Beinar útsendingar frá HM í alpagreinum.

Keppni í bruni í alpatvíkeppni liða karla á HM í alpagreinum.

Sænskur heimildarþáttur um ungt par sem stígur sín fyrstu skref í foreldrahlutverkinu. Kit var ungur og einhleypur þegar hann fékk skyndilega þær fréttir að hann yrði brátt pabbi. Í þættinum fylgjumst við með Kit og Filippu fyrsta árið í lífi barnsins og sjáum hvaða áskoranir geta fylgt því að eignast barn saman þegar fólk þekkist ekki vel.

Beinar útsendingar frá HM í alpagreinum.

Keppni í svigi í alpatvíkeppni liða karla á HM í alpagreinum.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Almennar æfingar. Bæði sitjandi og standandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Snædís Ósk Aðalsteinsdóttir afreksfótboltakona veiktist af átröskun og var vart hugað líf um tíma. Hún náði undraverðum bata með hjálp sérfræðinga og fjölskyldu. Elín Vigdís Guðmundsdóttir, formaður SÁTT og Lára Hafliðadóttir, doktorsnemi í líkamlegri þjálfun knattspyrnukvenna og sérfræðingur hjá KSÍ ræða úrræði og fyrirbyggjandi aðgerðir. Magnús Geir Þórðarson leikstýrir verkinu Heim sem er nú á fjölum Þjóðleikhúss, meðal annarra með Sigurð Sigurjónsson og Margréti í hlutverkum.

24 stærstu bæjarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.

Í þetta skiptið eigast við lið Akureyrar og Garðabæjar. Í liði Akureyringa eru Arnbjörg Hlíf Valsdóttir, Pálmi Óskarsson og Finnur Friðriksson og lið Garðabæjar skipa Vilhjálmur Bjarnason, Ólöf Ýrr Atladóttir og Einar Sveinbjörnsson.

30 ára ferill Spaugstofunnar og þeirra sem stóðu á bak við hana rakinn í upprifjun á gömlu sjónvarpsefni, viðtölum við mennina á bak við þættina og fjölmarga aðra sem tengdust þeim, birtust í þeim eða voru fórnarlömb þeirra. Umsjón: Gísli Marteinn Baldursson. Dagskrárgerð: Eiríkur Ingi Böðvarsson.

Viðtals- og tónlistarþáttaröð í umsjón Jóns Ólafssonar. Jón fær til sín ýmsa tónlistarmenn í spjall og saman laða þeir fram ljúfa tóna. Dagskrárgerð: Jón Egill Bergþórsson.

Sænsk þáttaröð þar sem við fylgjumst með sænskri fjölskyldu gera upp gamalt hús á Sikiley.

Stuttir þættir þar sem áhorfendur fá ráð um hvernig hægt er að endurnýta gamla hluti og gæða þá nýju lífi.

Kvikmyndatökumaðurinn Gordon Buchanan hannar búnað með hjálp vísindamanna sem gerir dýrunum kleift að taka sjálf upp þættina.

Daglegt líf Hælbein fjölskyldunnar gengur sinn vanagang. Hins vegar er enginn dagur eins þegar Blæja og Bára eiga í hlut.

Háværa ljónið Urri og félagar ferðast í gegnum frumskóginn. Á leiðinni lenda þau í skemmtilegum ævintýrum og þurfa að takast á við áskoranir og leita lausna í sameiningu.

Mörgæsirnar Haddi og Bibbi haga sínu lífi eftir F-unum þremur. Fjör, fiskur og félagsskapur.

Trúðurinn Barbara (Halldóra Geirharðsdóttir) kynnir lífsspeki sína.

Barbara (Halldóra Geirharðsdóttir) talar um mistök.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Krakkafréttir dagsins: 1. Eldgos gæti brátt hafist aftur 2. Hver vill vera prinsessa?

Íslensk tónlistarmyndbönd.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Aðeins ein flugbraut er opin á Reykjavíkurflugvelli eftir að Samgöngustofa lét Isavia loka annarri brautinni, þar sem 1400 tré í Öskjuhlíð séu orðin hættulega há og ógni aðflugi. Jón Gunnar Jónsson forstjóri Samgöngustofu er gestur Kastljóss í kvöld.

Fadia Redwan og Ahmed Almam-louk flúðu hingað til lands í öruggt skjól frá stríðinu á Gaza. Fjölskylda Fadiu fylgdi á eftir og Ahmed biðu verri örlög því eiginkona hans og fjögur ung börn þeirra voru myrt í loftárás. Saga þeirra beggja er sögð í útvarpsleikhússverkinu Þau sjá okkur ekki í myrkrinu.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Handhafar Íslensku bókmenntaverðlaunanna eru í sviðsljósinu í Kilju vikunnar. Guðjón Friðriksson kemur í þáttinn, klyfjaður sagnfræðiritum sem hann hefur skrifað - þau munu vera meira en þrjátíu talsins, enginn hefur fengið bókmenntaverðlaunin oftar en hann, nefnilega fjórum sinnum. Við hittum Kristínu Ómarsdóttur, verðlaunahafa í fagurbókmenntum, á heimili hennar við Vesturgötu. Og svo er enn einn verðlaunahafi, Anna Rós Árnadóttir, sem hreppti Ljóðstaf Jóns úr Vör fyrir kvæði sem nefnist Skeljar. Í Bókum og stöðum förum við vestur á Snæfjallaströnd og segjum frá lækninum og tónskáldinu Sigvalda Kaldalóns og líka skáldkonunni Höllu Eyjólfsdóttur sem þar bjó og orti meðal annars ljóð við lag Sigvalda Ég lít í anda liðna tíð. Gagnrýnendur þáttarins fjalla um þrjár spennusögur: Týndur eftir Ragnheiði Gestsdóttur, Völundur eftir Steindór Ívarsson og Lygin eftir færeyska höfundinn Eyðun Klakstein.

Finnskir spennuþættir frá 2024. Þegar lest keyrir út af sporinu og veldur sprengingu í smábæ í Finnlandi fær Marita Kaila það hlutverk að leiða rannsókn á tildrögum slyssins. En rannsóknin dregur líka fram erfiðar minningar úr hennar eigin fortíð. Aðalhlutverk: Leena Pöysti, Mikko Kauppila og Juho Milonoff. Þættirnir eru ekki við hæfi barna yngri en 16 ára.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Frönsk heimildarmynd um Deep Throat, fyrstu klámmyndina sem fékk almenna dreifingu í kvikmyndahúsum. Aðalleikkonan, Linda Lovelace, varð fyrsta klámmyndastjarnan en bjó um leið við hótanir og ofbeldi. Leikstjóri: Agnès Poirier. Myndin er ekki við hæfi barna yngri en 16 ára.

Breskir heimildarþættir frá 2022. Louis Theroux snýr aftur til Bandaríkjanna til að kanna áhrif internetsins og samfélagsmiðla á fólk í umdeildustu kimum samfélagsins. Þættirnir eru ekki við hæfi barna yngri en 12 ára.