Bursti er forvitinn og þrjóskur broddgöltur sem býr þar sem litlir hlutir eru stórir.

Vinirnir Begga og Fress leika sér að tölum og leysa saman ýmsar þrautir og gátur.

Teiknimyndaþættir um litlu lundasystkinin Únu og Bubba sem búa á eyjunni Lundakletti. Þau lenda sífellt í nýjum ævintýrum með vinum sínum á eyjunni.

Fjörugir teiknimyndaþættir um ref, tvö villisvín og fugl sem eru orðin þreytt á að lifa villt í náttúrunni og verða sér úti um búninga til að dulbúast sem venjuleg gæludýr.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Emilía uppgötvar að litli rauði hvolpurinn hennar að nafni Kátur hefur vaxið um þrjá metra á einni nóttu.

Daglega lífið hjá Hælbein fjölskyldunni heldur áfram sinn vanagang. En þegar Blæja og Bára eiga í hlut þá er enginn dagur rólegur.

Tillý býr í gulu húsi með fimm góðum vinum. Krókódíl, svíni, hænu, fíl og kanínu. Þau sýna og sanna að vináttan er það besta í heimi.

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Glæný sería þar sem Róbert og hvolparnir mæta nýjum áskorunum og sanna enn og aftur að ekkert verkefni er of stórt fyrir litla hvolpa.

Víkingur Heiðar Ólafsson og Halla Oddný Magnúsdóttir leiða áhorfendur í tali og tónum um töfraheima sígildrar tónlistar. Þau spjalla á léttu nótunum um tónlist frá ýmsum tímum auk þess sem Víkingur leikur verk af nýlegum hljómplötum sínum á sviði Eldborgar í Hörpu.

Bein útsending frá árlegum nýárstónleikum Sinfóníuhljómsveitar Vínarborgar, sem tileinkaðir eru Strauss-fjölskyldunni. Stjórnandi hljómsveitarinnar er Christian Thielemann.

Myndband við lagið Frelsisvor eftir Ómar Ragnarsson með ljósmyndum Friðþjófs Helgasonar. Söngur: Hera Björk Þórhallsdóttir og Gissur Páll Gissurarson. Hljóðfæraleikur: Vilhjálmur Guðjónsson.

Fréttastofa RÚV rifjar upp helstu fréttir ársins sem er að líða af innlendum og erlendum vettvangi. Umsjón: Alma Ómarsdóttir, Ólöf Ragnarsdóttir og Rúnar Ingi Garðarsson.

Íþróttafréttamenn RÚV fara yfir það sem bar hæst á íþróttaárinu 2023.

Upptaka frá tónleikum Víkings Heiðars í Hörpu í nóvember 2021 í tilefni af útgáfu fjórðu einleiksplötu hans hjá Deutsche Grammophon, Mozart & Contemporaries. Á efnisskránni eru verk eftir Wolfgang Amadeus Mozart.

Bandarísk fjölskyldumynd frá 2014 í leikstjórn Dave Green. Hópur ungmenna fær dulkóðuð skilaboð í símana sína. Þau halda í leiðangur í leit að sendandanum og finna litla geimveru sem þarfnast aðstoðar þeirra. Aðalhlutverk: Teo Halm, Astro og Reese Hartwig.

Helstu fréttir dagsins af innlendum og erlendum vettvangi. Alla daga, árið um kring.

Veðurfréttir.

Íslensk heimildarmynd um þríbura. Hanna Björk Hilmarsdóttir og Arnar Long Jónsson eiga von á þríburum. Fyrir eiga þau rúmlega ársgamlan dreng. Við fáum að vera fluga á vegg í lífi fjölskyldunnar sem tekst á við margvíslegar áskoranir og fær óvæntan bónusglaðning í miðri á. Við skyggnumst líka inn í líf þríbura á öllum aldri, sjáum skemmtileg myndskeið og veltum fyrir okkur hvernig sé að alast upp sem þríburi.

Íslensk þáttaröð í leikstjórn Arnórs Pálma Arnarsonar. Hekla hefur verið inn og út af meðferðarstofnunum frá unglingsaldri. Þegar hún missir forræði yfir dóttur sinni gerir hún tilraun til að halda sig á beinu brautinni með því að skrá sig í Hússtjórnarskólann í Reykjavík. Meðal leikenda eru Ebba Katrín Finnsdóttir, Edda Björgvinsdóttir og Katla Þórudóttir Njálsdóttir.

Hekla byrjar í Hússtjórnarskólanum í Reykjavík tveimur vikum eftir skólasetningu. Draugar fortíðar banka upp á.

Íslensk kvikmynd frá 2023 í leikstjórn Elsu Maríu Jakobsdóttur. Í matarboði í Vesturbænum ákveða sjö vinir að fara í stórhættulegan samkvæmisleik. Viðstaddir leggja símana á borðið og fallast á að öll símtöl og skilaboð sem berast verði deilt með samkomunni til að sanna að ekkert þeirra hafi nokkuð að fela. Aðalhlutverk: Hilmir Snær Guðnason, Nína Dögg Filippusdóttir, Gísli Örn Garðarsson, Þuríður Blær Jóhannsdóttir, Björn Hlynur Haraldsson, Aníta Briem og Hilmar Guðjónsson. Myndin er ekki við hæfi barna yngri en 12 ára. Myndin er sýnd á sama tíma á RÚV 2 með enskum texta.

Myndin er hluti af þemanu Konur í kvikmyndagerð.

Dönsk Óskarsverðlaunamynd frá 2020 í leikstjórn Thomas Vinterberg. Fjórir vinir, sem allir eru menntaskólakennarar, ákveða að sannreyna kenninguna um að fólki gangi betur í lífinu ef það er alltaf með örlítið áfengismagn í blóðinu. Myndin var valin besta myndin á Evrópsku kvikmyndaverðlaununum 2020. Aðalhlutverk: Mads Mikkelsen, Thomas Bo Larsen, Magnus Millang og Lars Ranthe. Myndin er ekki við hæfi barna yngri en 12 ára.