Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Í fréttaskýringaþættinum Kveik í gær lýstu menn sem voru sendir í fóstur á barnsaldri á sveitabæinn Bakkakot á Suðurlandi grófu ofbeldi sem þeir urðu fyrir, mestmegnis af hálfu húsfreyjunnar á bænum.
Ólöf Ásta Farestsveit, forstjóri Barna og fjölskyldustofu, og Guðbrandur Árni Ísberg, sálfræðingur ræða Bakkakotsmálið, starfshætti barnaverndar í dag, og sálræn áföll í æsku - afleiðingar þeirra og úrvinnslu.
Þættir frá 2007 þar sem íslenskir lagasmiðir flytja nokkur verka sinna í sjónvarpssal. Umsjón og dagskrárgerð: Jón Egill Bergþórsson.
Ólöf Arnalds flytur nokkur af lögum sínum að viðstöddum áhorfendum í Sjónvarpssal. Ólöf er ung og bráðefnileg tónlistarkona sem gaf út sína fyrstu plötu, Við og við, í fyrravetur. Hún spilar á fjöldann allan af hljóðfærum og hefur, auk þess að flytja sína eigin tónlist, komið fram á tónleikum með ýmsum tónlistarmönnum.
Heimildarþáttaröð um sögu norrænnar hönnunar á síðustu hundrað árum. Í þáttunum er meðal annars rætt við hönnuði og safnara sem veita innsýn í sögurnar á bak við heimsþekkta hönnunarmuni. Í hverjum þætti er fjallað um ákveðið tímabil á árunum 1925 til 2025. Þulur: Guðrún Sóley Gestsdóttir.
Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill lærum við líka svolítið táknmál.
Höfundur:
Laila Margrét Arnþórsdóttir
Leikur:
Tinna: Kolbrún Völkudóttir
Kata kónguló: Jan Fiurasek
Talsetning:
Tinna: Álfrún Helga Örnólfsdóttir
Kata kónguló: Erla Ruth Harðardóttir
Teddi tannálfur: Björgvin Franz Gíslason og Friðrik Friðriksson
Búningar: Helga Rún Pálsdóttir
Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill munum við líka læra svolítið af táknmáli. Að þessu sinni er Kata kónguló í heimsókn hjá Tinnu þegar hún fær sendan pakka. Í pakkanum er töfratúlípani sem hægt er að fljúga á.
Þættir þar sem krakkar setja upp leikið verk. Það eina sem þau fá er leikmynd og málsháttur. Þau búa til söguna, ákveða hver gerir hvað og æfa vel og vandlega svo allt smelli saman fyrir sýninguna í lokin. Dagskrárgerð: Sigyn Blöndal og Sindri Bergmann Þórarinsson. Leikstjóri: Agnar Jón Egilsson.
Þessar þáttaraðir eru áhorfendum að góðu kunnar, enda eru þættirnir bæði afar fræðandi og skemmtilegir en að þessu sinni fræðumst við um jörðina. Þáttunum er ætlað að hvetja yngri áhorfendur til að verða ábyrgir borgarar og hjálpa þeim að skilja umhverfi sitt, svo þeir geti lagt sitt af mörkum til að vernda það.
Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.
Helstu fréttir settar fram á einfaldan og aðgengilegan hátt.
Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.
1. Krakkaskýring: Af hverju er febrúar styttri? 2. Sigga Beinteins skemmti leikskólakrökkum. Lokaskot: Ásbyrgi. Ari Páll annast þáttinn.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Í Kveik á þriðjudag var fjallað um mál drengja sem segjast hafa orðið fyrir alvarlegu ofbeldi á fósturheimilinu Bakkakoti. Þar hafi þeir upplifað vinnuþrælkun, andlegt, líkamlegt og kynferðislegt ofbeldi. Málið hefur vakið mikil viðbrögð meðal almennings en einnig hjá ráðamönnum og alþingismönnum. Kristrún Frostadóttir, forsætisráðherra, fundaði með lögmönnum mannanna og þremur þeirra sem voru vistaðir í Bakkakoti í hádeginu. En hvað hyggst þingið gera? Gestir Kastljós eru þingmennirnir Jón Gnarr og Halla Hrund Logadóttir.
María Heimisdóttir var skipuð landlæknir snemma á síðasta ári en í lok október greindist hún með brjóstakrabbamein. Fyrir fáeinum dögum fór hún á klippistofu og lét snoða sig. Þótt það reyni kannski svolítið á þá segir hún að það sé tollur sem hún greiði til þess að ná heilsu.
Á að banna notkun síma í grunnskólum og hækka aldurstakmark á samfélagsmiðlum? Símabann verður umræðuefni Torgsins í næstu viku.
Í lok þáttar kíkjum við í Borgarleikhúsið á leiksýninguna Galdrakarlinn í Oz.
Stuttir þættir um sögurnar á bak við áhugaverðar ljósmyndir. Í hverjum þætti er fjallað um eina ljósmynd og sögu hennar – hvað var að gerast þegar myndin var tekin, hverjar voru aðstæður fólksins á ljósmyndinni og hvert er samhengið við nútímann? Leikstjóri: Þorsteinn J. Framleiðsla: Þetta líf, þetta líf.
Ljósmyndin sem fjallað er um er af Gunborgu Kristinsson að sippa fyrir framan heimili sitt á Akureyri árið 1963. Eiginmaður Gunborgar, Gunnlaugur P. Kristinsson, tók myndina. Dætur þeirra, Ásdís og Kristín Gunnlaugsdætur, rifja upp þennan atburð og það sem gekk á í lífi fjölskyldunnar á þessum tíma.
Breskir sakamálaþættir. Liz Nyle er lögreglufulltrúi sem vaktar fjölskyldu í vitnavernd. Þegar fjölskyldan verður fyrir skotárás á heimili sínu vakna upp ýmsar spurningar, þar á meðal hvers vegna samstarfsfélagi Liz sem hún tengist persónulegum böndum var á vettvangi glæpsins. Aðalhlutverk: Siobhan Finneran, Alec Newman og Andrew Knott. Þættirnir eru ekki við hæfi barna yngri en 16 ára.
Rómantískir dramaþættir frá 2023. Fyrir sextán árum ákváðu Alice og Jack að halda hvort í sína áttina eftir að hafa varið einni nótt saman. Hins vegar er eitthvað sem dregur þau sífellt aftur hvort að öðru. Aðalhlutverk: Domhnall Gleeson, Andrea Riseborough og Sunil Patel. Þættirnir eru ekki við hæfi barna yngri en 12 ára.
Sannsögulegir breskir sakamálaþættir frá 2021. Þrettán árum eftir morðið á hinum átján ára Stephen Lawrence berjast foreldrar hans enn fyrir réttlæti honum til handa. Rannsóknarlögreglumaðurinn Clive Driscoll er sannfærður um að hægt sé að leysa málið þrátt fyrir andstöðu innan lögreglunnar. Aðalhlutverk: Sharlene Whyte, Steve Coogan og Hugh Quarshie. Leikstjóri: Alrick Riley. Þættirnir eru ekki við hæfi barna yngri en 12 ára.
