Dagskrárliður er ekki aðgengilegur lengur

Birt þann 11. mars 2018
Aðgengilegt á vef til 9. júní 2018

Samtal

Á sínum tíma voru helstu rökin fyrir sjálfstæði Íslands sótt í sjálft tungumálið - íslenskuna. Hún væri móðurtungu Norðurlanda og hefði alið af sér bókmenntir sem væru einn af hornsteinum evrópskrar menningar. En hvernig horfir málið við nú einni öld síðar? Menningargróskan hefur að sönnu aldrei verið meiri, en jafnframt er spurt hvernig tungunni muni reiða af í því stöðuga umróti áreita og ögrana sem eru daglegt hlutskipti nútímafólks. Næstu sunnudaga munu þeir Ævar Kjartansson og Pétur Gunnarsson, rithöfundur, fá til sín viðmælendur til að hugleiða stöðu málsins á aldarafmælisári sjálfstæðisins. Sunnudaginn 11. mars verður gestur þeirra Bjarni Benedikt Björnsson sem kennir íslensku við Sorbonne í París. Umsjón: Ævar Kjartansson og Pétur Gunnarsson.