Keppni í skíðaskotfimi á Vetrarólympíuleikunum í Mílanó og Cortina á Ítalíu.
Keppni í íshokkí á Vetrarólympíuleikunum í Mílanó og Cortina á Ítalíu.
Stuttir norskir þættir þar sem fólk þakkar kennara sínum fyrir að hafa breytt lífi sínu til hins betra.
Ævintýri Tulipop er skemmtileg teiknimyndaþáttaröð um litríkan vinahóp sem býr á töfraeyjunni Tulipop.
Í þáttaröðinni er fylgst með vinunum Fredda, sveppa-systkinunum Búa og Gló, Maddý og ekki má gleyma Herra Barra sem er elstur og vitrastur allra á Tulipop. Þau eru öll afar ólík bæði hvað útlit og skapgerð varðar. Á Tulipop búa sterkar kvenpersónur og staðalímyndir fyrirfinnast ekki. Enginn er fullkominn, öllum verður einhvern tíma á í messunni en það sem mestu máli skiptir er kærleikurinn og vináttan. Í hverjum þætti lenda aðalpersónurnar í spennandi ævintýrum og eignast nýja vini.
Ævintýri Tulipop sækir innblástur sinn í íslenska náttúru, sem leikur stórt hlutverk í þáttaröðinni. Virðing fyrir náttúrunni er í fyrirrúmi og markmiðið er að miðla jákvæðum skilaboðum og gleði til barna á öllum aldri.
Gló og Freddi eru í ævintýraleit á ströndinni þegar þau koma auga á nýja eyju rétt við fjöruborðið. Þau ákveða að flýta sér þangað í von um að finna fjársjóð. Búi kemur auga á þau þegar hann og Maddý eru að koma sér fyrir í sólbaði á ströndinni. Hann uppgötvar að eyjan er alls ekki eyja heldur strandaður einhyrningshvalur! Hann verður að komast til þeirra og hjálpa þeim að bjarga hvalnum.
Róbert og hressu hvolparnir í Hvolpasveitinni eru komin aftur og takast á við ný verkefni og nýja þorpara eins og þeim einum er lagið.
Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.
Helstu fréttir settar fram á einfaldan og aðgengilegan hátt.
Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.
Í dag er sprengidagur og í þætti dagsins undirbúum við okkur fyrir morgundaginn, sjálfan öskudaginn. 1. Heimsókn í búningadeild RÚV
Helstu fréttir dagsins af innlendum og erlendum vettvangi. Alla daga, árið um kring.
Íþróttafréttir.
Veðurfréttir.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Halldórsdóttir, Urður Örlygsdóttir og Viktoría Hermannsdóttir.
Kveikur er fréttaskýringaþáttur með áherslu á rannsóknarblaðamennsku. Ritstjórn og dagskrárgerð: Ragnhildur Þrastardóttir, Arnar Þórisson, Árni Þór Theodórsson, Gunnhildur Kjerúlf Birgisdóttir, Ingvar Haukur Guðmundsson, Jóhann Bjarni Kolbeinsson, Kristín Sigurðardóttir og Tryggvi Aðalbjörnsson.
Aftur og aftur reyndu börn og fullorðnir að tilkynna að ekki væri allt með felldu á sveitabænum Bakkakoti þar sem þau voru í vist. Börn voru send þangað fyrir tilstilli sveitarfélaga í þrjú sumur eftir að drengur var fluttur þaðan í kjölfar barsmíða húsfreyjunnar.
Samantekt frá viðburðum dagsins á Vetrarólympíuleikunum á Ítalíu. Umsjón: Edda Sif Pálsdóttir og Gunnar Birgisson.
Önnur þáttaröð bresku dramaþáttanna um lögregluþjóninn Chris sem tekst á við glæpi og ofbeldi á götum Liverpool-borgar á sama tíma og hann berst við djöfla í einkalífi sínu. Chris reynir af fremsta megni að koma sér á beinu brautina, en þegar hann kemst upp á kant við einn stærsta eiturlyfjasala borgarinnar hallar undan fæti hjá honum. Aðalhlutverk: Martin Freeman, Adelayo Adedayo og Romi Hyland-Rylands. Þættirnir eru ekki við hæfi barna yngi en 12 ára.
Breskt drama í tveimur hlutum frá 2022 byggt á samnefndri skáldsögu Andrews O‘Hagans. Eitt óleymanlegt kvöld í skoskum smábæ árið 1986 myndast ævilöng vinátta James og Tully. Þrjátíu árum síðar kemst Tully að því að hann er dauðvona og ber upp bón sem reynir á vináttuna. Aðalhlutverk: Tony Curran, Martin Compston, Tom Glynn-Carney og Rian Gordon. Þættirnir eru ekki við hæfi barna yngri en 12 ára.
Norskir spennuþættir um Kelechi sem losnar úr fangelsi eftir átta ára afplánun. Hann er fullur af hatri og staðráðinn í að ná fram hefndum með því að knésetja stærsta hassinnflytjanda Noregs. Aðalhlutverk: Tobias Haile Furunes, Jon Ranes og Philip Nguyen. Þættirnir eru ekki við hæfi barna yngri en 16 ára.
Keppni á listskautum á Vetrarólympíuleikunum í Mílanó og Cortina á Ítalíu.
Keppni í skíðafimi á Vetrarólympíuleikunum í Mílanó og Cortina á Ítalíu.
Helstu fréttir dagsins af innlendum og erlendum vettvangi. Alla daga, árið um kring.
