Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Áhersla æfinganna eru kvið- og bakæfingar sem eru gerðar sitjandi.

Norskir sérfræðingar standa neytendavaktina í fræðandi þáttaröð um heilsu, lífsstíl og neytendamál.

Bein útsending frá spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir. Spurningahöfundur og dómair: Stefán Pálsson. Stjórn útsendingar: Helgi Jóhannesson.

Í þessum þætti mætast lið Fljótsdalshéraðs og Árborgar.

Lið Fljótsdalshéraðs skipa Eyjólfur Þorkelsson læknir, Þorsteinn Bergsson sauðfjárbóndi og þýðandi og Björg Björnsdóttir verkefnastjóri sveitasjórnarmála á Austurlandi.

Lið Árborgar skipa Hrafnkell Guðnason viðskiptafræðingur hjá Háskólafélagi Suðurlands og hrossabóndi á Glóru í Flóahreppi, Gísli Þór Axelsson læknanemi og Ragnheiður Inga Sigurgeirsdóttir framhaldsskólanemi við Fjölbrautarskóla Suðurlands.

Íslensk þáttaröð í átta hlutum. Einlægar og opinskáar frásagnir fólks sem býr við aðstæður í daglegu lífi sem eru ólíkar öllu sem flestir eiga að venjast. Dagskrárgerð: Elín Sveinsdóttir. Framleiðsla: SERES hugverkasmiðja

Egill Skúlason er með MS og segir að jákvætt hugarfar, hrein fæða og heilsurækt geri honum kleift að lifa góðu og innihaldsríku lífi með sjúkdómnum.

Sænsk þáttaröð í þremur hlutum um mataræði og kúra. Í þáttunum er ferns konar mataræði prófað á fjórum pörum og fylgst með því hvaða áhrif mataræðið hefur á líkamlega heilsu þeirra.

Tónlistarþættir þar sem Jón Ólafsson píanóleikari spjallar við dægurlagahöfunda og tónlistarmenn og tekur með þeim lagið. Dagskrárgerð: Jón Egill Bergþórsson.

Gestur í þessum þætti er Valgeir Guðjónsson.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Ný sería um fjólubláa fílinn Fílsa sem lærir ýmislegt um allskonar mismunandi vélar.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Fjórða þáttaröðin um vinalega hundinn Sám og krílin sem vinna sér inn merki á leikskólanum hans.

Sammi brunavörður og félagar hans á slökkvistöðinni standa vaktina í Pollabæ.

Stutt innslög frá þeim Jasmín og Jómba þar sem þau tala um tónlist og tónfræði.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Krakkafréttir dagsins: 1. Fornleifar við Hlemm 2. Melaskóli sigraði í Svakalegu lestrarkeppninni

Embla segir Krakkafréttir.

Íslensk tónlistarmyndbönd.

Lag: Þannig týnist tíminn

Flytjandi: Lay Low (Lovísa Elísabet Sigrúnardóttir)

Höfundur: Bjartmar Guðlaugsson

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Elvar Örn Egilsson, Hjalti Stefánsson, Benedikt Nikulás Anes Ketilsson og Björgvin Kolbeinsson.

Í Landanum í kvöld kynnum við okkur hvernig Þykjó leikvellir eru hannaðir, við smíðum með feðgunum í Ými trésmiðju á Akureyri, hittum Bubbaunnendur og kynnumst sögu sundkýrinnar Sæunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Sigríður Björk Guðjónsdóttir ríkislögreglustjóri tilkynnti í morgun afsögn sína, tveimur vikum eftir að Spegillinn sagði frá viðskiptum embættisins við ráðgjafafyrirtækið Intra fyrir 160 milljónir á fimm ára tímabili. Sigríður hverfur til starfa í dómsmálaráðuneytinu. Þorbjörg Sigríður Gunnlaugsdóttir dómsmálaráðherra var gestur Kastljóss og ræddi afsögn lögreglustjórans og svigrúm ráðherra til að taka á málum embættismanna sem gerast uppvísir um ámælisverða framkomu.

Filippo Grandi hefur verið framkvæmdastjóri Flóttamannastofnunar Sameinuðu þjóðanna í áratug. Á þeim tíma hefur hann orðið vitni að tvöföldun á fjölda flóttafólks í heiminum. Hann lætur af embætti um áramót og segir skort á samstöðu meðal þjóða vera eitt helsta áhyggjuefni sitt. Við ræddum við framkvæmdastjórann, sem var staddur á Íslandi á dögunum.

Gráglettin finnsk glæpaþáttaröð um rannsóknarlögreglukonuna Mariu Pudas sem rannsakar glæpi í stærsta lögregluumdæmi heims, Lapplandi. Stuðst er við raunverulega glæpi sem gerst hafa á svæðinu í handriti þáttanna. Aðalhlutverk: Saara Kotkaniemi, Iina Kuustonen og Heikki Ranta. Þættirnir eru ekki við hæfi barna yngri en 16 ára.

Heimildarþættir frá 2023 í leikstjórn James Bluemel. Fjallað er um átökin á Norður-Írlandi sem stóðu yfir í meira en þrjátíu ár, eða þar til friðarsamningurinn var undirritaður árið 1998. Fólk frá öllum hliðum átakanna deilir persónulegum sögum frá þessum tíma. Þættirnir eru ekki við hæfi barna yngri en 12 ára.