Helstu fréttir dagsins af innlendum og erlendum vettvangi. Alla daga, árið um kring.

Svört skýrsla um brunavarnir

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Æfingar fyrir háls og herðar. Sitjandi.

Heimildarþáttur um krabbamein í blöðruhálskirtli þar sem sjúklingar segja frá reynslu sinni og læknar fjalla um eðli, greiningu og meðhöndlun sjúkdómsins. Á Íslandi greinast um 200 karlmenn með krabbamein í blöðruhálskirtli á hverju ári og um 50 látast af völdum þess. Dagskrárgerð: Páll Kristinn Pálsson og Aðalgeir Gestur Vignisson.

Bein útsending frá spurningakeppni sveitarfélaga. Umsjónarmenn eru Guðrún Dís Emilsdóttir og Sólmundur Hólm. Spurningahöfundar: Ævar Örn Jósepsson og Jón Svanur Jóhannsson. Dómari: Ævar Örn Jósepsson. Stjórn útsendingar: Helgi Jóhannesson.

Þættir frá 2007 þar sem íslenskir lagasmiðir flytja nokkur verka sinna í sjónvarpssal. Umsjón og dagskrárgerð: Jón Egill Bergþórsson.

Björn Jörundur flytur nokkur af lögum sínum að viðstöddum áhorfendum í Sjónvarpssal.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Í Kilju vikunnar förum við í Stykkishólm og fjöllum um skáldið Júlíönu Jónsdóttur. Þar bjó Júlíana um skeið og var þá fyrst íslenskra kvenna til að gefa út skáldverk - ljóðabók sem nefnist Stúlka. Það var árið 1878. Nú er komið út heildarsafni ljóða Júlíönu. Við segjum líka frá árlegri bókmenntahátíð sem haldin er í Stykkishólmi og nefnist einmitt Júlíana. Hún verður haldin um næstu helgi. Viðmælendur okkar eru Gréta Sigurðardóttir, sem stendur á bak við bæði útgáfu ljóðabókarinnar og bókmenntahátíðina, og Ellert Kristinsson sem hefur látið gera upp húsið sem Júlíana bjó í. Arndís Þórarinsdóttir rithöfundur segir okkur frá uppáhaldsbókum sínum. Magnús Lyngdal Magnússon spjallar um nýja bók sína sem nefnist Ópera: Á ferðalagi um sögu listformsins og við skoðum búta úr völdum óperum. Tómas Ævar Ólafsson ræðir um útvarpsþætti sem hafa vakið mikla athygli á Rás 1 - þar er rýnt í bækur Halldórs Laxness undir yfirskriftinni Aldrei las ég Laxness. Gagnrýnendur þáttarins fjalla um Minnisblöð veiðimanns eftir Ívan Túrgenév, Yrpu eftir Hildi Knútsdóttur og Sjáanda eftir Ester Hilmarsdóttur. A

Íslensk þáttaröð í sex hlutum í umsjón Önnu Sigríðar Ólafsdóttur, prófessors í næringarfræði. Í þáttunum er fylgst með fjölbreyttum hópi fólks taka næringar- og matarvenjur sínar til gagngerrar endurskoðunar í þeim tilgangi að nærast betur - og njóta um leið. Framleiðandi: Sagafilm.

Eva Margrét Jónudóttir og Jón Sigurður Snorri Bergsson búa í Borgarnesi ásamt börnum sínum tveimur, Þóreyju og Bergi. Fjölskyldan er mikið fyrir mat, heldur í þjóðlegar hefðir og eldar oft í stórum skömmtum til að búa í haginn. Nart á milli mála truflar seddustjórnunina hjá þeim öllum, auk þess sem þau þurfa að huga að skammtastærðum og almennu skipulagi varðandi mat og matarundirbúning.

Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill lærum við líka svolítið táknmál.

Höfundur:

Laila Margrét Arnþórsdóttir

Leikur:

Tinna: Kolbrún Völkudóttir

Kata kónguló: Jan Fiurasek

Talsetning:

Tinna: Álfrún Helga Örnólfsdóttir

Kata kónguló: Erla Ruth Harðardóttir

Teddi tannálfur: Björgvin Franz Gíslason og Friðrik Friðriksson

Búningar: Helga Rún Pálsdóttir

Tinnu fær Tedda Tannálf í heimsókn en hann er heldur kaldur. Hann er eiginlega frosinn í gegn. Tinna gerir sitt besta til að hlýja honum og segir Teddi þá frá því hann hafi verið á Grænlandi.

Þættir þar sem krakkar setja upp leikið verk. Það eina sem þau fá er leikmynd og málsháttur. Þau búa til söguna, ákveða hver gerir hvað og æfa vel og vandlega svo allt smelli saman fyrir sýninguna í lokin. Dagskrárgerð: Sigyn Blöndal og Sindri Bergmann Þórarinsson. Leikstjóri: Agnar Jón Egilsson.

