Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Þáttaröð frá 2013 úr smiðju Ævars Vísindamanns. Ævar er nú kominn í nýja og enn stærri tilraunastofu í samstarfi við Sprengjugengið hjá HÍ, Marel og Vísindavefinn. Íslenskt hugvit verður haft að leiðarljósi, alvöru- og ímyndaðir vísindamenn birtast ljóslifandi fyrir augum áhorfenda og gerðar verða lífshættulegar tilraunir, þegar Ævar þorir. Dagskrárgerð: Eggert Gunnarsson.
Þættir frá 2011 þar sem fjallað er um klassíska- og samtímatónlist í víðum skilningi og leitast við að kynna hana á skemmtilegan, aðgengilegan og fjölbreyttan hátt. Tónlistarfólk kemur saman í stúdíói, spjallar um tónverk og leikur þau líka. Þá er rætt við sérfræðinga og áhugamenn úr ýmsum áttum. Umsjónarmenn eru Víkingur Heiðar Ólafsson og Halla Oddný Magnúsdóttir. Dagskrárgerð: Helgi Jóhannesson og Viðar Víkingsson.
Í þessum þætti er fjallað um hlutverk flytjandans í klassískri tónlist. Hvað felst í túlkun tónverka - annað en að spila réttar nótur í réttri röð? Hvað stendur í nótunum, og hvað vantar í þær? Og hversu miklu getur maður leyft sér að bæta við? Fram komu: Alfred Brendel, Martin Frost, Roger Scruton, Víkingur Heiðar Ólafsson, Halla Oddný Magnúsdóttir.
Heimildarmynd frá 2022 um Auði Haraldsdóttur. Auður kom sem stormsveipur inn í íslenskt bókmenntasamfélag með skáldsöguna Hvunndagshetjuna, árið 1979. Hér ræðir Auður Jónsdóttir, rithöfundur og blaðamaður, við Auði Haraldsdóttur um lífið og ferilinn. Álitsgjafar og samferðafólk Auðar ræða verk hennar og farið er yfir samfélagslegt- og bókmenntalegt mikilvægi þeirra. Einnig les Sigrún Edda Björnsdóttir, leikkona, nokkur brot úr bókum Auðar. Handrit og umsjón: Auður Jónsdóttir. Kvikmyndastjórn: Jón Egill Bergþórsson.
Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.
Dr. Kristján Eldjárn var þriðji forseti Íslands. Hann gegndi embættinu þrjú kjörtímabil, frá 1968 til 1980. Hann var fornleifafræðingur að mennt og Þjóðminjavörður. Hann varð þjóðkunnur og vinsæll fyrir þætti sína um forna muni og minjar á fyrstu starfsárum Sjónvarpsins. Fjallað er um forsetakosningarnar 1968 og brugðið upp myndum af ýmsum embættisverkum Kristjáns í forsetatíð hans. Dagskrárefnið er úr safni RÚV. Umsjón og dagskrárgerð: Andrés Indriðason.
Heimildarþáttur um níu manna grín- og gleðisveitina Ljótu hálfvitana. Í þættinum er fylgst með hljómsveitinni á heimaslóðum á Norðurlandi og hún heimsótt í vinnubúðir á Möðruvöllum í Hörgárdal. Ljótu hálfvitarnir semja og flytja alfarið eigin lög og texta og eru þekktir fyrir óhefðbundna tónleika sem líkja mætti við leikhúsgjörning og uppistand. Dagskrárgerð: Björn Emilsson.
Upptaka frá tónleikum hljómsveitarinnar Ljótu hálfvitanna á Græna hattinum á Akureyri árið 2019. Ljótu hálfvitarnir gera óspart grín að sjálfum sér og eiga dyggan stuðningshóp sem er ófeiminn við að syngja með og taka þátt í glensinu. Stjórn upptöku: Björn Emilsson.
Tólfta þáttaröð breska myndaflokksins Ljósmóðurinnar, sem er byggður á sannsögulegum heimildum um ljósmæður og skjólstæðinga þeirra í fátækrahverfi í austurborg London á sjöunda áratugnum. Meðal leikenda eru Vanessa Redgrave, Laura Main, Jenny Agutter og Stephen McGann.
Dönsk heimildarþáttaröð um áhrifavaldana og parið Morten og Fredrik sem dreymir um að stofna fjölskyldu og eignast börn. Dag einn hefur Nanna samband við þá og býðst til að ganga með barn fyrir þá eftir að hafa fylgt þeim á samfélagsmiðlum. Þau ákveða að leggja af stað í ferðalag sem breytir lífi þeirra allra.
Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.
Ormhildur sækir nykratað við Nykurvatn til að setja á eldinn. Óvart kemur lítið nykurfolald með henni heim. Litla skrímslið veldur uppnámi á eyjunni.
Íbúarnir eru þjáðir af þorsta því Hallgrímur hefur sölsað undir sig allt vatnið. Hann bælir reiði þeirra með göldrum. Hann vill ekki að Albert noti galdra til að láta allt verða eins og það var fyrir flóðið.
Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?
Bresk leikin þáttaröð fyrir alla fjölskylduna. Líf systkinanna Phoebe, Becks og Perry snýst á hvolf þegar móðir þeirra flyst skyndilega með þau úr þægilegu borgarlífi Glasgow í afskekkt þorp í skosku hálöndunum. Á sama tíma hverfur faðir þeirra á dularfullan hátt og einsetja systkinin sér að komast að sannleikanum um hvarfið. Þættirnir eru byggðir á samnefndri skáldsögu eftir Jacqueline Wilson. Aðalhlutverk: Kevin McKidd, Piers Ewart og Ida Brooke.