Sögu Fokker vélanna hjá FÍ lýkur

21.04.2017 - 09:42
Mynd með færslu
 Mynd: Aero Icarus  -  Flickr
Flugfélag Íslands hefur ákveðið að selja allar fjórar Fokker 50 vélar félagsins til Kanadíska fyrirtækisins Avmax. Með þessu lýkur sögu Fokker 50 véla í eigu Flugfélagsins en þær hafa verið hjá félaginu frá 1992 og fyrirrennarar þeirra Fokkar 27 frá árinu 1965.

Þetta kemur fram í tilkynningu frá flugfélaginu. Flugfélagið ætlar einnig að kaupa eina Bombardier Q200, 32 sæta vél af Avmax en fyrir er félagið með tvær slíkar í rekstri.

„Með þessum samningum er lokið þeirri endurnýjun sem lagt var upp með í flugflota félagsins og er það mjög mikilvægur áfangi í því að efla félagið til frekari vaxtar. Með því að bæta einni Bombardier Q200 vél í rekstur félagsins mun sveigjanleiki félagsins aukast og ný tækifæri skapast til að efla leiðarkerfið enn frekar“ segir Árni Gunnarsson framkvæmdastjóri félagsins.

 

 

Mynd með færslu
Milla Ósk Magnúsdóttir
Fréttastofa RÚV