Beinar útsendingar frá HM í alpagreinum.
Bein útsending frá keppni í risasvigi karla á HM í alpagreinum.
Íslensk heimildarmynd þar sem kvikmyndagerðarmaðurinn Helgi Felixson varpar ljósi á leyndarmál fjölskyldu sinnar sem leiddi til skelfilegra atburða á Ísafirði fyrir rúmum sjötíu árum þegar breska hernámsliðið handtók afa hans og ömmu ásamt fimm öðrum Vestfirðingum og færði í bresk fangelsi.
Heimildarmynd um bólgusjúkdóma í meltingarveginum sem eru langvinnir og flestir sjúklingar þurfa að sætta sig við að sjúkdómurinn er kominn til að vera það sem eftir er ævinnar. Hér útskýra læknar orsakir og einkenni þessara sjúkdóma, helstu meðferðarúrræði og sjúklingar segja frá glímu sinni við þá. Dagskrárgerð: Páll Kristinn Pálsson og Aðalgeir Vignir Gestsson. Framleiðandi: Epos kvikmyndagerð.
Stuttir dýralífsþættir úr smiðju Davids Attenborough þar sem fylgst er með lífi fimm dýrategunda og fjallað um áskoranirnar sem bíða þeirra, meðal annars vegna loftslagsbreytinga og annarra ógna af mannavöldum. Dýrategundirnar sem fylgst er með í þáttunum eru mörgæsir, simpansar, ljón, afrískir villihundar og tígrisdýr.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.
Ríkisendurskoðun birti á mánudag á kolsvarta skýrslu sem gagnrýnir nokkurn veginn allt sem hægt er að gagnrýna í sambandi við uppbyggingu sjókvíaeldis á Íslandi. Stjórnsýsla og eftirlit með sjókvíaeldi hafa reynst veikburða og brotakennd, samþjöppun eignarhalds án umræðu, stefnulaus uppbygging, gjaldtaka of lág, leyfisveitingar og umhverfismat flókin, takmarkaðar aðgerðir gegn erfðablöndun og fleira. Svandís Svavarsdóttir matvælaráðherra og Þórunn Sveinbjarnardóttir þingmaður Samfylkingarinnar ræddu skýrsluna og leiðir til úrbóta.
Gervigreind hefur fleygt hratt fram undanfarin misseri. Tæknifyrirtækið Advania hefur nú hleypt af stokkunum auglýsingaherferð sem var unnin með aðstoð gervigreindar á aðeins þremur dögum. Er auglýsingabransinn að missa spón úr aski sínum? Er forskot hinna skapandi greina að minnka gagnvart sjálfvirknivæðingunni? Auður Inga Einarsdóttir, markaðsstjóri Advania, og Guðmundur Pálsson, framkvæmdastjóri auglýsingastofunnar Pipar/TBWA spáðu í spilin.
Á ferð og flugi er yfirskrift næstu tónleika Grænu raðar Sinfóníuhljómsveitar Íslands, sem verða í beinni útsendingu á RÚV á fimmtudagskvöld. Kastljós hitaði upp með heimsókn í Hörpu.
Bein útsending frá spurningakeppni sveitarfélaga. Umsjónarmenn eru Guðrún Dís Emilsdóttir og Sólmundur Hólm. Spurningahöfundar: Ævar Örn Jósepsson og Jón Svanur Jóhannsson. Dómari: Ævar Örn Jósepsson. Stjórn útsendingar: Helgi Jóhannesson.
Íslenska óperan varð 40 ára á árinu 2020. Að því tilefni lítum við til baka og minnumst góðra stunda.
Vika 6 er fimm þátta sería þar sem rætt er við skemmtilegt fólk um kynheilbrigði.
Dagskrárgerð: Hafsteinn Vilhelmsson.
Við spurðum nokkra einstaklinga hvað þau myndu segja við sig fyrir fyrsta skiptið, ef þau gætu farið aftur í tímann. Það var fróðlegt.
Beinar útsendingar frá leikjum í undankeppni EM kvenna í körfubolta.
