ruv.is

Sjávarútvegsráðherra ætlar að stöðva veiðar á rækju fari þær fram yfir óskilgreint hámark. Ráðherra er ekki tilbúinn til að svara því hreint út við hve miklar veiðar hann hyggst miða.

Jón Bjarnason, sjávarútvegsráðherra, ákvað á dögunum að gefa úthafsrækjuveiðar frjálsar. Samkvæmt lögfræðiáliti sem unnið var fyrir ráðuneytið má þetta ef ráðherra ákveður að takmarka ekki veiðarnar, því geri hann það þá er hann búinn að setja kvóta og þarf því að útdeila honum samkvæmt lögbundnum fiskveiðistjórnunarkerfi. Ráðherrann getur því ekki í orði takmarkað með veiðarnar.

frettir@ruv.is