Vilja fá BBC aftur á dagskrá á Íslandi

Mynd: Petition.org.


  • Prenta
  • Senda frétt

Stofnað hefur verið til undirskriftalista á síðunni Petition.org þar sem skorað er á fjölmiðlasamsteypuna 365 að hefja aftur útsendingu á alþjóðlegri útgáfu breska ríkisútvarpsins, BBC World Service.

Aðdáendum útvarpsstöðvarinnar  á Íslandi brá í brún í síðustu viku þegar ekkert heyrðist á tíðni stöðvarinnar, FM 94.3, en síðar kom í ljós að 365 hafði ákveðið að endurnýja ekki útsendingarleyfið við BBC. Ákvörðunin byggðist á því að engar tekjur væru af stöðinni og þá væri aðgengi að þjónustu BBC ágætt í gegnum netið. Þegar þetta er skrifað er búið að safna tæpum 200 undirskriftum.

Hér má sjá áskorunina hjá petition.org.

Ertu með athugasemd vegna fréttarinnar? Sendu á frettir@ruv.is

Tilkynna um bilaða upptöku