ruv.is

Auglýst eftir starfsmönnum í Hörpu

Auglýst er efir tveimur tæknistjórum tónlistar- og ráðstefnuhússins Hörpu í Reykjavík. Rekstrarfélagið Ago ehf., sem sjá á um rekstur hússins, auglýsir eftir yfirmanni ljósadeildar og yfirmanni hljóðvistar í húsinu.

Winslet mætir ekki á frumsýningu

Breska leikkonan Kate Winslet verður ekki viðstödd frumsýningu íslensku heimildarmyndarinnar Sólskinsdregurinn í New York á mánudaginn að því er fram kemur á fréttavef breska slúðurritsins OK. Þar segir að Winslet, sem er sögðumaðurinn í alþjóðaútgáfu myndarinnar, hafi látið taka sig af gestalistanum. Það geri hún af persónulegum ástæðum, en tilkynnt var fyrir helgi að Winslet og eiginmaður hennar, breski kvikmyndaleikstjórinn Sam Mendes, væru að skilja.

Illmenni á svið

Leikrit um galdramanninn Svein skotta Björnsson var frumsýnt á Ísafirði í gær. Lítið hefur farið fyrir honum frá því hann var hengdur fyrir rúmum 350 árum.

Amanpour færir sig yfir til ABC

Christiane Amanpour, einn alþekktasti fréttamaður og fréttaskýrandi CNN sjónvarpsstöðvarinnar, hefur ákveðið vistaskipti. Hún færir sig yfir til bandarísku sjónvarpsstöðvarinnar ABC og hefur störf þar í ágúst.

Handklæði og sápa nýir minjagripir

Sápa og handklæði sem minna á heitu pottana í Laugardal í Reykjavík sigruðu í samkeppni sem Hönnunarmiðstöð og Höfuðborgarstofa efndu til um nýjan minjagrip til að selja í Reykjavík. Tilkynnt var um úrslitin í dag.

Gauragangur frumsýndur í kvöld

Gauragangur eftir Ólaf Hauk Símonarson verður frumsýndur í Borgarleikhúsinu í kvöld. Kvikmynd eftir sögunni er í bígerð. ZikZak framleiðir og er áætlað að tökur hefjist í byrjun sumars.

Sinfónían sextug

Um 200 manns stíga á svið í Háskólabíói í kvöld, en þá efnir Sinfóníuhljómsveit Íslands til hátíðartónleika, í tilefni af 60 ára afmæli hljómsveitarinnar. Hljómsveitin hélt sína fyrstu tónleika í Austurbæjarbíói 9. mars 1950.

Yfir 100 viðburðir á HönnunarMars

Hönnunarhátíðin HönnunarMars hefst í dag og stendur fram á sunnudag. Yfir hundrað viðburðir verða í boði á höfuðborgarsvæðinu, þar sem kynntir verða nýjustu straumar og stefnur í íslenskri hönnun.

Frönskum fjölbreytileika fagnað

Hátíð franskrar tungu hefst í dag. Á hátíðinni verður fagnað þeim fjölbreytileika sem felst í öllum þeim mismunandi menningarheimum þar sem franskan er töluð, en franska er móðurmál tvö hundruð milljóna manna í sjötíu löndum.

Hollywood útgáfur af Larsson

Bandaríska kvikmyndafyrirtækið Columbia hefur keypt réttinn til að gera Hollywood-útgáfurnar á Millenium-þríleik sænska glæpasagnahöfundarins Stieg Larsson.

Skiptar skoðanir um æsku og elli

Skiptar skoðanir eru um það meðal þjóða heimsins hvenær fólk hættir að vera ungt og hvenær það verður gamalt. Meðaltal könnunar European Social Survey, sem náði til 21 þjóðar í Evrópu, leiðir í ljós að fólk hættir að vera ungt, þegar það nær 38 ára aldri og telst verða gamalt þegar það verður 58 ára.

Franska spítalanum breytt í hótel

Sögufrægt en niðurnítt hús í utanverðum Fáskrúðsfirði verður að líkindum orðið að glæsihóteli innan fárra ára. Til stendur að flytja húsið fjöl fyrir fjöl á upprunalegar slóðir inni í þorpinu en það hefur staðið autt og yfirgefið í nær hálfa öld.

