Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Stærðfræðiofurhetjurnar Millý, Geó og Bó hjálpa krökkum að læra um tölur, form og mynstur.

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Hvernig ætli lífið sé fyrir mann sem er bara 15 cm hár?

Ólíku eðlukrúttin Bubbi, Gunna og Tobbi eru fjörugir og skemmtilegir vinir sem búa í ævintýraheimi þar sem ekkert er ómögulegt.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.

Hvolparnir síkátu halda áfram ævintýrum sínum og hafa aldrei verið hressari.

Hressir teiknimyndaþættir um ævintýri sjóræningjanna í Daufhöfn og Matthildi vinkonu þeirra. Byggðir á samnefndum bókum í þýðingu Braga Valdimars Skúlasonar.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Þáttaröð um nýsköpun, skapandi hugsun og iðngreinar. Í þáttunum fylgjumst við með nýsköpunarkeppni ungs fólks í áttunda til tíunda bekk þar sem þátttakendur fá að þróa hugmyndir sínar í flottar frumgerðir. Einnig sjáum við hvernig raftónlistarmaðurinn Daði Freyr býr til nýtt hljóðfæri með aðstoð Fab Lab á Íslandi og skoðum hvernig iðngreinar hafa áhrif á nýsköpun. Þættirnir eru í umsjón Daða Freyr Péturssonar og Berglindar Öldu Ástþórsdóttur. Dagskrárgerð: Eiríkur Ingi Böðvarsson.

Heimildarþáttaröð í sex þáttum þar sem íslensk ljósmyndun er skoðuð út frá sjónarhorni lista, landslags, samtímans, skrásetningar, fréttaflutnings, fortíðar og framtíðar. Umsjón: Anna Gyða Sigurgísladóttir og Katrín Ásmundsdóttir. Stjórn upptöku og framleiðsla: Hrafnhildur Gunnarsdóttir.

Því er stundum haldið fram að andlát og útför fjölskyldualbúmsins hafi nú þegar farið fram enda hefur umgengni fólks við þennan fjársjóð gjörbreyst með stafrænu byltingunni . Aldrei hafa verið teknar jafn margar ljósmyndir og á okkar dögum, en stóra mótsögnin er sú að varðveisla mynda hefur að sama skapi aldrei verið jafn lítil.

Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Sigríður Hagalín Björnsdóttir hefur umsjón með þætti dagsins. Fyrst til að ræða fréttir vikunnar koma þau Friðjón Friðjónsson borgarfulltrúi, Halla Gunnarsdóttir fyrrverandi framkvæmdastjóri ASÍ, Heimir Már Pétursson fréttamaður á Stöð 2, Þórhildur Sunna Ævarsdóttir þingflokksformaður Pírata og Ólafur Margeirsson hagfræðingur.

Í seinni hluta þáttarins er rætt við frambjóðendur til formanns VR en þar hafa gefið kost á sér þau Elva Hrönn Hjartardóttir sérfræðingur á þróunarsviði hjá VR og Ragnar Þór Ingólfsson núverandi formaður VR.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu.

Beinar útsendingar frá Söngvakeppninni 2023 í Söngvakeppnishöllinni í Gufunesi. Stjórn útsendingar: Salóme Þorkelsdóttir og Þór Freysson.

Bein útsending frá úrslitum Söngvakeppninnar í Söngvakeppnishöllinni í Gufunesi. Í kvöld ræðst hvaða lag fer fyrir Íslands hönd í Eurovision í Liverpool.

Helstu fréttir dagsins af innlendum og erlendum vettvangi. Alla daga, árið um kring.

Bein útsending frá bikarmótinu í hópfimleikum.

Þættir frá 2016 þar sem litið er um öxl yfir 50 ára sögu sjónvarps og fróðleg og skemmtileg augnablik rifjuð upp með myndefni úr Gullkistunni. Kynnir er Jóhanna Vigdís Hjaltadóttir. Dagskrárgerð: Egill Eðvarðsson.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

Hjónin Feilicity Aston og Gísli Jónsson kynntust á Suðurskautslandinu og búa nú á eyjunni Vigur í Ísafjarðardjúpi ásamt fjögurra ára syni sínum.

Bolli og Bjalla eyða Stundinni okkar úr manna minnum og þurfa að leggjast á eitt til að koma í veg fyrir að hún gleymist að eilífu.

Þau ferðast í gegnum sögu Stundarinnar okkar og hitta þar fyrrverandi þáttastjórnendur, þá Gunna og Felix, Björgvin Franz, Sigyn Blöndal, Flakkarann og fleiri góðkunningja.

Ætli Bolla og Bjöllu takist að bjarga Stundinni okkar fyrir jól eða ætli þau eyði jólunum líka?

Bolli reynir að finna leið til þess að bjarga Bjöllu en á erfitt með að átta sig á því hvar hún er stödd í heiminum.

