Bæn og hugleiðing að morgni dags.

Vínil plata úr safninu dregin fram og spiluð í heild.

Vínilplata þessarar viku er Látúnsbarkarnir sem kom út hjá Skífunni árið 1987. Á henni eru lög í flutningi nokkurra látúnsbarka í söngkeppni sem efnt var til þá um sumarið. Það var táningahljómsveitin Stuðmenn, eins og hún var kölluð í einu dagblaðanna vorið 1987, sem efndi til keppni undir yfirskriftinni „Leitin að Látúnsbarkanum“. Fór leitin þannig fram að keppendur gátu skráð sig til leiks á öllum þeim Stuðmannaböllum sem haldin voru um allt land um sumarið og sungið eitt lag við undirleik hljómsveitarinnar. Á hverju balli var einn úr fimm manna hópi valinn til þátttöku í úrslitakeppninni, sem fram fór í beinni útsendingu í sjónvarpi síðar um sumarið.

Keppnin vakti í upphafi töluverða athygli enda var hún vel auglýst í blöðum, útvarpi og sjónvarpi. Til að mynda birtist heilsíðuauglýsing í dagblöðum 28. maí þar sem auglýst var eftir þátttakendum í keppnina. Stuðmenn kynntu þar keppnina til leiks og spurðu þjóðina: „Ert þú með látúnsbarkann sem leitað er að logandi ljósum?“

Undir yfirskriftinni Söngstjarna morgundagsins og ástmögur þjóðarinnar, í báðum tilvikum fylgdi spurningamerki á eftir, voru nánari upplýsingar um keppnina sem og leikreglur. Þar sagði meðal annars:

„Í hverju landshorni leynast söngkraftar sem enn eru óuppgötvaðir en gefa bestu söngvurum ekkert eftir. Nú verða þessir kraftar dregnir fram í dagsljósið í hinni umsvifamiklu stjörnuleit „Leitinni að Látúnsbarkanum“. Fram kom að á hverjum stað myndu fimm söngvarar spreyta sig og dómnefnd myndi í kjölfarið velja þann besta í hverju kjördæmi. Úrslitin réðust síðan í beinni sjónvarpsútsendingu Ríkissjónvarpsins 5. júlí 1987. Og verðlaunin voru ekki af verri endanum: Vandaður verðlaunabarki úr látúni frá Jens gullsmiði og ferð til Lundúna, háborgar tónlistarlífs Evrópu auk fleiri verðlauna. Leikreglurnar voru síðan birtar í fjórum ítarlegum liðum og fyrsta reglan var sú að keppendur þurftu að vera allsgáðir og einungis einn flytjandi á hverju lagi. Keppendur áttu að skrá sig með því að hringja í tiltekið símanúmer og var meira að segja boðið upp á að lesa nafn sitt og símanúmer inn á símsvara ef ekki var svarað í númerið sem gefið var upp. Þá fylgdu reglur um hvaða lög mætti syngja og loks var greint frá því að keppendur ættu að staðfesta nærveru sína í miðasölu við upphaf skemmtunar og þar ítrekuð fyrsta reglan um að einungis allsgáðir gætu tekið þátt í keppninni.

Hún var síðan haldin á öllum böllum sumarsins hjá Stuðmönnum og þeir fóru bókstaflega um allt land. Undankeppnir voru þannig á Patreksfirði, Hnífsdal, Logalandi, Neskaupstað, Egilsstöðum, Húsavík, Akureyri, Ólafsfirði, Miðgarði, Reykjavík og Njarðvík. Úrslitin réðust síðan eftirminnilega í Tívolíinu í Hveragerði 5. júlí, í beinni útsendingu í sjónvarpinu, og þar sigraði örugglega maður sem við höfum síðan þá þekkt sem látúnsbarkann Bjarna Arason. Óhætt er að segja að Bjarni hafi þarna á einu kvöldi sungið sig inn í hug og hjarta landsmanna og hans beið hans glæstur ferill sem söngvari.

A-hlið:

1. Bara ég og þú - söngur Bjarni Arason

2. Já eða nei - söngur Ólöf Sigríður Valsdóttir

3. Lóa litla á Brú - söngur Addi Rokk

4. Í Réttó - söngur Bjarni Arason

5. Þó ég dóli - söngur Málfríður Hjaltadóttir

6. Slá í gegn - söngur Bjarni Arason

B-hlið:

1. Svarti Pétur - söngur Hermann Ólafsson

2. Ástarjátning - söngur Margrét Stefánsdóttir

3. Strax í dag - söngur Gígja Sigurðardóttir

4. Fljúgðu - söngur Guðjón Jónsson

5. Þar sem allt grær - söngur Bergþóra Njála Guðmundsdóttir

Í lok þáttarins er spilað lagið Leitin að Látúnsbarkanum með Stuðmönnum, sem kom út á plötunni Á gæsaveiðum árið 1987.

