Þjálfari Slóvakíu sagði upp störfum
Fyrst birt: 24.01.2012 13:32, Síðast uppfært: 24.01.2012 13:32
Slóvakar töpuðu fyrir Dönum í fyrsta leik sínum í A-riðli
Þjálfari karlalandsliðs Slóvakíu, Zoltán Heister, hefur sagt upp störfum eftir slakan árangur liðsins á Evrópumótinu í handknattleik í Serbíu.
Slóvakar, sem léku í A-riðli, gerðu jafntefli við Serbíu 21-21 en töpuðu fyrir Danmörku 30-25 og Póllandi 41-24. Liðið hafnaði neðsta sæti riðilsins með eitt stig og komst ekki áfram í milliriðla.
Stigið sem Slóvakar fengu gegn Serbum er þeirra fyrsta stig á Evrópumóti í handknattleik frá upphafi en þetta var í þriðja skipti sem Slóvakar taka þátt á EM.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
