Sarpurinn

Mynd með færslu

Fórnarkostnaður tískuiðnaðarins

Fashion Factories Uncovered
07/12/2016 - 22:20
Mynd með færslu

Veðurfréttir

07/12/2016 - 22:15
Mynd með færslu

Tíufréttir

07/12/2016 - 22:00
Mynd með færslu

Lestin

Michael Jackson - Dangerous, stríð, tjáningafrelsið
08/12/2016 - 17:03
Mynd með færslu

Víðsjá

Klarínetta, orgel, jólafrumsýning, Stúdíó Stafn
08/12/2016 - 16:05
Mynd með færslu

Síðdegisfréttir

08/12/2016 - 16:00
Mynd með færslu

Síðdegisfréttir

08/12/2016 - 16:00
Mynd með færslu

Dagvaktin

70 þúsund króna Poppmeistaradagur í dag
08/12/2016 - 12:45
Mynd með færslu

Hádegisfréttir

08/12/2016 - 12:20
Mynd með færslu

Krakkafréttir

07/12/2016 - 18:50
Mynd með færslu

Vísindavarp Ævars

Saga tölvunnar - Seinni hluti
07/12/2016 - 18:30
Mynd með færslu

Jóladagatalið - Leyndarmál Absalons

Absalons Hemmelighed
07/12/2016 - 18:20

Fjölónæmar lekandabakteríur ekki greinst hér

16.02.2016 - 16:16
Mynd með færslu
 Mynd: RÚV
Í fréttatilkynningu frá sóttvarnarlækni kemur fram að fjölónæmar lekandabakteríur hafi ekki greinst á Íslandi á síðastliðnum árum. Guðrún Sigmundsdóttir, yfirlæknir sóttvarna hjá embætti Landlæknis, segir að hér hafi hins vegar greinst lekandabakteríur sem séu ónæmar fyrir einstaka tegundum sýklalyfja.

Karl G. Kristinsson, yfirlæknir á sýklafræðideild Landspítalans, sagði í sjónvarpsfréttum RÚV í gær að hér á landi fjölgi tilfellum þar sem fólk greinist með mjög ónæma lekandasýkla. Í frétt RÚV sagði Karl: „Það getur þýtt að meðferð takist ekki, allavega ekki í fyrstu skiptin, séu notuð þessi hefðbundnu lyf. Þau virka ekki og þá heldur viðkomandi áfram að vera sýktur og getur dreift henni og læknast ekki. Vandinn er sá að það er að aukast svo mikið ónæmið að þeir eru að verða fjölónæmir líka, eins og E-coli bakterían.“

Misskilningur á ferðinni

Guðrún Sigmundsdóttir telur málið byggt á misskilningi. „Það hafa vissulega greinst hér lekandabakteríur sem eru ónæmar fyrir kannski einni gerð sýklalyfja, en við höfum getað meðhöndlað öll slík tilfelli. Fjölónæmar lekandabakteríur, sem eru ónæmar fyrir einstaka sýklalyfjum, hafa hins vegar ekki greinst hér á landi til þessa.“

Í tilkynningunni frá sóttvarnalækni segir að fjölónæmi meðal lekandabaktería fari vaxandi víða erlendis og geti borist til Íslands með tíðum ferðalögum fólks á milli landa.

Þá segir ennfremur í tilkynningunni: „Lekandi og aðrir kynsjúkdómar geta haft alvarlegar afleiðingar og það er því full ástæða til að hvetja einstaklinga til ábyrgs kynlífs með notkun smokka.

Til að tryggja árangur meðferðar og vakta næmi hjá lekandabakteríunni verður að taka sýni í ræktun og næmispróf. Þetta á einnig við þegar lekandinn hefur verið staðfestur með greiningu erfðaefnis því sýklalyfjanæmi fæst ekki með þeirri greiningaraðferð.“

 


Deila frétt



Ægir Þór Eysteinsson
Fréttastofa RÚV
16.02.2016 - 16:16