Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Þáttaröð frá 2013 úr smiðju Ævars Vísindamanns. Ævar er nú kominn í nýja og enn stærri tilraunastofu í samstarfi við Sprengjugengið hjá HÍ, Marel og Vísindavefinn. Íslenskt hugvit verður haft að leiðarljósi, alvöru- og ímyndaðir vísindamenn birtast ljóslifandi fyrir augum áhorfenda og gerðar verða lífshættulegar tilraunir, þegar Ævar þorir. Dagskrárgerð: Eggert Gunnarsson.
Þættir frá 2011 þar sem fjallað er um klassíska- og samtímatónlist í víðum skilningi og leitast við að kynna hana á skemmtilegan, aðgengilegan og fjölbreyttan hátt. Tónlistarfólk kemur saman í stúdíói, spjallar um tónverk og leikur þau líka. Þá er rætt við sérfræðinga og áhugamenn úr ýmsum áttum. Umsjónarmenn eru Víkingur Heiðar Ólafsson og Halla Oddný Magnúsdóttir. Dagskrárgerð: Helgi Jóhannesson og Viðar Víkingsson.
Í fyrsta þætti Útúrdúrs komum við aðeins inn á hvernig Mozart hefur verið notaður í viðbjóðslegum tilgangi í gegnum tíðina. Í þættinum heyrum við Guðrúnu Hlín Þórarinsdóttur segja frá móður sinni, Margréti Eiríksdóttur píanóleikara, og hvernig hún hélt áfram að spila Schubert þrátt fyrir minnistap. Fram komu: Roger Scruton, heimspekingur og listfræðingur. Steven Mithen, fornleifafræðingur. Guðrún Hlín Þórarinsdóttir. Gunnar Guðbjörnsson, söngvari.
Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.
Fjallað er um Curaçao, Jórdaníu, Grænhöfðaeyjar og Úsbekistan.
Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.
Fjallað er um Skotland, Tyrkland, Svíþjóð og Tékkland.
Veiðiþættir í umsjá bræðranna Gunnars og Ásmundar Helgasona. Í þáttunum fara þeir á ýmsa veiðistaði, fá aðstoð sérfræðinga og heimafólks og veiða meðal annars ísaldarrurriða á flugu, þorsk af kajak, lax á Vesturlandi, silung á fjöllum og hákarl úr fjöru. Þeir elda allt sem þeir veiða, þó við misjafnar aðstæður og með misjöfnum árangri. Dagskrárgerð: Eiríkur Ingi Böðvarsson.
Sjóbleikjan þykir einn allra besti matfiskur sem kostur er á og bræðurnir freista þess að fanga þennan ljúffenga fisk. Áfangastaðurinn er Önundarfjörður, þar sem áin er tær, veðrið gott og ströndin hvít. Aflinn er síðan eldaður á býsna nýstárlegan hátt.
Félagarnir og fyrrum Hraðfréttamennirnir Benni og Fannar réðu sig sem háseta á frystitogarann Hrafn Sveinbjarnarson frá Grindavík. Í þáttunum fáum við að fylgjast með strákunum í ævintýralegum 30 daga túr. Dagskrárgerð: Benedikt Valsson og Fannar Sveinsson. Framleiðsla: Skot.
Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.
Hópurinn endar í stórum fimmhyrndum sal. Galdrar Alberts og Guðrúnar fara úrskeiðis. Álfur og Hallgrímur birtast og þau sogast öll inn í ormagöng þar sem tíminn er brenglaður. Inn í göngunum býr draugur galdramanns sem fleygir Ormhildi, Kisa og Álfi út. Þau komast í þyrluna, sem lið Hallgríms hefur gert við, og fljúga heim á Breiðholtseyju.
Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.
Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?
Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.
Helstu fréttir dagsins af innlendum og erlendum vettvangi. Alla daga, árið um kring.
Vopnahlé sagt líklegt á morgun
Íþróttafréttir.
Veðurfréttir.
Lottó-útdráttur vikunnar.
Gamanmynd frá 2004 fyrir alla fjölskylduna. Líf Grettis, latasta kattar í heimi, umturnast þegar eigandi hans kemur heim með nýtt gæludýr, hundinn Odda. Þegar Odda er rænt neyðist Grettir til að mjaka sér úr sófanum og leggja í háskalegan björgunarleiðangur. Bill Murray ljáir Gretti rödd sína. Aðalhlutverk: Breckin Meyer, Jennifer Love Hewitt og Stephen Tobolowsky. Leikstjóri: Peter Hewitt.
Íslensk kvikmynd í leikstjórn Gríms Hákonarsonar. Myndin gerist í litlu samfélagi og segir sögu Ingu, kúabónda á miðjum aldri, sem gerir uppreisn gegn kaupfélaginu á staðnum. Hún reynir að fá aðra bændur í lið með sér en það gengur erfiðlega þar sem kaupfélagið hefur sterk ítök í sveitinni. Aðalhlutverk: Arndís Hrönn Egilsdóttir, Sigurður Sigurjónsson og Sveinn Ólafur Gunnarsson.
Rómantísk kvikmynd frá 2016 um hjónin John og Abby sem hafa ákveðið að skilja. Þegar þau komast að því að dóttir þeirra ætlar að gifta sig ákveða þau að setja sín eigin áform til hliðar þar til eftir brúðkaupið. Leikstjóri: Mike Rohl. Aðalhlutverk: Jennie Garth, Dan Payne og Chanelle Harquail-Ivsak.
Samantekt frá leikjum dagsins á HM karla í fótbolta.
Leikir á HM karla í fótbolta.
Leikur Haítí og Skotlands á HM karla í fótbolta.
Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.
Fjallað er um Nýja-Sjáland, Ástralíu, Panama og Sviss.
Leikir á HM karla í fótbolta.
Leikur Ástralíu og Tyrklands á HM karla í fótbolta.