Krakkarnir í skólanum hans Bjarma kynnast fjölbreyttum íþróttagreinum ásamt seinheppnum kennara sínum, honum Agnari.

Söngur er íþrótt, að minnsta kosti í Stundinni okkar.

Krakkarnir þjálfa raddböndin, hita vel upp og flytja lagið Krumla með glæsibrag.

Þessar þáttaraðir eru áhorfendum að góðu kunnar, enda eru þættirnir bæði afar fræðandi og skemmtilegir. Að þessu sinni fræðumst við um mannslíkamann.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Kvikmyndasafn Íslands geymir fjársjóð af kvikmyndum sem sýna íslenskan veruleika snemma á síðustu öld. Egill Helgason og Gunnar Tómas Kristófersson rýna efni og sýna efni sem jafnvel enginn hefur séð. Dagskrárgerð: Ragnheiður Thorsteinsson.

Í þættinum fjöllum við um konungsheimsóknir til Íslands og kvikmyndir af þeim og síðar heimsóknir forseta Íslands í ýmis byggðarlög. Við sjáum hvernig hefðir sköpuðust í kringum þessar heimsóknir þjóðhöfðingja og ekki síst hvernig forsetaembættið nýja var túlkað í kvikmyndum.

Helstu fréttir dagsins af innlendum og erlendum vettvangi. Alla daga, árið um kring.

Truflanir á samgöngum

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Seðlabankinn hækkaði stýrivexti í gær um 0,25 prósentustig og eru þeir því orðnir 7,5 prósent. Verðbólga mælist 5,2 prósent, sem þýðir að forsendur kjarasamninga í haust eru í hættu. Fjármálaráðherra kallar eftir samstilltu átaki ríkis, vinnuveitenda og verkalýðshreyfingar - en varar við að þær yrðu ekki sársaukalausar. Halla Gunnarsdóttir, formaður VR og Þorsteinn Víglundsson, formaður Samtaka iðnaðarins. eru gestir Kastljóss.

Rauði liturinn er allsráðandi á legudeildum Landspítalans - sem þýðir að þær eru yfirfullar. Hjúkrunarfræðingur segir að að eitt sinn hefði mátt líkja ástandinu við snjóhengju - en nú sé hún fallin. Við fylgjumst með starfsfólki Landspítalans reyna að finna rúm fyrir sjúklinga.

Umræðu um þjóðaratkvæðagreiðslu um aðildarviðræður að ESB verður ekki haldið áfram á Alþingi fyrr en eftir páska. Þá kemur í ljós hvort atkvæðagreiðslan verði 29. ágúst eins og stefnt er að. Fram að því má búast við líflegum umræðum og ljóst er að almenningur hefur fjölmargar spurningar sem tengjast bæði atkvæðagreiðslunni og mögulegri aðild að ESB. Torgið næsta þriðjudag verður helgað þeim spurningum

Spurningakeppni framhaldsskólanna. Spurningahöfundar og dómarar eru Arnar Gunnarsson, Sigurlaugur Ingólfsson og Vilhjálmur Bragason. Spyrill er Helga Margrét Höskuldsdóttir. Stjórn útsendingar: Sturla Holm Skúlason.

Fjölbrautaskóli Suðurlands mætir Fjölbrautaskóla Vesturlands. Keppendur frá Fjölbrautaskóla Suðurlands: Valgeir Gestur Eysteinsson, Hjálmar Vilhelm Rúnarsson og Hrafnhildur Svava Hemmert Sigurðardóttir. Keppendur frá Fjölbrautarskóla Vesturlands: Ísólfur Darri Rúnarsson, Sunna Arnfinnsdóttir og Morten Ottesen.

Dönsk leikin þáttaröð frá 2024 byggð á sönnum atburðum. Kærustuparið Iben og Alex eru hluti af samfélagi ungra anarkista sem heldur til í Ungdómshúsinu á Norðurbrú í Kaupmannahöfn. Þegar borgin selur trúfélagi húsið og til stendur að rýma það grípaanarkistarnir í húsinu til aðgerða. Iben og Alex átta sig á að þau hafa ólíkar hugmyndir um hvaða aðferðum skal beita til að ná sínu fram. Aðalhlutverk: Thit Aaberg, Elias Budde Christensen og Sandra Guldberg Kampp. Þættirnir eru ekki við hæfi barna yngri en 12 ára.

Leikin þáttaröð um líf og störf lögreglumanna í Chicago. Aðalhlutverk: Jason Beghe, Jesse Lee Soffer og Tracy Spiridakos. Þættirnir eru ekki við hæfi barna yngri en 12 ára.

Heimildarmynd frá 2022 þar sem fjallað er um kvikmyndir byggðar á bókum spennusagnahöfundarins Stephens King. Frá árinu 1976 hafa yfir 50 leikstjórar aðlagað verk hans að hvíta tjaldinu. Leikstjóri: Daphné Baiwir. Myndin er ekki við hæfi barna yngri en 16 ára.