Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Heiða Björg Hilmisdóttir borgarstjóri hefur verið gagnrýnd að undanförnu fyrir að sitja sem formaður Sambands íslenskra sveitarfélaga um leið og hún gegnir embætti borgarstjóra. Þá hafa laun hennar líka verið í umræðunni en þau nema nú tæpum fjórum milljónum á mánuði. Landsfundur sambandsins verður á fimmtudag og spurningin er hvað Heiða Björg ætlar að gera, klára kjörtímabilið til ársins 2026 eða stíga til hliðar. Heiða Björg var gestur Kastljós í kvöld.
Ljóðalestur í heitum potti og orð rituð á rúllugardínu eru meðal viðburða hátíðarinnar Skáldasuð sem við heimsækjum síðar í þættinum.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Sigurður Ingi Jóhannsson, formaður Framsóknarflokksins, Halla Gunnarsdóttir, nýkjörin formaður VR, og Arna Lára Jónsdóttir, þingmaður Samfylkingarinnar og formaður efnahags- og viðskiptanefndar Alþingis eru gestir Silfursins.
Farið var yfir í stöðuna í efnahagsmálum, þar sem hagtölur eru um margt jákvæðar en ýmis ljón í vegi. Þá hefur Sigurður Ingi átt í vök að verjast eftir að Guðni Ágústsson sendi honum sneið í grein Morgunblaðinu.
Sergey Radchenko er bresk-rússneskur prófessor í sagnfræði við John Hopkins háskóla í Bandaríkjunum. Hann skrifaði á dögunum grein í Foreign Affairs, þar sem hann rifjar upp friðarviðræðurnar sem áttu sér stað í árdaga stríðsins fyrir þremur árum en runnu út í sandinn, og veltir því fyrir sér hvort eitthvað úr þeim viðræðum geti enn átt við í dag. Radchenko var staddur á Íslandi og ræddi við Silfrið við það tækifæri.
24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.
Hér eigast við lið Kópavogs og Mosfellsbæjar. Í liði Kópavogs eru Gísli Tryggvason, Kristján Guy Burgess og Helga Jónsdóttir en fyrir Mosfellsbæ keppa Kolfinna Baldvinsdóttir, Sigurjón M. Egilsson og Þórður Björn Sigurðsson.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Ingunn Ásdísardóttir er gestur í Kilju vikunnar. Hún ræðir um bók sína sem nefnist Jötnar hundvísir og fékk Fjöruverðlaunin nýskeð. Þetta er afar forvitnileg rannsókn á hlutverki jötna í norrænni goðafræði. Shaun Bythell rekur fornbókaverslun í smábæ á Skotlandi og hefur skrifað um það bækur sem hafa komið út á íslensku. Hann ræðir við okkur um bækurnar og bóksöluna og má teljast afar skemmtilegur en nokkuð kaldhæðinn viðmælandi. Almanak Þjóðvinafélagsins hefur komið út allar götur síðan 1874 og gerir enn - við fræðumst um útgáfuna hjá Arnóri Gunnari Gunnarssyni ritstjóra. Ljóðskáldið Ragnheiður Lárusdóttir segir frá bók sinni Veður í æðum, þar fjallar hún meðal annars um eiturfíkn dóttur sinnar. Bergþóra Snæbjörnsdóttir rithöfundur skoðar uppáhaldsbækur sínar með okkur. Gagnýnendur þáttarins fjalla um þrjár bækur: Í sama strauminn: Stríð Pútíns gegn konum eftir Sofi Oksanen, Leiðin í hundana eftir Erich Kästner og Óli K. eftir Önnu Dröfn Ágústsdóttur.
Íslensk heimildarþáttaröð í þremur hlutum um hönnun á Íslandi og hátíðina HönnunarMars sem var haldin í Reykjavík í tíunda sinn árið 2018. Við kynnumst lífi og starfi hönnuða í dag og köfum ofan í þessa fjörugu hátíð sem tekur yfir höfuðborgina í mars á hverju ári. Dagskrárgerð: Janus Bragi Jakobsson, Kolbrún Vaka Helgadóttir og Tinna Ottesen.
