Kenjar - Sjö ritlistarnemar í útvarpsham!

03.02.2017 - 13:11
Mynd með færslu
 Mynd: Wikimedia Commons
Laugardagana 4. og 11. febrúar frumflytur Útvarpsleikritið sjö stutt verk eftir ritlistarnema við Háskóla Íslands. Útvarpsverkin voru samin á námskeiðinu Gjörningatímar sem er leikritunarnámskeið í Meistaranámi í ritlist við Háskóla Íslands undir stjórn Hlínar Agnarsdóttur.

Á námskeiðinu skrifa nemendur þrjú verk fyrir leiksvið eða leikflutning af einhverju tagi. Í einu verkanna fengu nemendur tækifæri til að velja sér miðil til að skrifa fyrir eftir að hafa fengið innsýn m.a. í útvarpsmiðilinn.  Af 16 nemendum völdu 7 að skrifa fyrir útvarp og í framhaldi var efnt til samstarfs milli Meistaranámsins í ritlist og Útvarpsleikhússins um framleiðslu á verkunum.

 

Laugardaginn 4. febrúar kl 14:00 má heyra eftirfarandi verk: 

Þýðir ekkert annað eftir Brynjar Jóhannesson. Leikarar: Arnar Jónsson, Kolbeinn Arnbjörnsson, Sigurður Skúlason.

Verksmiðjan eftir Stefaníu Dóttur Páls. Leikarar: Elfa Ósk Ólafsdóttir og Þór Birgisson

Algrímur alsjáandi eftir Brynjólf Þorsteinsson. Leikarar: Þór Birgisson, Kolbeinn Arnbjörnsson, Elfa Ósk Ólafsdóttir, Arnar Jónsson, Arndís Hrönn Egilsdóttir. 

 

Laugardaginn 11. febrúar hljóma þessi verk: 

Viðtal við konseptlistamann eftir Unu Björk Kjerúlf. Leikarar: Arndís Hrönn Egilsdóttir og Sigurður Skúlason

Hringbraut eftir Fríðu Ísberg. Leikarar: Arnar Jónsson og Þór Birgisson

Dansandi skuggar eftir Ólöfu Sverrisdóttur. Leikarar: Elfa Ósk Ólafsdóttir, Arndís Hrönn Egilsdóttir og Kolbeinn Arnbjörnsson.

Blóðmenn eftir Brynju Hjálmssdóttur. Leikarar: Kolbeinn Arnbjörnsson, Þór Birgisson, Kolbeinn Orfeus Eiríksson og Áslákur Hrafn Thorarensen. 

 

Hljóðvinnsla: Einar Sigurðsson

Leikstjóri: Hlín Agnarsdóttir

 

Mynd með færslu
Þorgerður E. Sigurðardóttir
dagskrárgerðarmaður
Útvarpsleikhús