Umsjón: Stefán Eiríksson.

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Þátturinn var fyrst á dagskrá 5. apríl 2014.

Umsjón: Einar Már Guðmundsson

Einar Már Guðmundsson leikur tónlist að eigin vali.

Umsjón: Kristján Kristjánsson.

frá Veðurstofu Íslands.

Aldrei hefur gustað jafn kröftuglega um Söngvakeppni evrópskra sjónvarpsstöðva og nú. En þó pallíetturnar og glimmerið glitri undan ljóskösturunum sprettur sjónarspilið úr rammpólitískum jarðvegi sem, þegar grannt er á litið, hefur alltaf sett sinn brag á keppnina.

Gæti keppnin sungið sitt síðasta 2026?

Gísli Marteinn Baldursson hagar seglum eftir vindvélunum og fylgir blæstri þeirra í gegnum átakasögu Eurovision.

Rússland hefur verið úthýst úr Eurovision. Úkraína treystir böndin við vestrið með tónlist. Ísrael fær að vera með og fimm lönd segja sig úr keppni. Mun Evrópa hrynja?

Farið yfir helstu fréttir vikunnar í spjalli við fólkið í fréttunum og fréttaskýrendur.

Tónlist héðan og þaðan

Íslenskt lag eða tónverk.

Útvarpsfréttir.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Það er kjördagur og Heimskviður fjalla um samgöngumál, húsnæðismál og þjóðfélagsumræðuna, reyndar með sínu nefi.

Allra augu eru á Downingstræti 10 þessa dagana. Þetta hefur verið erfið vika hjá Keir Starmer forsætisráðherra Breta, og margir sem spá því að hann verði ekki langlífur í embætti. Ég ætla aðeins að skoða hvers vegna hann er svona óvinsæll og hvað taki við.

Kjördagur í dag og annar dagur síðar í sumar þar sem landsmenn þurfa að gera upp hug sinn og nýta kosningaréttinn. Það er raunhæft að óttast tilraunir utanaðkomandi aðila til að hafa áhrif á þjóðmálaumræðuna hér á landi í aðdraganda þjóðaratkvæðagreiðslu um viðræður við Evrópusambandið. Þetta segja sérfræðingar sem fást við upplýsingaóreiðu og svokallaðar fjölþáttaógnir - sem eru sífellt stærri hluti af því sem öryggisstofnanir fást við. Ógnir af þessu tagi eru hins vegar daglegt brauð í ríkjum sem standa okkur tiltölulega nærri; til dæmis í Noregi - og Eistlandi - þangað sem Björn Malmquist ætlar að fara með okkur í Heimskviðum í dag.

Síðar á þessu ári verður hinn goðsagnarkenndi þjóðvegur 66 í Bandarikjunum hundrað ára og tímamótanna minnst með ýmsum hætti. Það má alveg halda því fram að hluti sögu Bandaríkjanna liggi í malbikinu á þessum 4000 km vegi sem liggur þvert yfir landið. Birta skoðaði sögu þessa líklega þekktasta þjóðvegar heims, sem lifir nú meira á fornri frægð en sem samgönguæðin sem honum var upphaflega ætlað að vera.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Ólafur Björn Ólafsson, sem vinir hans og samstarfsmenn kalla gjarnan Óbó, á sér tvöfaldan tónlistarferil, ef svo má segja. Annars vegar er það trommuleikarinn sem leikið hefur með fleiri hljómsveitum og listamönnum en tölu verður á komið og hinsvegar píanóleikarinn og afkastamikið tónskáld sem færri þekkja.

Lagalisti:

Óútgefið - Arithmetical Exercise of the Soul / Unaware of it's Counting

Steypa - Kanon

The Greenhouse Sessions - Systur/Sisters

Innhverfi - Rétt eða rangt

The Third Script - Ravening

Óútgefið - Kerti

Í þáttunum er ferill Michael Jackson rakin í tali og tónum. Barnastjarna, skemmtikraftur, poppstjarna af áður óþekktri stærð, frík og fyrirbæri; Bakgrunnur hans og helstu áhrifavaldar verða til umfjöllunar og leitast verður við að setja fjölbreytilegan feril hans í menningarsögulegt samhengi.

Umsjón: Berglind María Tómasdóttir

Michael Jackson stimplaði sig rækilega inn sem poppstjarna af óvenjulegri stærðargráðu með plötunni Off the Wall sem kom út árið 1979. Í þættinum verður platan til umfjöllunar sem og þátttaka hans í kvikmyndinni Galdrakarlinn í Oz.

Þátturinn var fyrst á dagskrá 13. júní 2015.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Einu sinni voru tveir bræður, Jakob og Vilhelm...