Frímínútur eru frábærar! Í þessari fjörugu spurninga- og þrautakeppni mætast tvö lið þar sem þau leysa skemmtilegar þrautir og svara spurningum um allt milli himins og jarðar!

Umsjónarmenn eru Alex Eli Schweitz Jakobsson og Rebakka Rán Guðnadóttir

Í þessum þætti keppir UMFA á móti Gúrkunum í þrautunum Dósadáð og Hleypa af stokkum.

Dósadáð: Keppendur keppa að vera fyrst með 10 dósir í tveim turnum yfir gólfið.

Hleypa af stokkum: Keppendur standa við borð þar sem er spilastokkur: Þau taka efsta spilið. Ef það er rautt henda þau því í rauða tunnu, ef svart í svarta. Flest spil í tunnu vinnur.

Keppendur eru:

UMFA: Ísak Þráinn Shamsudin og Lúkas Viktorsson

Gúrkurnar: Bjartmar Óli Jónsson og Kristófer Arason

Stuttmyndir eftir krakka sem valin voru úr innsendum handritum í handritasamkeppni Sagna 2021.

Snæfríði er rænt af Grýlu. Nú þurfa Kolfinna, Gréta og Halldór að taka sig saman til að fara og bjarga Snæfríði áður en það verður of seint.

Handritshöfundar: Dúna Steinunn Þorgeirsdóttir og Úlfhildur Júlía Stephensen.

Leikstjórn: Sturla Skúlason Holm

Allskonar skemmtileg lög fyrir yngri kynslóðina.

Valdimar syngur lagið Kliður í fjöllunum á Sögum verðlaunahátíð barnanna árið 2020. Lagið var eiitt af þremur sigurlögum í lagakeppni hátíðarinnar. Lag & texti: Andrés Illugi Gunnarsson.

Smiðurinn Oskar Boström sýnir skemmtilega og hagnýta smíði. Hann sýnir hvernig hægt er að smíða húsgögn, til dæmis borðstofuborð, bekk og trékassa.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk jafnt í borg sem sveit og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Sigrún Þuríður Runólfsdóttir og Þórdís Claessen. Dagskrárgerð: Magnús Atli Magnússon, Jóhannes Jónsson, Björgvin Kolbeinsson og Elvar Örn Egilsson.

Landinn hittir bardagakappann Viktor Gunnarsson sem lítur á einhverfu sem ofurkrafta. Við förum á keramiknámskeið í Myndlistaskólanum í Reykjavík. Við hittum listakonuna Guðrúnu Borghildi Ingvarsdóttur sem býr til nýjar leðurvörur úr gömlu leðri. Við heimsækjum ljósmyndarann Agnieszku Sosnowsku og fylgjumst með krökkunum í Kerhólsskóla í Grímsnesi setja upp söngleikinn Grease.

Heimildarþáttaröð um baráttuna við COVID-19 þar sem fylgst er með störfum þeirra sem stjórnuðu aðgerðum í faraldrinum. Í þáttunum er einblínt á mannlega hlið faraldursins og sagt frá sorgum og sigrum í baráttu þjóðarinnar við að hemja útbreiðslu veiru sem setti heimsbyggðina á hliðina. Leikstjóri: Sævar Guðmundsson. Framleiðendur: Sævar Guðmundsson, Jóhannes Kr. Kristjánsson, Anna Karen Kristjánsdóttir og Brynja Gísladóttir.

Hjúkrunarfræðingurinn Sóley fer á vakt á gjörgæsludeildinni þar sem allt er gert til að bjarga manni sem er haldið sofandi í öndunarvél. Víðir smitast og fólk spyr hvort það eigi að hætta að hlýða Víði. Þríeykið fær morðhótanir og Gylfi og starfsfólkið í farsóttarhúsum sinnir fólkinu sem er á jaðri samfélagsins.

Sannsögulegir þættir um veðmálahneyksli sem skók sænska íþróttaheiminn á árunum eftir 1990. Bosse er talnaglöggur og lunkinn við að tippa í þróttum. En því reyndari sem hann verður, því augljósara verður að ekki er allt með felldu í getraunaheimi Svíþjóðar. Aðalhlutverk: Björn Elgerd, Edvin Bredefeldt og Eva Melander. Þættirnir eru ekki við hæfi barna yngri en 12 ára.

Ungversk kvikmynd frá 2018. Irisz Leiter er ung kona í Búdapest árið 1913. Hana dreymir um að taka við hattagerð foreldra sinna en framtíðaráformin fuðra upp þegar andrúmsloftið í borginni þyngist skyndilega og blikur heimsstyrjaldar sjást á lofti. Leikstjóri: László Nemes. Aðalhlutverk: Juli Jakab, Vlad Ivanov og Evelin Dobos. Myndin er ekki við hæfi barna yngri en 16 ára.