Haukur Morthens lærði prentiðn og var söngvari í lausamennsku þar til hann var fastráðinn árið 1954, fyrstur allra íslenskra dægurlagasöngvara. Sama ár voru gefnar út plötur með söng hans sem seldust vel. Hann kom víða við á söngferli sínum og var í hópi dáðustu skemmtikrafta landsins. Þátturinn er endurfluttur í tilefni af því að 17. maí næstkomandi eru 100 ár liðin frá fæðingu hans. Rætt er við Hauk, Björn R. Einarsson og Skapta Ólafsson.