Grimmsævintýri er stórmerkileg og dularfull. Hvaðan koma þau? Hvað eru þau gömul? Af hverju erum við enn að lesa þetta? Og af hverju ættu nútímabörn að þekkja helstu hlutverk lénsskipulags Evrópu á miðöldum?

Viðmælendur: Aðalheiður Guðmundsdóttir, Romina Werth, Birta Björnsdóttir og Ingibjörg Fríða Helgadóttir.

Umsjón: Jóhannes Ólafsson.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Tónlist frá systurstöðvum rásar 1 í Evrópu.

Eistland, Finnland og Frakkland sendu okkur dæmi um það sem er á seyði í þeirra djasslöndum.

Eistneska tríóið Flow Rea er skipað þeim Mathei Florea á hljómborð, Joosep Talumaa á bassa og Dmitri Nikolajevski á slagverk. Þeir spila þrjú lög af plötunni Pulse, sem kom út 2025.

Allure

Circuit

Restless

Ricky Tick stórsveitin finnska og Julkinen Sala hópurininn - eða Hið opinbera - eins og hann gæti heitið á íslensku. Ljóðskáldin og rappararnir Karri Paleface Mietteinen, Tommy Lindgre og Fanni F Sjöholm skipa hann ásamt Valtteri Laurell Pöyhönen, gítarleikara, útsetjara og stórsveitarstjóra . (Myndin er af þeim).

Won't Do og Rico Suave Bossa Nova eru eftir rapparann og upptökustjórann J'Dilla. Lokalagið: Siel missä ei oo ennen oltu er eftir Julkinen Sala.

Frá Frakklandi kemur saxófónleikarinn og söngvarinn Pierre Carbonneaux, sem leiðir hljómsveitina L’autour sem þeir skipa með honum Benjamin Garson á gítar, Clement Merienne á píano, Antoine Leanardon á kontrabassa og Emilian Ducret á trommur. Við heyrðum þá taka til kostanna eigin hugleiðingar um söngvaskáldið sem þeir voru aldir upp við - George Brassens.

The Singing Train

Pauvre Martin

Og í lokin heyrum við í George Brassens sjálfum syngja eigið lag um orðsprið.

La mauvaise reputation

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í september 1970 rændu liðsmenn Alþýðufylkingarinnar til frelsunar Palestínu fjórum farþegaþotum og stefndu þeim á gamlan herflugvöll í eyðimörk Jórdaníu. Seinni þáttur af tveimur.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Tríó McCoy Tyner leikur lögin In The Tradition, Goin' Away Blues, I Want To Tell You About That, Cariba, Will You Still Be Mine, The Night Has A Thousand Eyes og Nver Let Me Go. Benny Carter og hljómsveit leika lögin How Can Yo Loose, A Walkin' Thing, Blue Lou, I'm Coming To Virginia, Old Fashioned Love og Blues My Naughty Sweetie Gives To Me. Sextett Donald Byrd leikur lögi Fly Little Bird Fly, Alter Ego, Blue Monk, Sir Master Kool og Voyage á deux.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Umsjón: Melkorka Ólafsdóttir

Umsjón: Melkorka Ólafsdóttir

Guðrún Eva Mínervudóttir segir frá sínu uppáhalds tónverki.

Við heyrum upphafið að Te Deum eftir eistneska tónskáldið Arvo Pärt. Tönu Kaljuste stjórnar Kammerkór Eistnesku fílharmóníunnar og Kammersveit Tallin.

Í Sagnaslóð er leitað fanga úr fortíðinni. Frásagnir úr sögu þjóðarinnar.

Umsjón: Birgir Sveinbjörnsson og Jón Ormar Ormsson.

Umsjón: Jón Ormar Ormsson

Efni þáttar er sótt í bókina; Horft til liðinna stunda, eftir Þórarin Þórarinsson, skólastjóra á Eiðum, þar sem hann segir af kynnum sínum af Jóhannesi Kjarval.

Þórarinn Þórainssson; Horft til liðinna stunda.

Bókaútgáfa Arnar og Örlygs 1981

Lesari með umsjónarmanni; Sigríður Kristín Jónsdóttir

Tónlist;

Þú álfu vorrar yngsta land/Sigfús Einarsson/Hannes Hafstein

Karlakórinn Heimir.

Fyrst á dagskrá 2. október 2009

frá Veðurstofu Íslands

Leikin er gamaldags tónlist frá öldinni sem leið: dægurlög, harmóníkutónlist, djass og danslög. Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum. Umsjónarmaður þáttarins er Lana Kolbrún Eddudóttir.

Leikin lög með hljómsveitum Ásgeirs Sverrissonar og Jóhannesar Eggertssonar og einnig dönsk sjómannalög.

Umsjón: Lana Kolbrún Eddudóttir.

Farið yfir helstu fréttir vikunnar í spjalli við fólkið í fréttunum og fréttaskýrendur.