Klassíkin okkar - kosning

Veldu allt upp í fimm verk á þína draumaefnisskrá úr listanum hér fyrir neðan, eða bættu þínu eftirlætisverki við í reitinn „Annað“ ef það er ekki þegar skráð.

Hér getur þú lagt inn tillögu að öðru verki en þeim sem eru í boði hér að ofan. Rita skal bæði nafn verksins og höfundar þess.

Klassíkin okkar – heimur óperunnar

Hver er uppáhalds óperuarían þín? Hvaða tilfinningaríka óperutónlist fær hárin til að rísa? Í annað sinn taka Sinfóníuhljómsveit Íslands og RÚV saman höndum og gefa landsmönnum kost á að ráða efnisskránni á fyrstu tónleikum hljómsveitarinnar á næsta starfsári. Boðið verður til sannkallaðrar óperuveislu 1. september næstkomandi í samstarfi við Íslensku óperuna en tónleikarnir verða í beinni útsendingu á RÚV.

Hljómsveitarstjóri á tónleikunum verður Daníel Bjarnason en einvalalið söngvara kemur fram með hljómsveitinni. Kynnar, líkt og í fyrra, verða Guðni Tómasson og Halla Oddný Magnúsdóttir.

Kjóstu þína uppáhalds aríu eða kafla

Hér á síðunni er hafin netkosning þar sem allir landsmenn geta valið eftirlætis óperuatriðið sitt. 42 aríur og atriði hafa verið valin á þennan lista og þau sem hljóta flest atkvæði fá sinn sess í efnisskrá tónleikanna í haust.

Athugaðu að kosningunni lýkur 17. júní en ef þitt uppáhald er ekki að finna á listanum getur þú lagt það til í sérstökum reit fyrir neðan hann.

Ekki viss? Ekkert mál!

Á meðan á netkosningunni stendur verður Rás 1 til taks fyrir þá sem eru að gera upp hug sinn. Tónlistin á listanum verður kynnt í fimm útvarpsþáttum kl. 17 á laugardögum sem verða í umsjón Guðna Tómassonar. Þættirnir hefja göngu sína laugardaginn 13. maí. Hlustendur kveða svo upp sinn dóm á www.ruv.is/klassikin 

Klassíkin okkar

Mynd með færslu

Klassíkin okkar - heimur óperunnar

Annar þáttur
20/05/2017 - 17:00
Mynd með færslu

Klassíkin okkar - heimur óperunnar

Fyrsti þáttur
13/05/2017 - 17:00

Hver er uppáhalds óperuaría þjóðarinnar?

Klassíkin okkar, samkvæmisleikur þar sem almenningi gefst kostur á að velja efnisskrána á sérstökum hátíðartónleikum Sinfóníuhljómsveitar Íslands og RÚV, er snúinn aftur, og nú er heimur óperunnar í brennidepli.
17.05.2017 - 19:57

Dýpsta tjáning manneskjunnar

Klassíkin okkar – heimur óperunnar er samkvæmisleikur sem Ríkisútvarpið, Sinfóníuhljómsveit Íslands og Íslenska óperan bjóða upp á nú í sumarbyrjun og hefst um næstu helgi.