Í fyrsta þætti kynnumst við hönnunarteyminu Studio Trippin. Þær Kristín Karlsdóttir og Valdís Steinarsdóttir eru nýútskrifaðir hönnuðir og taka þátt í HönnunarMars í fyrsta sinn. Þær hafa nú þegar vakið athygli fyrir loðnar, væmnar og vellyktandi vörur sem þær hanna úr íslenska hestinum. Markmið þeirra er að fullnýta hráefni sem hingað til hefur verið hent við kjötvinnslu. Einnig förum við í bíltúr á Litla-Hraun með Búa Bjarmari Aðalsteinssyni, vöruhönnuði, sem stýrir verkefninu Stússað í steininum, sem miðar að því að efla starfsgetu fanga á Litla-Hrauni.
Heilinn er undarlegt fyrirbæri. Hægt er að hafa áhrif á hann og hegðun fólks með mismunandi hætti. Sjónhverfingarmanninum og dáleiðandanum Jan Hellesøe er fylgt eftir í þessum fróðlegu dönsku þáttum.
Róbert og hressu hvolparnir í Hvolpasveitinni eru komin aftur og takast á við ný verkefni og nýja þorpara eins og þeim einum er lagið.
Lærið um tölustafina með Tölukubbunum!
Sammi brunavörður og félagar hans á slökkvistöðinni standa vaktina í Pollabæ.
Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.
Eldgos og dans. Það gæti gosið hvenær sem er á Sundhnjúksgígaröðinni og við fórum á Dance World Cup.
Íþróttafréttir.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Þegar Sofia Kolesnikova fannst látin á Selfossi fyrir tveimur árum var grunur um að hún hefði verið myrt. Böndin bárust að kærasta Sofiu, en hann lést áður en rannsókninni lauk og málið var því fellt niður. Í þættinum Þetta helst á Rás 1 hefur nýju ljósi verið brugðið á þetta mál, og vísbendingar eru um að Sofia hafi sætt nauðungarstjórnun af hálfu kærastans. Við ræðum málið annars vegar við Þóru Tómasdóttur fréttamann og hins vegar Jennýju Kristínu Valberg hjá Bjarkarhlíð og Þóru Jónasdóttur aðstoðaryfirlögregluþjónn.
Vinsældir ABBA-tónleikasýningar, sem hefur gengið fyrir fullu húsi víða undanfarin 15 ár, virðast engan enda ætla að taka. Við kíkjum á tónleika í Hofi í lok þáttar.
Kveikur er fréttaskýringaþáttur með fjölbreyttar áherslur. Ritstjórn og dagskrárgerð: Arnar Þórisson, Árni Þór Theodórsson, Gunnhildur Kjerúlf Birgisdóttir, Ingólfur Bjarni Sigfússon, Ingvar Haukur Guðmundsson, Jóhann Bjarni Kolbeinsson, Kristín Sigurðardóttir og Tryggvi Aðalbjörnsson.
Jörð skelfur í eldstöðvakerfi Ljósufjalla á Vesturlandi. Kveikur spyr hvort gæti gosið þar og skoðar sögu eldvirkni á Snæfellsnesgosbeltinu.
Í seinni hluta þáttarins er fjallað um hávaða í nýbyggingum sem standa við miklar umferðargötur. Sérfræðingar hafa áhyggjur af því að hann geti skaðað heilsu fólks.
Sænsk þáttaröð frá 2019 þar sem tíu þátttakendur reyna að komast af í langvarandi rafmagnsleysi. Hversu vel erum við sem samfélag undirbúin fyrir óvænt neyðarástand, til dæmis af völdum náttúruhamfara?
Breskir gamanþættir sem fylgja hinni fimmtugu Lindu eftir á meðan hún gengur í gegnum breytingaskeiðið. Aðalhlutverk: Susan Lynch, Bridget Christie og Monica Dolan.
Þriðja þáttaröðin um daglegt líf og hættulegt starf lögregluþjóna í Malmö og ógnvekjandi andrúmsloftið sem gerir stöðugt erfiðara að aðskilja vinnuna og einkalífið. Þættirnir eru ekki við hæfi barna yngri en 12 ára.
Bresk glæpaþáttaröð frá 2022 byggð á sönnum atburðum. Samfélagið í námuþorpi á Mið-Englandi sundrast þegar tveir íbúar þess finnast myrtir. Lögregluna grunar að morðin tengist yfirstandandi námuverkfalli. Aðalhlutverk: David Morrissey, Lesley Manville og Robert Glenister. Þættirnir eru ekki við hæfi barna yngri en 16 ára.
