20 féllu í sjálfsmorðssprengjuárás í Kabúl

02.02.2016 - 02:27
Afghan security forces block the road near the site of a suicide attack at the gate of a Civil Order Police compound, in Kabul, Afghanistan, Monday, Feb. 1, 2016. A suicide car bombing aimed at a police base in Afghanistan's capital has killed at
Lögreglumenn loka götunni við höfuðstöðvar sérdeildar lögreglunnar, sem berst gegn talibönum.  Mynd: AP
20 féllu í sjálfsmorðssprengjuáras á lögreglustöð í Kabúl í Afganistan, að sögn afganskra yfirvalda. 29 særðust í árásinni. Fréttir eru nokkuð misvísandi um hverjir það voru, sem féllu. Fyrstu fréttir hermdu að flestir hinna látnu væru óbreyttir borgarar, en nú virðist sem meirihluti þeirra hafi verið lögreglumenn.

Talibanar hafa lýst ábyrgðinni á árásinni á hendur sér, eins og fjölmörgum árásum öðrum í Kabúl og annars staðar í landinu á undanförnum mánuðum. Árásarmaðurinn sprengdi sig í loft upp við inngang höfuðstöðva þeirrar deildar afgönsku lögreglunnar sem sérhæfir sig í baráttunni gegn talibönum. 

 


Deila frétt



Ævar Örn Jósepsson
Fréttastofa RÚV
02.02.2016 - 02:27