Snyrt fyrir Cruise
Fyrst birt: 15.06.2012 14:21, Síðast uppfært: 18.06.2012 11:55
Koma stórleikarans Tom Cruise og föruneytis hans er nú undirbúin af kappi að Hrafnabjörgum í Eyjafirði. Þegar fréttamaður RÚV átti leið þar hjá í morgun var verið að slá og snyrta í kringum húsið sem áður var í eigu Jóhannesar Jónssonar sem kenndur er við Bónus.
Talið er að leikarinn heimsfrægi muni halda upp á fimmtugsafmælið sitt í húsinu 3. júlí en áætlað er að tökum á stórmyndinni Oblivion verði lokið um það leyti.
Ertu með athugasemd vegna fréttarinnar? Sendu á frettir@ruv.is
