Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Hvað ef áföll í móðurkviði hafa áhrif á heilsu okkar mörgum áratugum síðar? Rætt við Graham Music, breskan sérfræðing í áhrifum áfalla á þroska barna. Einnig rætt við Önnu Maríu Jónsdóttur, geðlækni og Margréti Ólafíu Tómasdóttur, heimilislækni.
Almyrkvi á sólu í ágúst mun að líkindum laða fjölda fólks til landsins og valda álagi á innviði, sérstaklega á vestanverðu landinu. Rætt við Runólf Þórhallsson, sviðstjóra almannavarnadeildar ríkislögreglustjóra, um undirbúning fyrir almyrkvann.
Dögg Guðmundsdóttir er ein þátttakenda í dönskum raunveruleikaþáttum þar sem hönnuðir keppast um að hanna muni sem taldir eru líklegir til þess að standa tímans tönn. Lokaþáttur seríunnar var sýndur í danska sjónvarpinu í kvöld en fram að því hafði Dögg borið sigur úr býtum í tveimur þáttum af fimm.
Bein útsending frá spurningakeppni sveitarfélaga. Umsjónarmenn eru Guðrún Dís Emilsdóttir og Sólmundur Hólm. Spurningahöfundar: Ævar Örn Jósepsson og Jón Svanur Jóhannsson. Dómari: Ævar Örn Jósepsson. Stjórn útsendingar: Helgi Jóhannesson.
Þáttur frá 1996 um arkitektinn Rögnvald Ágúst Ólafsson, höfund Húsavíkurkirkju, Vífilsstaðaspítala, Pósthússins í Reykjavík og fleiri húsa. Dagskrárgerð: Björn G. Björnsson. Framleiðandi: Saga film.
Nýir íslenskir heimildarþættir eftir Láru Zulima Ómarsdóttur. Hvernig er að búa í nánum tengslum við náttúruna? Hvað er það í náttúrunni sem kallar svo sterkt á suma? Lára kynnist viðmælendum sínum og fer með þeim á þeirra uppáhaldsstaði, þar á meðal leynistaði sem fáir þekkja. Hún sýnir svo bandaríska ljósmyndaranum og ævintýramanninum Chris Burkard þessar einstöku náttúrugersemar, en hann sérhæfir sig í ljósmyndun á köldum slóðum. Framleiðsla: Zulima ehf.
Arndís Guðmundsdóttir býr á Bjarnastöðum við Hvítársíðu í Borgarfirði. Þar hefur fjölskylda hennar búið í meira en 140 ár. Arndís á sér uppáhaldsstað sem leynist í aldagömlu, mosavöxnu hrauni og á fáa sína líka á Íslandi. Lára fer einnig með bandaríska ljósmyndaranum og ævintýramanninum Chris Burkard um sveitina.
Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Hjalti Stefánsson, Benedikt Nikulás Anes Ketilsson, Björgvin Kolbeinsson og Adelina Antal.
Í Landanum í kvöld ætlum við að kíkja í kaffi. Ekkert venjulegt kaffi heldur dauðakaffi, við ætlum að skipta um hlutverk á veitingastaðnum Múlaberg á Akureyri, kynnum okkur starfsnemi tónlistarklúbbsins Brjáns í Neskaupsstað og fylgjumst með undirbúningi fyrir kvikmyndahátíð framhaldsskólanna.
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?
Bein útsending frá Íslensku tónlistarverðlaununum 2026 þar sem fjöldi tónlistarfólks kemur fram. Verðlaunahátíðin er uppskeruhátíð íslenska tónlistargeirans, þar sem íslenskt tónlistarfólk sem kemur úr öllum stefnum og straumum er verðlaunað fyrir það sem stóðu upp úr á árinu 2025.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Breskt drama í sex þáttum frá 2025 um húsmóður í Lundúnum sem stofnar næturklúbb í Soho-hverfi við lok seinni heimsstyrjaldar til að framfleyta sér og dætrum sínum. Rekstrinum fylgja tíðir árekstrar við bæði glæpagengi og lögregluna. Aðalhlutverk: Julianne Nicholson, Ian Bonar og Fiona Button. Þættirnir eru ekki við hæfi barna yngri en 14 ára.
Sænskir leiknir heimildarþættir frá 2023. Farið er yfir sögu Svíþjóðar frá ísöld til dagsins í dag. Yfir 300 sérfræðingar komu að gerð þessarar tíu hluta þáttaraðar þar sem sögulegir viðburðir eru endurskapaðir. Sögumaður: Simon J. Berger. Leikstjórar: Niklas Fröberg og Niklas Vidinghoff.
