Víkingur Ólafsvík vann Fjölni
Fimm leikir voru á dagskrá í 12. umferð 1. deildar karla í knattspyrnu í dag.
Víkingur Ólafsvík lagði Fjölni 2-1 í Grafarvogi. Guðmundur Magnússon og Eldar Masic skoruðu mörk Víkinga en Ómar Hákonarson var með mark heimamanna.
Víkingur Reykjavík vann BÍ/Bolungarvík 3-0 í Fossvogi. Aaron Spear skoraði tvö marka Víkings og Evan Schwartz eitt mark.
KA sigraði ÍR örugglega 5-1 á Akureyri. Hallgrímur Mar Steingrímsson gerði tvö marka norðanmanna og þeir Gunnar Valur Gunnarsson, David Disztl og Davíð Rúnar Bjarnason skoruðu allir eitt mark en Trausti Björn Ríkharðsson var með mark ÍR-inga.
Haukar unnu Tindastól 1-0 á Sauðárkróki. Magnús Páll Gunnarsson skoraði mark gestanna.
Loks gerðu Höttur og Þróttur Reykjavík markalaust jafntefli fyrir austan.
Umferðinni lýkur með leik Leiknis úr Reykjavík og Þórs frá Akureyri í Breiðholti á morgun.
Ertu með athugasemd vegna fréttarinnar? Sendu á frettir@ruv.is
