Fram og til baka

Fimm friðsæl en frumleg mótmæli Stefáns Pálssonar.

Stefán Pálsson sagnfræðingur og varaborgarfulltrúi í Reykjavík var gestur þáttarins í þessu sinni og kom með vel hlaðna fimmu en þar sagði hann frá eftirminnilegum mótmælum sem hann hefur sótt í gegnum tíðina. Það sem gerir friðsamleg mótmæli eftirminnileg og áhrifamikil er frumlegheitin að sögn Stefáns.

Í seinni hluta þáttarins var tónlistin í forgrunni og þar var hálfgert nafnakall. Öll tónlistin sem þá hljómaði innihélt íslensk mannanöfn, þar sem sungið var til eða um fólk með nöfn eins og Rögnvaldur, Ingileif, Símon, Sturla og Stjáni - en umsjónarmaður þáttarins er einmitt aldrei kallaður Stjáni.

Frumflutt

13. apríl 2024

Aðgengilegt til

13. apríl 2025

Kristján Freyr stekkur í skó Felix Bergssonar, rabbar við hlustendur í morgunsárið og spilar huggulega tóna sem hæfa laugardagsmorgnum. Hin bráðskemmtilega Fimma er á sínum stað þar sem góðir gestir segja frá fimm skemmtilegum atriðum sem hafa breytt lífi þeirra