Arnar í leyfi - Grunur um einelti hjá ÍBV

15.01.2016 - 18:00
Mynd með færslu
 Mynd: RÚV
Arnar Pétursson, þjálfari meistaraflokks karla í handbolta, hefur ákveðið að taka sér tímabundið leyfi frá þjálfun liðsins. Grunur er um einelti innan æfingahóps ÍBV.

Fréttatilkynning frá ÍBV vegna málsins er birt inn á Eyjar.net síðdegis í dag en þar er tekið fram að Arnar tengist málinu ekki en hann hafi ákveðið sem þjálfari að víkja á meðan að utanaðkomandi fagaðili væri fenginn til að gera formlega eineltisathugun og leiðbeina félaginu um framhaldið.

„Við viljum beina því til fólks að gefa forráðamönnum félagsins og fagaðilum ráðrúm til að vinna úr þessu máli og að aðgát skal höfð í nærveru sálar,“ segir í tilkynningu frá ÍBV en undir hana rita Karl Haraldsson, formaður handknattleiksdeildar ÍBV og Íris Róbertsdóttir, formaður aðalstjórnar ÍBV.


Deila frétt



Mynd með færslu
Jón Júlíus Karlsson
íþróttafréttamaður
15.01.2016 - 18:00