Bein útsending frá leik Ungverjalands og Íslands í undankeppni EM kvenna í körfubolta.
Ofurhetjur þurfa líka að setjast á skólabekk. Þessir óvenjulegu fyrstu bekkingar vekja mikla kátínu í þessum norsku ofurhetjuþáttum.
Bolli og Bjalla bralla ýmislegt við gerð á þættinum Stundinni okkar.
Álfarnir Bolli og Bjalla lenda í óhappi með símann hans Bjarma og framtíð íslensks barnaefnis er í húfi. Bolli gerir ekkert annað en að slaka á en Bjalla er alltaf að drífa sig, hvað ef þau drífa sig bara að slaka á?
Íslensk tónlistarmyndbönd.
Úr Söngvakeppninni 1986.
Íþróttafréttir.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.
Seðlabankastjóri hefur hlotið gagnrýni fyrir rökstuðning ákvörðunar um stýrivaxtahækkun í gær og trúverðugleiki hans er sagður hafa beðið hnekki. Ein af skýringum seðlabankastjóra var að nýgerðir kjarasamningar fælu í sér meiri launahækkanir en ráð var fyrir gert. Hvaða áhrif koma stýrivaxtahækkanirnar til með að hafa á efnahag bæði ríkisins og ekki síður landsmanna. Róbert Farestveit, hagfræðingur ASÍ, og Konráð Guðjónsson, hagfræðingur SA, eru gestir Kastljóss.
Áhugi á föstum hefur aukist mikið að undanförnu og hafa heilsufarsleg áhrif þess að fasta verið mikið til umræðu í samfélaginu. Þekktar eru svokallaðar lotuföstur þar sem fólk neytir ekki matar í ákveðinn tíma á hverjum sólarhring, jafnvel sextán klukkustundir. Svo eru föstur sem standa yfir í lengri tíma, en í fréttum nýverið var sagt frá manni sem fastaði í heilan mánuð. Tekla Hrund Karlsdottir læknir og Anna Sigríður Ólafsdóttir næringarfræðingur fóru yfir málið.
Tónleikar Sinfóníuhljómsveitar Íslands í beinni útsendingu frá Hörpu.
Tónleikar Sinfóníuhljómsveitar Íslands í beinni útsendingu frá Hörpu. Á efnisskránni eru verk eftir Georg Friedrich Händel, Kaija Saariaho, Gustav Mahler og Claude Debussy. Hljómsveitarstjóri: Eva Ollikainen. Einsöngvari: Jóhann Kristinsson. Kynnir: Halla Oddný Magnúsdóttir.
Níunda þáttaröð breska myndaflokksins Ljósmóðurinnar, sem er byggður á sannsögulegum heimildum um ljósmæður og skjólstæðinga þeirra í fátækrahverfi í austurborg London á sjöunda áratugnum. Meðal leikenda eru Vanessa Redgrave, Laura Main, Jenny Agutter og Stephen McGann.
Leikin þáttaröð um líf og störf lögreglumanna í Chicago. Aðalhlutverk: Jason Beghe, Jon Seda og Jesse Lee Soffer. Þættirnir eru ekki við hæfi barna yngri en 12 ára.
Bresk gamanþáttaröð um Peter og Katy sem snúa heim til Englands eftir fyrsta sumarfríið saman í Frakklandi með fullt af góðum minningum og, án þess að vita af því, sýrlenskan flóttamann í bílskottinu. Aðalhlutverk: Rufus Jones, Rebekah Stanton og Youssef Kerkour. Þættirnir eru ekki við hæfi barna yngri en 12 ára.
Sænsk spennuþáttaröð. Lea á sér þann draum að verða heimsmeistari í hnefaleikum en leiðin á toppinn er þyrnum stráð, ekki síst fyrir unga konu sem á sér fortíð utan ramma laganna. Lea þarf að gera upp við sig hversu miklu hún er tilbúin að fórna fyrir drauminn. Aðalhlutverk: Madeleine Martin, Ralph Carlsson, Jennie Silfverhjelm og Emil Almén. Þættirnir eru ekki við hæfi barna yngri en 12 ára.
