Barack Obama Bandaríkjaforseti á nú í vök að verjast á nokkrum vígstöðvum og repúblikanar á Bandaríkjaþingi hugsa sér gott til glóðarinnar að þjarma enn frekar að forsetanum. Reyndar er líka sótt að honum af vinstri vængnum þó gagnrýnin sé harðari frá hinum hefðbundnu andstæðingum.
Lesa meira

Fyrir kosningar á Grænlandi 12. mars mátti skilja á þarlendum stjórnmálamönnum að kosningarnar stæðu um hvaða flokkur ætti að stýra gríðarlegum námuverkefnum í landinu og tilheyrandi ofurtekjum af þeim. Samkvæmt síðustu fréttum bendir hins vegar allt til þess að glæstar framtíðarhorfur hafi verið rækilega ofmetnar, meðal annars af því Kínverjar sýni landinu ekki þann áhuga sem búist var við. En hvað segir þetta um áhuga Kínverja á Norðurslóðum og þá líka á Íslandi?
Lesa meira

Undirmálslán hafa ekki verið vandamál í Bretlandi en fjármálaeftirlitið breska varar nú við hættu sem svokölluðu vaxtagreiðslulán geti valdið. Þá eru aðeins greiddir vextir á líftíma lánsins og höfuðstóllinn síðan greiddur á gjalddaga. Þetta voru algengustu lánin 2007 ýmislegt sem tíðkaðist í bankakerfinu 2007 hefur ekki staðist tímans tönn, ekki aðeins á Íslandi heldur einnig víðar. Breska fjármálaeftirlitið, Financial Conduct Authority, hefur nú varað við húsnæðislánum sem voru algengustu lánin 2007. Um er að ræða lán þar sem aðeins eru greiddir vextir á lánstímanum en höfuðstóllinn er síðan greiddur í lokin, oft með fjárfestingu sem átti að borga upp lánið. Athugun fjármálaeftirlitsins breska sýnir að það vantar mikið upp á að lántakar hafi almennilega skilið hvað fólst í þessum lánum. Ráðgjöf húsnæðislánafyrirtækja var slök og þessi lán voru seld mörgum sem höfðu ekki forsendur til að taka þessi lán.
Lesa meira

Kvikmyndahátíðin í Cannes brestur á með látum í þessari viku. Helstu stjörnur og snillingar kvikmyndaheimsins mæta til leiks og keppa m.a. um Gullpálmann, ein eftirsóttustu kvikmyndaverðlaun heims; en það er ýmislegt fleira í gangi.
Lesa meira

David Cameron forsætisráðherra Breta vonaðist til að hafa afgreitt kröfur um þjóðaratkvæðagreiðslu um áframhaldandi aðild að Evrópusambandinu. En velgengni hægri sinnaðs flokks í bæjar- og sveitastjórnarkosningum í Englandi og grein eftir fyrrum breskan fjármálaráðherra hefur aftur vakið málið upp aftur. Cameron á í stöðugri glímu við þingmenn og flokksmenn, andsnúna Evrópusambandinu. Eftir að lofa þjóðaratkvæði um aðild á næsta kjörtímabili vonaðist Cameron til að málið gufaði upp. En velgengni UKIP, hægriflokks sem er andsnúinn ESB, í bæjar- og sveitastjórnarkosningum í síðustu viku og svo grein eftir Nigel Lawson fjármálaráðherra í stjórn Margaret Thatchers hefur aftur vakið upp ESB-umræður í Íhaldsflokknum. Spurningin er hvort Íhaldsflokkurinn elti UKIP til hægri – og láti þá Verkamannaflokknum eftir gjöfula miðjuna á vettvangi stjórnmálanna.
Lesa meira

Þegar Vorblótið var frumflutt þann þann 29. maí 1913, í Champ-Élysées leikhúsinu í París varð fjandinn laus. Áhorfendur gerðu köll að dönsurum og hljóðfæraleikurum, fólk ærðist, stóð upp og sumir slógust. Þetta varð einhver magnaðasti listgjörningur sögunnar, og hefur ratað í sögu- og fræðibækur, kvikmyndir og skáldsögur. Þetta örlagaríka kvöld varð evrópskri listahefð nítjándu aldar kollvarpað, tónlist tuttugustu aldar var fædd, með forboðum um það sem koma skyldi á þeirri viðburðaríku öld. Allt var breytt
Lesa meira

Á sama tíma og Írakar glíma við afleiðingar afdrifaríkrar ákvörðunar fyrir réttum áratug stefnir í að Líbíumenn ætli að gera nákvæmlega sömu mistökin.
Lesa meira

Ólíkt íslenska ríkinu og mörgum löndum Evrópusambandsins er sænski ríkissjóðurinn á grænni grein. Skuldirnar eru lágar, tekjurnar stöðugar og bankakreppan hafði frekar lítil áhrif á ríkissjóð. Samt sem áður styðja allir stjórnmálaflokkar reglu sem kveður á um að ríkissjóður verði að skila afgangi. Það er sem sagt til peningur í ríkiskassanum, en flokkarnir neita að eyða honum.
Lesa meira

Það er oft talað um að kröfuhafar gömlu bankanna eigi mikið undir að gjaldeyrishöftunum verði aflétt. En kannski liggur íslenskum aðilum líka á að geta losað aflandskrónueignir. Eitt brýnasta verkefni nýrrar stjórnar verður að finna leið til að losa um gjaldeyrishöftin svo hægt verði að endurfjármagna lán. Það eru margar skoðanir á því hvernig aflétta megi gjaldeyrishöftunum, hver vandinn sé eiginlega og hvernig best sé að taka á honum. Einnig hvort þarna séu eignir sem ríkissjóður geti sótt í. Það eru ýmsar kenningar á gangi, sumar bæði rangar og óraunhæfar og þá einnig um hverjum liggi mest á að semja um búin og aflétta höftum.
Lesa meira

Í augum erlendra fjölmiðla sýna niðurstöður kosninganna á Íslandi að Íslendingar hafa aðeins skammtíma minni, kveljast undir niðurskurði og að ESB-andstaðan er skýr. Kosningarnar á Íslandi hafa hlotið mikla umfjöllun erlendis. Fjöldi erlendra fjölmiðla sendu fréttamenn til Íslands til að fylgjast með kosningabaráttunni eða höfðu samband til að fylgjast með úrslitunum. En hvað er það sem erlendir fjölmiðlar höggva helst eftir? Útsýnið að utan er ekki það sama og innanlands.
Lesa meira