Upptaka af leiksýningunni Góðan daginn, faggi sem var sýnd yfir 100 sinnum í Þjóðleikhúskjallaranum og víðar á árunum 2021-2023. Leiksýningin er sjálfsævisögulegur heimildarsöngleikur byggður á gömlum dagbókum og bréfum leikarans Bjarna Snæbjörnssonar og fjallar um leit hans að orsökum skyndilegs taugaáfalls á fullorðinsárum. Eftir vandasaman leiðangur um innra líf sitt, fortíð og samtíma rekst hann á rætinn hommahatara á óvæntum stað. Leikari: Bjarni Snæbjörnsson. Tónlist: Axel Ingi Árnason. Leikstjórn: Gréta Kristín Ómarsdóttir. Upptökustjórn: Rúnar Freyr Gíslason. Framleiðsla: RÚV í samvinnu við leikhópinn Stertabendu.