungt fólk um íslenskt táknmál og leit að nýjum táknum.
Norsk leikin þáttaröð frá 2025. Þegar nafn og andlit internettröllsins Toms er gert opinbert í kjölfar kvenfjandsamlegra ummæla hans ákveður hann að dulbúast sem kona til að forðast ofsóknir. Í kjölfarið öðlast hann nýja sýn á stöðu kynjanna. Aðalhluverk: Anders Baasmo, Ingrid Giæver og Jonas Strand Gravli. Þættirnir eru ekki við hæfi barna yngri en 16 ára.
Sannsögulegir þættir um sænska fjarskipta- og fjölmiðlakónginn Jan Stenbeck. Hann tók við fjölskyldufyrirtækinu af föður sínum við lok áttunda áratugarins og átti stóran þátt í að breyta Svíþjóð úr hefðbundnu iðnaðarsamfélagi í hátækniríki. Á sama tíma og hann átti velgengni að fagna í viðskiptalífinu einkenndist fjölskyldulíf hans af átökum og erjum. Aðalhlutverk: Jakob Oftebro, Zoe Boyle, Iréne Lindh og Malin Crépin.
