„Tapaður tími og glötuð tækifæri“

15.02.2016 - 06:30
Mynd með færslu
 Mynd: Háskóli Íslands
Tapaður tími þar til Hús íslenskra fræða rís er sama og glötuð tækifæri fyrir íslenska menningu og íslenska tungu, segir Guðrún Nordal, forstöðumaður stofnunar Árna Magnússonar, í aðsendri grein í Fréttablaðinu í dag.

 Þar bendir hún á að í Árnastofnun sé engin aðstaða til sýningar á handritum þjóðarinnar eða íslenskri miðaldamenningu. Sýning sem haldin var í tilefni af 350 ára afmæli Árna Magnússonar árið 2013 í Þjóðmenningarhúsi var lokað síðar sama ár. Guðrún segir að þegar handritunum var búinn staður í Árnastofnun fyrir 45 árum hafi ekki verið gert ráð fyrir sýningaraðstöðu, heldur höfuðáhersla verið lögð á varðveislu og rannsóknir.

Framkvæmdir við Hús íslenskra fræða, þar sem meðal annars stóð til að sýna handritin, hafi nú legið niðri í þrjú ár og hvergi hægt að sjá Konungsbók eddukvæða og helstu handrit þjóðarinnar á sýningu í Reykjavík, bókmenntaborg UNESCO. Hún líkir stöðunni við að fá ekki tækifæri til að skoða Akrópólís í heimsókn til Aþenu. 

 


Deila frétt



15.02.2016 - 06:30