Bláleiðir Guðrúnar
Seinni hluta ársins 2025 kom út bókverk um æviverk myndlistarkonunnar Guðrúnar Kristjánsdóttur. Þar er á ferðinni leiðarvísir um innlönd, auðn og einstigi sem Guðrún hefur unnið að til margra ára ásamt dóttur sinni Oddnýju Eir Ævarsdóttur. Í tilefni að útkomu bókarinnar tekur Guðni Tómasson hús á myndlistarkonunni á vinnustofu hennar að Hlöðubergi á Skarðströnd og ræðir við Guðrúnu um lífið með listinni, snjóalög sem leysast upp og bláma fjallanna. Lesari í þættinum er Oddný Eir Ævarsdóttir
Þátturinn er endurtekinn í tilefni af yfirlitssýningu á verkum Guðrúnar á Kjarvalsstöðum 2026.