Fílahjörð á röltinu í Washington

Það er ekki á hverjum degi sem fílahjörð sést á rölti fyrir utan þinghúsið í Washington. Það var þó einmitt það sem borgarbúar urðu vitni að í gær.

Björk aftur í kvikmyndirnar?

Björk Guðmundsdóttir hefur ekki sagt skilið við kvikmyndirnar, ef marka má viðtal við franska kvikmyndaleikstjórann Michel Gondry, á South by Southwest kvikmyndahátíðinni, sem nú stendur yfir í Texas í Bandaríkjunum. Gondry, sem líklega er þekktastur fyrir mynd sína Eternal Sunshine of the Spotless Mind, segir í bígerð samvinnuverkefni hans og söngkonunnar. Hann lýsir því sem nokkurs konar vísindasöngleik, sem ef til vill muni eiga betur heima á listasöfnum en í kvikmyndahúsum. Hann segist hlakka mikið til að vinna aftur með Björk, en þau Björk og Gondry hafa unnið saman að þó nokkrum verkefnum í gegnum tíðina.

Kim Larsen sendir frá sér plötu

Kim Larsen ætlar á næstunni að senda frá sér einherjaplötuna Dömur mínar og herrar. Þetta er í fyrsta sinn í þrjátíu og sjö ár sem listamaðurinn vinnur lög á hljómplötu, án þess að hafa hljómsveit sér til fulltingis, að því er segir í frétt frá menningardeild danska ríkisútvarpsins. Það sem meira er: Kim leikur á nánast öll hljóðfærin sem heyrist í á nýju plötunni.

Loftslagsátak með hjólreiðum

Hjólreiðar eru ein umhverfisvænasta leið mannfólksins til að komast á milli staða og eru Danir á meðal hjólaglöðustu þjóða heims. Nú hafa þeir ýtt úr vör nýju loftslagsátaki - Challenge 16 - í tengslum við næsta fund Sameinuðu þjóðanna um loftslagsmál, sem haldinn verður í Mexíkó í árslok. Fyrir hverja 16 hjólreiðamenn sem skrá sig til leiks verður gróðursett eitt tré og ættu Danir því að vera komnir með álitlegan hjólaskóg í haust. Átakið hófst í gær og stendur til 16. nóvember.

Bíósýning til styrktar Stígamótum

Efnt verður til styrktarsýningar á kvikmyndinni Precious í Háskólabíói miðvikudag klukkan 20. Aðgangseyrir rennur óskiptur til Stígamóta, en samtökin héldu nýverið upp á 20 ára starfsafmæli.

ABBA tekin í Frægðarhöll rokksins

Sænska hljómsveitin ABBA var í gærkvöld valin í Rock and Roll Hall of Fame, Frægðarhöll rokksins, við athöfn í New York.

Aurora veitir 100 milljónir í styrk

Brúðuheimar í Borgarnesi, lista- og menningarmiðstöð, fá 15 milljónir króna úr Auroru velgjörðarsjóði. Sjóðurinn tilkynnti í dag um úthlutun alls 100 milljóna til fjögurra verkefna á Íslandi og í Afríku. Þrjú verkefnanna fá nú styrk úr sjóðnum í annað eða þriðja sinn; Hönnunarsjóður Auroru fær 25 milljónir, Kraumur - tónlistarstjóður Auroru fær tuttugu milljónir og menntaverkefni í Síerra Leóne fær 40 milljónir króna.

Verk sagt vera eftir Shakespeare

Breskir sérfræðingar telja hafið yfir allan vafa að leikritið Tvöföld ósannindi, Double falsehood, sem leikhúsmaður einn reyndi að fá sviðsett fyrir 300 árum, sé að miklu leyti höfundarverk sjálfs Williams Shakespeares. Brean Hammond, prófessor við Nottinghamháskóla, og ritstjóri Ardenútgáfunnar á verkum Shakespeares, er svo viss í sinni sök að hann lætur leikritið fylgja með í nýrri útgáfu á ritsafni skáldsins. Hammond telur Tvöföld ósannindi samvinnuverk Shakespears og Johns Fletchers, annars leikskálds sem fór mikinn í upphafi 17. aldar. Meistaratök Shakespeares leyni sér ekki, fyrstu tveir þættirnir, og fyrstu tvö atriði þriðja þáttar, séu örugglega eftir hann.