Sjónvarp - Spilari RÚV

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Atvinnuvegaráðherra hyggst leggja gjald á fjölsótta ferðamannastaði í eigu ríkisins. Heimamenn eru uggandi yfir áformunum. Á sama tíma er deilt um laxeldi í Seyðisfirði en ekkert bólar á frumvarpi um lagareldi. Hanna Katrín Friðrikson er gestur Kastljóss í kvöld.

Christiane Amanpour, aðalfréttaskýrandi CNN í alþjóðamálum, var gestur á árlegri friðarráðstefnu í Höfða. Við ræðum við hana um alþjóðamálin og stöðu fjölmiðla nú á tímum.

Leikrtið Fasteignamartröðin var frumsýnt hjá Leikfélagi Akureyrar á dögunum. Við litum við á æfingu.

Aðgengilegt til: Rennur ekki út

Lengd: 28 mín.

Dagskrárliðurinn er textaður
Endursýnt

14:05

Gettu betur 1998

MR - Versló

Spurningakeppni framhaldsskólanna frá 1998. Spyrill: Davíð Þór Jónsson. Dómari og spurningahöfundur: Gunnsteinn Ólafsson. Stigavörður: Katrín Jakobsdóttir. Dagskrárgerð: Andrés Indriðason.

Í þessum þætti mætast lið Menntaskólans í Reykjavík og Verzlunarskóla Íslands. Lið Menntaskólans í Reykjavík skipa Arnar Þór Stefánsson, Sverrir Guðmundsson og Viðar Pálsson. Lið Verzlunarskóla Íslands skipa Björgvin Ingi Ólafsson, Hallur Örn Jónsson og Óli Njáll Ingólfsson.

Aðgengilegt til: Rennur ekki út

Lengd: 1 klst. 5 mín.

Endursýnt

15:20

Endurtekið

Hringrásarbrúðkaup

Þættir sem fjalla um hringrásarhagkerfið, þar sem hlutir og hráefni fara í hring og eins manns rusl verður annars fjársjóður. Umsjón: Sigríður Halldórsdóttir og Freyr Eyjólfsson. Framleiðsla: Republik.

Hefðbundinni brúðkaupsveislu fylgir ýmiss konar neysla; t.d. í textíl og skreytingum. Við skorum á brúðhjón að halda veislu í anda hringrásarhagkerfisins – og þau vinda sér í verkið.

Aðgengilegt til: Rennur ekki út

Lengd: 30 mín.

Dagskrárliðurinn er textaður
Endursýnt

Þáttaröð um eyðibýli á Íslandi. Þar sem á árum áður voru reisulegir sveitabæir með iðandi mannlífi standa nú húsin tóm. Rætt er um byggingu bæjanna og talað við fólk sem tengist stöðunum á einn eða annan hátt. Farið er í Suðurhús í Suðursveit, Hamra á Mýrum, Múlakot í Fljótshlíð, Öxney á Breiðafirði, Heiði á Langanesi og Vatnshorn í Skorradal. Umsjónamaður er Guðni Kolbeinsson og dagskrárgerð annaðist Björn Emilsson.

Aðgengilegt til: Rennur ekki út

Lengd: 36 mín.

Dagskrárliðurinn er textaður
Endursýnt

17:30

KrakkaRÚV

17:31

Karla og Regnbogaskólinn

NEI-hatturinn

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Aðgengilegt til: 22. nóvember 2026

Lengd: 7 mín.

Aðgengilegt eingöngu á Íslandi
Endursýnt

Lalli, teiknaðu moldvörpu

17:56

Eplabær (13 af 20)

Tappinn

Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.

Aðgengilegt til: 20. september 2027

Lengd: 5 mín.

Aðgengilegt eingöngu á Íslandi
Endursýnt

18:01

Leynilundur

Hullet i Hækken

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Aðgengilegt til: Rennur ekki út

Lengd: 7 mín.

Aðgengilegt eingöngu á Íslandi
Endursýnt

18:09

Skrímslasjúkir snillingar

Kökur í flugvélinni

18:20

Krakkafréttir (með táknmálstúlkun)

14. október 2026

18:25

Ísþjóðin með Ragnhildi Steinunni (7 af 8)

María Birta Bjarnadóttir

Þættir frá 2011 um ungt og áhugavert fólk sem skarar fram úr á hinum ýmsu sviðum. Skyggnst er inn í líf einnar persónu í hverjum þætti og henni fylgt eftir í sínu daglega lífi. Umsjón: Ragnhildur Steinunn Jónsdóttir. Stjórn upptöku og myndvinnsla: Eiríkur I. Böðvarsson.

María Birta Bjarnadóttir vakti mikla athygli þegar hún beraði sig án þess að blikna í kvikmyndinni „Órói“ sem sýnd var á síðasta ári. Hún segist vera daðrari af Guðs náð og hrífast af báðum kynjum en auk þess sé hún algjör vinnuþjarkur. Hún opnaði sína fyrstu verslun á Laugarveginum aðeins 19 ára gömul og rekur í dag skóverslunina Maníu. María Birta Bjarnadóttir verslunareigandi og leikkona hleypir Ragnhildi Steinunni inn í líf sitt.

Aðgengilegt til: Rennur ekki út

Lengd: 24 mín.