Tugir manna fögnuðu Vilborgu í Leifsstöð

28.01.2013 - 00:22
Mynd með færslu
Suðurpólsfaranum Vilborgu Örnu Gissurardóttir var tekið með kostum og kynjum þegar hún kom til landsins á miðnætti eftir tæplega þriggja mánaða leiðangur á syðsta punkt jarðar, en þangað gekk hún fyrst íslenska kvenna.

Vilborg gekk í 60 daga ein um Suðurskautslandið og komst á pólinn 17. janúar.

Vilborg Arna dvaldist í Síle síðustu daga.

Með göngunni safnaði hún áheitum fyrir Líf styrktarfélag Kvennadeildar Landspítalans. Rúmar ellefu milljónir króna hafa safnast.

Styrktarfélagið mun standa fyrir móttökuhátíð fyrir Vilborgu að viku liðinni í Hörpu.

Þar verður almenningi boðið að fagna afreki Vilborgar, heilsa upp á hana og skoða búnað hennar.