24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.
Spurningakeppni sveitarfélaganna. Í þessum þætti mætast lið Fjarðabyggðar og Grindavíkur. Lið Grindavíkur skipa Agnar Steinarsson, Margrét Pálsdóttir og Daníel Pálmason. Lið Fjarðabyggðar skipa Jón Svanur Jóhannson, Guðmundur Rafnkell Gíslason og Kjartan Bragi Valgeirsson. Umsjónarmenn: Sigmar Guðmundsson og Þóra Arnórsdóttir. Spurningahöfundur og dómari: Ólafur B. Guðnason. Aðstoð við dagskrárgerð: Sigríður Þóra Ásgeirsdóttir. Dagskrárgerð: Helgi Jóhannesson.
Þættir frá árunum 1989-1990 í umsjón Jóns Gunnars Grjetarssonar. Kynntar eru helstu gönguleiðir á þeim stöðum sem heimsóttir eru. Stjórn upptöku: Björn Emilsson.
Íslenskir lífstíls- og matarþættir þar sem þeir Dóri DNA og Gunnar Karl Gíslason, Michelin-kokkur, ferðast um landið, kynnast áhugaverðu fólki og fræðast um menningu, listir, mat og nýsköpun í nýtingu auðlinda. Á leið sinni á hvern áfangastað safna þeir hráefnum sem Gunnar Karl nýtir til matreiðslu í lok hvers þáttar með dyggri aðstoð heimamanna. Leikstjórn: Hannes Þór Arason. Framleiðsla: Gamli Blakkur, Fígúra og Lilja Jóns.
Í þessum þætti fljúga Dóri og Gunnar Karl til Egilsstaða og koma meðal annars við í Neskaupstað á leið sinni á Borgarfjörð eystra. Á áfangastað kíkja þeir á lundahótel, fara á kajak og sanka að sér matvælum úr nánasta umhverfi fyrir veisluna sem haldin er á gömlu steinbryggjunni.
Þáttaröð þar sem heimur íslenskrar sögu og sagna er kannaður með því að skoða muni sem tengjast sérstökum atburðum í sögu þjóðarinnar. Umsjón: Viktoría Hermannsdóttir og Sigurður Helgi Pálmason. Framleiðsla: Republik.
Löngum hefur trú á álfa og huldufólk verið mikil á Íslandi. Í kirkju á Suðurlandi er að finna kaleik sem sagður er vera frá 14. öld. Sagan segir að kaleikurinn sé kominn frá álfum og gæddur slíkum töframætti að fólk gerði sér ferð í kirkjuna til að drekka af honum í von um bata. En hvaðan kemur þessi kaleikur og hefur hann töframátt? Kemur hann frá álfum eða gæti þetta jafnvel verið hinn heilagi kaleikur?
Heimildarmynd um merkan feril Davids Attenborough við gerð náttúrulífsmynda. Í myndinni er Attenborough fylgt eftir allt frá Galapagos-eyjum til fjalla Kanada og frumskóga Borneó.
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Stutt innslög frá þeim Jasmín og Jómba þar sem þau tala um tónlist og tónfræði.
Símon er hress og skemmtileg kanína sem tekst á við alls kyns áskoranir og lærir af mistökum sínum.
Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.
Fjórða þáttaröðin um vinalega hundinn Sám og krílin sem vinna sér inn merki á leikskólanum hans.
Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.
Krakkafréttir dagsins: 1. Leó XIV fyrsti páfi frá Bandaríkjunum 2. Fjarsjóðsfundur í Kópavogi 2. VÆB leggja af stað til Basel
Íþróttafréttir.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Húsnæðis- og mannvirkjastofnun vill draga úr göllum á nýbyggingum og stórauka vernd kaupenda sem sitja oft uppi með kostnaðinn ef bygging reynist gölluð. Stofnunin kynnti breytingarnar á byggingareftirliti í morgun. Gestir Kastljós eru Anna Guðmunda Ingvarsdóttir, aðstoðarforstjóri Húsnæðis- og mannvirkjastofnunar og Þórdís Sigurðardóttir framkvæmdastjóri sviðs mannvirkja- og sjálfbærni hjá HMS.
Það ríkir mikil gleði í Basel í Sviss, þar sem fyrri undankeppni Eurovision er annað kvöld. Ísland stígur fyrst þjóða á svið þegar VÆB flytur lagið Róa. Undirbúningur íslenska hópsins hefur gengið vel. Opnunarhátíð keppninnar var í gær og fjölmiðlar gátu rætt við keppendur.
Þættir þar sem við fylgjumst með ferðalagi íslenska hópsins á Eurovision í Basel. VÆB-bræðurnir Hálfdán Helgi og Matthías Davíð Matthíassynir og félagar þeirra í íslenska atriðinu kynnast lífinu í Basel og umstanginu í kringum keppnina. Umsjón: Gunnar Birgisson. Stjórn upptöku: Árni Beinteinn Árnason.
Heimildarþáttaröð frá BBC þar sem Michael Mosley hittir fólk víða um heim sem virðist hafa fundið leiðir til að hægja á öldrun sinni og rannsakar vísindin á bak við fullyrðingar þeirra.
Sænskir þættir þar sem litið er heim til þekktra hönnuða í Svíþjóð. Arkitektar, listafólk, steinsmiðir og húsgagnahönnuðir sýna hvernig þau skapa sér einstök og áhugaverð heimili.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Þingmenn settu met í fyrstu umræðu um veiðigjöld, sem var vísað í atvinnuveganefnd í dag, og ljóst að slagurinn um gjöldin er hvergi nærri búin. Þá bíða fleiri mál afgreiðslu. Ríkisstjórnin ætlar að taka hin umdeildu búvörulög úr gildi og kílómetragjald verður lagt á bensín- og díselbíla. Og svo eru það auðvitað alþjóðamálin.
Við förum yfir sviðið með þeim Gylfa Ólafssyni, bæjarfulltrúa í Ísafjarðarbæ, Margréti Ágústu Sigurðardóttur, framkvæmdastjóra Bændasamtakanna, Ólínu Kjerúlf Þorvarðardóttur, prófessor og deildarforseta við Háskólann á Bifröst, og Sigtryggi Magnasyni, forstöðumanni hjá Samtökum atvinnulífsins.
Breskir heimildarþættir sem skoða kvikmyndasöguna í gegnum linsu kvikmyndagerðakvenna. Þættirnir skiptast í 40 kafla sem taka fyrir ólíkar hliðar kvikmyndagerðar og eingöngu er stuðst við dæmi úr kvikmyndum sem konur leikstýra. Sögukonur eru Tilda Swinton, Jane Fonda, Debra Winger, Adjoa Andoh, Kerry Fox, Thandie Newton og Sharmila Tagore. Leikstjóri: Mark Cousins. Þættirnir eru ekki við hæfi barna yngri en 12 ára.
