Spænsk gamanmynd frá 2021 í leikstjórn Fernando León de Aranoa. Verksmiðjueigandinn Blanco á von á dómnefnd sem á að meta fyrirtækið hans fyrir eftirsótt verðlaun. Þegar hann er í þann mund að taka á móti gestunum byrja vandamálin að hlaðast upp hvert á fætur öðru og Blanco þarf að grípa til örþrifaráða til að bjarga glansmynd fyrirtækisins. Aðalhlutverk: Javier Bardem, Manolo Solo og Almudena Amor. Myndin er ekki við hæfi barna yngri en 16 ára.