Geysir vaknar

18.03.2016 - 18:08
Mynd með færslu
 Mynd: Mynd: Ása Björk Snorradóttir
Geysir, frægasti goshver landsins, virðist vaknaður af dvala. Hann gaus í dag í annað sinn á mánuði af sjálfsdáðum. Ása Björk Snorradóttir leiðsögukona var í Haukadal með hóp ferðamanna þegar hún heyrði miklar drunur að baki sér, sneri sér við og við blasti ógleymanleg sjón. Upp reis há og digur vatnssúla, miklu meiri segir Ása en úr Strokki.

Ferðamennirnir sem með henni voru héldu að hún væri aveg að tapa sér þegar hún veinaði á þá svo þeir misstu nú ekki af sjónarspilinu.

Ása hefur komið næstum hundrað sinnum á ári á hverasvæðið undanfarin ár og hefur aldrei séð nokkra hreyfingu í Geysi. Hún veit ekki til þess að sett hafi verið sápa í hverinn. Það heldur hún að sé löngu búið, þó að það hafi verið gert í gamla daga þegar komu kóngar og drottningar. Ferðamennirnir, sem  voru með henni í dag, merktu það helst á Ásu, sem var hoppandi af gleði hve óvenjulegt þetta var. Fyrir þeim, segir hún, er allt svæðið svo óvenjulegt. 

 


Deila frétt



Anna Kristín Jónsdóttir
Fréttastofa RÚV

Tengdar fréttir

18.03.2016 - 18:08